Pune News: उत्तरेकडील शीत वाऱ्यांनी स्वारी केल्याने राज्यात गुलाबी थंडीचे आगमन झाले आहे. पहाटेच्या वेळी संपूर्ण परिसरात धुके पाहायला मिळत आहे. आज (ता. १६) मध्य महाराष्ट्र, मराठवाड्यात थंडीच्या लाटेचा इशारा असून, उर्वरित राज्यातही गारठा वाढण्याचा अंदाज हवामान विभागाने दिला आहे..राज्यात किमान तापमानाचा पारा १० अंशांच्या खाली घसरताच, थंडीचा कडाका वाढला आहे. तर कमाल तापमानातही हळूहळू घट होत असली तरी तुरळक ठिकाणी पारा अद्यापही तिशीपार आहे. पहाटे जाणवणारी हुडहुडी सकाळी उशिरापर्यंत टिकून राहत असून, दुपारी चटका वाढल्याचे अनुभवायला मिळत आहे. शनिवारी (ता. १५) सकाळपर्यंतच्या २४ तासांमध्ये रत्नागिरी येथे ३४.४ अंश सेल्सिअस कमाल तापमानाची नोंद झाली..Hawaman Andaj: थंडीचा कडाका वाढण्याचा अंदाज; कोकणात कमाल तापमानाचा पारा कायम.शनिवारी (ता. १५) परभणी येथील वसंतराव नाईक मराठवाडा कृषी विद्यापीठामध्ये राज्याचे यंदाच्या हंगामातील नीचांकी ७.९ अंश तापमान नोंदले गेले. तर धुळे येथील कृषी महाविद्यालयात ८.२ अंश तापमानाची नोंद झाली. जेऊर, जळगाव, निफाड येथील गहू संशोधन केंद्रात १० अंशापेक्षा कमी तापमानाची नोंद झाल्याने थंडीची लाट कायम होती. तर नाशिक, गोंदिया, यवतमाळ येथे पारा ११ अंशाच्या खाली असल्याने हुडहुडी वाढली आहे..किमान तापमानाचा पारा १० अंशाखाली घसरल्यास आणि तापमानात सरासरीपेक्षा ४.५ अंशापेक्षा अधिक घट झाल्यास थंडीची लाट आल्याचे समजले जाते. मध्य महाराष्ट्र आणि मराठवाड्यात काही ठिकाणी थंडीची लाट आणि हुडहुडी कायम आहे. आज (ता. १६) जळगाव, नाशिक, अहिल्यानगर, पुणे, छत्रपती संभाजीनगर, जालना, बीड, परभणी, हिंगोली, नांदेड जिल्ह्यांसह उर्वरित राज्यात तुरळक ठिकाणी थंडीची लाट कायम राहणार असल्याने सतर्कतेचा इशारा (येलो अलर्ट) हवामान विभागाने दिला आहे..Cold Weather Update : जळगावात थंडीचा कडाका ढगाळ वातावरणामुळे कमी.शनिवारी (ता. १५) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२९.८---११.२अहिल्यानगर---२९.२---११.४धुळे---२९.५---८.२जळगाव---२९.९---९.५जेऊर---३१.५---९.०कोल्हापूर---२९.४---१५.८महाबळेश्वर---२६.२---१२.०मालेगाव---निरंक---११.२.नाशिक---२८.३---१०.३निफाड---२९.५---९.०सांगली---३१.०---१४.२सातारा---३०.२---१२.०सोलापूर---३१.६---१५.४सांताक्रूझ---३३.३---१८.०डहाणू---३४.०---१७.८रत्नागिरी---३४.४---१९.४.छत्रपती संभाजीनगर---२९.२---१२.६धाराशिव---३०.७---१३.३परभणी---२९.८---११.७परभणी (कृषी)---२९.२---७.९अकोला---३०.०---१३.०अमरावती---३१.२---१२.७भंडारा---२८.०---१२.०बुलडाणा---२९.०---१३.४.ब्रह्मपुरी---३२.३---१४.३चंद्रपूर---३०.६---१३.६गडचिरोली---२९.४---१२.८गोंदिया---२८.२---१०.६नागपूर---२९.१---१२.०वर्धा---२९.४---१२.९वाशीम---३०.६---११.६यवतमाळ---२९.८---१०.८.सरासरी तापमान (अंश से.)विभाग---किमान---कमालउत्तर महाराष्ट्र---८.२---२९.९पश्चिम महाराष्ट्र---९.०---३१.६मराठवाडा---७.९---३०.७विदर्भ---१०.६---३२.३कोकण---१७.८---३४.२राज्यातील थंडीची लाट असलेली ठिकाणे :परभणी (कृषी) ७.९, धुळे ८.२, जेऊर ९, निफाड ९, जळगाव ९.५.थंडीच्या लाटेचा इशारा (येलो अलर्ट) :जळगाव, नाशिक, अहिल्यानगर, पुणे, छत्रपती संभाजीनगर, जालना, बीड, परभणी, हिंगोली, नांदेड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
