Pune News: बंगालच्या उपसागरातील कमी दाबाच्या क्षेत्रामुळे राज्यात पावसाला पोषक हवामान होत आहे. आज (ता. २८) मध्य महाराष्ट्राच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) देण्यात आला आहे. कोकण, मराठवाडा आणि विदर्भात जोरदार पावसाच्या सरींची शक्यता असल्याने, तसेच दक्षिण महाराष्ट्र वगळता उर्वरित राज्यात तुरळक ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..बंगालच्या उपसागरात ओडिशाच्या किनाऱ्यालगत ठळक कमी दाबाचे क्षेत्र सक्रिय असून, त्याला लागूनच समुद्र सपाटीपासून ७.६ किलोमीटर उंचीवर चक्राकार वारे वाहत आहेत. ही प्रणाली आज ओडिशामध्ये जमिनीवर येण्याची शक्यता आहे. मॉन्सूनचा आस असलेला कमी दाबाचा पट्टा बिकानेरपासून, दामोह, पेंद्रा रोड कमी दाबाचे केंद्र ते पूर्व - मध्य बंगालच्या उपसागरापर्यंत सक्रिय आहे..Monsoon Rain: दोन दिवस पावसाचा जोर राहणार; विदर्भ, मराठवाड्यात ३ दिवस जोरदार पावसाची शक्यता.मॉन्सून पुन्हा सक्रिय होण्यास पोषक हवामान झाल्याने कोकण, घाटमाथा, मध्य महाराष्ट्रात तुरळक ठिकाणी हलक्या ते जोरदार पावसाच्या सरी सुरूच आहेत. पूर्व विदर्भात जोरदार पावसाने हजेरी लावली असून, सिंदेवाही येथे सर्वाधिक १११ मिलिमीटर पावसाची नोंद झाली आहे. उर्वरित राज्यात ऊन-सावल्यांच्या खेळात पावसाच्या हलक्या सरी येत आहेत. बुधवारी (ता. २७) सकाळपर्यंतच्या २४ तासांमध्ये नागपूर येथे राज्यातील उच्चांकी ३२.८ अंश सेल्सिअस तापमानाची नोंद झाली..आज (ता. २८) पुणे घाटमाथा, सातारा घाटमाथा आणि कोल्हापूर जिल्ह्याच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) देण्यात आला आहे. कोकणातील पालघर, ठाणे, मुंबई, रायगड, रत्नागिरी, सिंधुदुर्ग, नाशिक घाटमाथा, जालना, परभणी, नांदेड, भंडारा, गोंदिया, चंद्रपूर, गडचिरोली जिल्ह्यांत जोरदार पावसाची शक्यता आहे. तर दक्षिण महाराष्ट्र वगळता उर्वरित राज्यात विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..Maharashtra Monsoon Rain: राज्यात पावसाचा जोर वाढण्याचा अंदाज.बुधवारी (ता. २७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.३---२२.२अहिल्यानगर---२९.०---निरंकधुळे---३०.८---२०.२जळगाव---२९.८---२३.२जेऊर---३०.५---१९.५कोल्हापूर---२६.७---२१.६महाबळेश्वर---१९.१---१७.०मालेगाव---२९.२---२१.४.नाशिक---२६.५---२२.२निफाड---२८.६---२२.०सांगली---२८.४---२२.१सातारा---२७.७---२१.९सोलापूर---३०.८---२२.४सांताक्रूझ---२९.०---२६.०डहाणू---२८.९---२४.४रत्नागिरी---२८.०---२३.८छत्रपती संभाजीनगर---२९.२---२२.२.धाराशिव---२७.६---२०.०परभणी---२९.६---२३.०अकोला---३१.९---२४.७अमरावती---३१.०---२२.८भंडारा---३०.०---२३.०बुलडाणा---२७.८---२२.८ब्रह्मपुरी---३२.७---२२.६चंद्रपूर---३०.६---२४.६गडचिरोली---३०.०---२३.०गोंदिया---३१.८---२४.४नागपूर---३२.८---२५.१वर्धा---३१.०---२४.६वाशीम---२८.४---२२.६यवतमाळ---३०.२---२३.४.जोरदार पावसाचा इशारा (ऑरेंज अलर्ट) : पुणे घाटमाथा, सातारा घाटमाथा, कोल्हापूर घाटमाथा.जोरदार पावसाचा इशारा (येलो अलर्ट) : पालघर, ठाणे, मुंबई, रायगड, रत्नागिरी, सिंधुदुर्ग, नाशिक घाटमाथा, जालना, परभणी, नांदेड, भंडारा, गोंदिया, चंद्रपूर, गडचिरोली.विजांसह पावसाचा इशारा (येलो अलर्ट) : नंदूरबार, धुळे, जळगाव, नाशिक, अहिल्यानगर, पुणे, छत्रपती संभाजीनगर, बीड, हिंगोली, बुलडाणा, अकोला, अमरावती, यवतमाळ, वर्धा, नागपूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
