Pune News: राज्यातील काही भागात मागील ५ दिवसांपासून ढगाळ हवामानासह हलक्या ते मध्यम सरी पडत आहेत. तर काही ठिकाणी जोरदार पाऊस हजेरी लावत आहे. हवामान विभागाने आज राज्यभरात तर पुढील ४ दिवस राज्याच्या काही भागात पावसाचा अंदाज दिला. तर माॅन्सूनने देशाच्या आणखी काही भागात माघार घेतली. .माॅन्सून यंदा आपल्या सरासरी वेळेच्या ३ दिवस आधीच म्हणजेच १४ सप्टेंबरला परतीच्या प्रवासावर निघाला होता. त्यानंतर मात्र माॅन्सूनचा परतीचा प्रवास अडखळतच सुरु आहे. माॅन्सूनने आजही पंजाब, हरियाना, राजस्थान आणि गुजराजच्या काही भागातून माघार घेतली. तर माॅन्सूनच्या परतीच्या प्रवासासाठी पोषक हवामान आहे. त्यामुळे पुढील २ ते ३ दिवसांत माॅन्सून गुजरात, राजस्थान, हरियाना आणि पंजाबच्या आणखी काही भागातून तर उत्तर प्रदेश, दिल्ली, हिमाचल प्रदेश तसेच जम्मू आणि काश्मीरच्या आणखी काही भागातून माघार घेण्याची शक्यता असल्याचे हवामान विभागाने म्हटले आहे..Rain Alert Maharashtra : राज्यात विजांसह वादळी पावसाचा इशारा कायम.राज्यात आज ठिकठिकाणी ढगाळ हवामानासह हलक्या ते मध्यम पावसाचा अंदाज आहे. जळगाव, नाशिक, छत्रपती संभाजीनगर, बुलडाणा आणि जालना जिल्ह्यात जोरदार ते अतिजोरदार पावसाचा ऑरेंज अलर्ट हवामान विभागाने दिला. तर संपूर्ण विदर्भ, संपूर्ण मराठवाडा आणि संपूर्ण मध्य महाराष्ट्र तसेच कोकणात ठिकठिकाणी ढगाळ हवामानासह हलक्या ते मध्य पावसाचा अंदाज आहे. तर मराठवाड्यातील काही भागात जोरदार पावसाचाही अंदाज देण्यात आला आहे..उद्या विदर्भातील बुलडाणा, वाशीम, यवतमाळ, वर्धा, चंद्रपूर आणि गडचिरोली जिल्ह्यात काही ठिकाणी ढगाळ हवामानासह हलक्या ते मध्यम पावसाची शक्यता आहे. बुधवारी यवतमाळ, चंद्रपूर, गोंदीया आणि गडचिरोली जिल्ह्यात काही ठिकाणी पावसाची शक्यता वर्तविण्यात आली. गुरुवारी आणि शुक्रवारी विदर्भाताली सर्वच जिल्ह्यांमध्ये ढगाळ हवामानासह हलक्या ते मध्यम पावसाचा अंदाज वर्तविण्यात आला. .Weekly Weather: हलक्या पावसानंतर उघडिपीची शक्यता.मराठवाड्यातील सर्वच जिल्ह्यांमध्ये मंगळवारी आणि बुधवारी काही ठिकाणी जोरदार पावसाचा अंदाज आहे. गुरुवारी परभणी, नांदेड, हिंगोली, लातूर आणि धाराशिव तर शुक्रवारी धाराशिव, लातूर आणि नांदेड जिल्ह्यात काही ठिकाणी जोरदार पावसाचा अंदाज आहे. इतर भागात ढगाळ हवामानासह हलक्या सरी पडतील, अशीही शक्यता हवामान विभागाने वर्तविली..मध्य महाराष्ट्रातील सर्वच जिल्ह्यांमध्ये आज आणि उद्या पावसाचा अंदाज आहे. घाटमाथ्यावर पावसाचा जोर अधिक राहू शकतो. बुधवारी पुणे, अहिल्यानगर, सांगली आणि सोलापूर तर गुरुवारी पुणे, सोलापूर, सांगली आणि घाटमाथ्यावर काही ठिकाणी जोरदार पावसाचा अंदाज आहे. बुधवारी आणि गुरुवारी मध्य महाराष्ट्रातील इतर जिल्ह्यांमध्ये काही ठिकाणी हलक्या ते मध्यम पावसाचाही अंदाज देण्यात आला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
