Pune News: राज्यातील थंडीची लाट ओसरली असली, तरी गारठा कायम आहे. किमान तापमानात हळूहळू वाढ होत असून, काही ठिकाणी पहाटे धुके पाहायला मिळत आहे. आज (ता. १८) राज्याच्या किमान तापमानात काही अंशी वाढ होण्याची, तसेच थंडी कायम राहण्याची शक्यता हवामान विभागाने वर्तविली आहे..उत्तर भारतात थंडी ओसरली असून, बुधवारी (ता. १७) पश्चिम राजस्थानातील नागौर येथे देशाच्या सपाट भूभागावरील नीचांकी ३.७ अंश किमान तापमानाची, तर सकाळी ८.३० पर्यंतच्या २४ तासांमध्ये कर्नाटकच्या कारवार येथे देशातील उच्चांकी ३४.८ अंश सेल्सिअस तापमानाची नोंद झाली. राज्यातील डहाणू येथे राज्यातील उच्चांकी ३४.३ अंश सेल्सिअस तापमान नोंदले गेले..बुधवारी (ता. १७) धुळे येथील कृषी महाविद्यालयात राज्यातील नीचांकी ५.५ अंश सेल्सिअस तापमानाची नोंद झाली. निफाड येथील गहू संशोधन केंद्र आणि जेऊर येथे ८ अंश, परभणी येथील वसंतराव नाईक मराठवाडा कृषी विद्यापीठ तसेच गोंदिया येथे ९ अंशांपेक्षा कमी, अहिल्यानगर, मालेगाव, नागपूर, भंडारा, यवतमाळ येथे १० अंश व त्यापेक्षा कमी तापमानाची नोंद झाली..Winter Weather Update: राज्यात थंडीचा कडाका कायम; पुढील काही दिवस गारठा टिकणार.किमान तापमानाचा पारा १० अंशांच्या खाली आल्यास तसेच तापमानात सरासरीच्या तुलनेत ४.५ अंशांची घट झाल्यास थंडीचा लाट, तर तापमानात ६.५ अंशांपेक्षा अधिक घट झाल्यास तीव्र लाट आल्याचे समजले जाते. बुधवारी (ता. १७) धुळे येथे थंडीच्या लाटेसदृश स्थिती होती. उर्वरित राज्यात थंडी ओसरली आहे. आज (ता. १८) राज्याच्या किमान तापमानात चढ-उतार होत, थंडी कायम राहण्याची शक्यता हवामान विभागाने वर्तविली आहे..बुधवारी (ता. १७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२८.६---१०.९अहिल्यानगर---२९.२---९.५धुळे---२९.५---५.५जळगाव---२७.३---१०.३जेऊर---३०.०---८.०कोल्हापूर---२८.२---१७.५महाबळेश्वर---२४.३---१४.७.Maharashtra Weather: किमान तापमानात चढ-उतार शक्य.मालेगाव---२५.८---९.८नाशिक---२७.६---१०.४निफाड---२८.५---८.०सांगली---२९.७---१६.१सातारा---३०.०---१४.१सोलापूर---३२.०---१६.१सांताक्रूझ---३३.१---१८.४.डहाणू---३४.३---१६.६रत्नागिरी---३३.६---२१.०छत्रपती संभाजीनगर---२८.०---११.५धाराशिव---३०.६---११.०परभणी---२८.७---११.६परभणी (कृषी)---२७.८---८.१अकोला---३०.१---११.१.अमरावती---३१.२---१०.६भंडारा---२७.०---१०.०बुलडाणा---२९.५---१३.०ब्रह्मपुरी---३०.५---१२.४चंद्रपूर---३०.२---१२.८गडचिरोली---२९.४---११.२गोंदिया---२८.१---८.६नागपूर---२८.४---९.६वर्धा---२८.५---११.०वाशीम---२९.४---११.०यवतमाळ---३०.०---१०.०.सरासरी तापमान (अंश से.)विभाग---किमान---कमालउत्तर महाराष्ट्र---५.५---२९.५पश्चिम महाराष्ट्र---८.०---३२.०मराठवाडा---८.१---३०.६विदर्भ---८.६---३१.२कोकण---१६.६---३४.३राज्यात थंडी असलेली ठिकाणे : धुळे ५.५, जेऊर ८, निफाड ८..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
