Agriculture Advice: महाराष्ट्रावर आजपासून गुरुवार (ता.२३ ते २७) पर्यंत १०१४ हेप्टापास्कल इतका अधिक हवेचा दाब राहील. किमान व कमाल तापमानात घसरण होताच हवेच्या दाबात वाढ होते. त्यामुळे या दिवशी थंडीचे प्रमाण अधिक राहील. किमान व कमाल तापमानात घसरण झाल्याने काही भागात विशेषतः उत्तरेकडील भागात थंडीची लाट जाणवेल. तर उद्या (ता.२४) मंगळवार (ता.२५) व शुक्रवारी (ता.२८) थंडीचे प्राबल्य कमी होऊन सौम्य थंडी जाणवेल. प्रामुख्याने महाराष्ट्राच्या दक्षिण भागात असे हवामान राहील..बुधवारी (ता.२६) बंगालच्या उपसागरात हवेच्या कमी दाबाचे क्षेत्र निर्माण होऊन लहान चक्रिय वादळाची निर्मिती होईल. बंगालच्या उपसागरावर चक्राकार वाऱ्यामुळे भारताचे दक्षिण भागातही बाष्पयुक्त वारे शिरकाव करतील. त्यामुळे हवामान ढगाळ राहील. त्याचा एकूण तापमानावर परिणाम होऊन रात्रीच्या तापमानात थोडीफार वाढ होईल. हे चक्रिय वादळ गुरुवारी (ता.२७) आंध्र किनारपट्टीजवळ असेल आणि सोमवारला (ता.१ डिसेंबर) झारखंड आणि पश्चिम बंगालच्या किनारपट्टीवर जाऊन धडकेल.त्यामुळे महाराष्ट्रासह दक्षिण भारतात हवामान ढगाळ राहील. ज्या भागात हवेच्या कमी दाबाचे क्षेत्र असेल तेथे अल्पशा पावसाची शक्यता निर्माण होईल. मात्र गारपिटीची शक्यता कमी राहील. कारण बंगालचे उपसागरातून येणारे वारे अतिथंड नसतील. हिंदी महासागराच्या व बंगालच्या उपसागराच्या पाण्याचे पृष्ठभागाचे तापमान २९ अंश सेल्सिअसपर्यंत वाढले असल्याने बाष्प निर्मिती मोठ्या प्रमाणात होत असल्याने हा हवामान बदल जाणवत आहे..तर प्रशांत महासागराच्या पाण्याचे पृष्ठभागाचे विषुववृत्तीय भागातील तापमान पेरुजवळ १५ अंश सेल्सिअस व इक्वॅडोरजवळ २२ अंश सेल्सिअस इतके कमी असून तिकडे हवेचे दाब अधिक असल्याने ‘ला-निना’ परिणामामुळे इकडचे बाष्पयुक्त वारे तिकडे जाऊ शकत नाहीत. त्यामुळे बंगालच्या उपसागरावर लहान चक्रीवादळाची निर्मितीमुळे सर्व बाष्प हे दक्षिण भारताचे दिशेने येत राहील. या वादळाची तीव्रता आठवडाअखेर कमी झाल्यानंतर पुन्हा थंडीत वाढ होईल. हवामान ढगाळ राहण्यामुळे पिकांवर रोग व किडींचा प्रादुर्भावासाठी पोषक स्थिती राहील..Paus Andaj: पावसाला पोषक हवामान; राज्यातील बहुतांशी भागात थंडीचा कडाका कमी.कोकणकमाल तापमान पालघर जिल्ह्यात ३१ अंश सेल्सिअस, तर सिंधुदुर्ग जिल्ह्यात ३३ अंश सेल्सिअस राहील. रायगड व ठाणे जिल्ह्यांत कमाल तापमान ३४ अंश सेल्सिअस राहील. किमान तापमान पालघर जिल्ह्यात २२ अंश सेल्सिअस, तर सिंधुदुर्ग, रायगड व ठाणे जिल्ह्यांत २३ अंश सेल्सिअस आणि रत्नागिरी जिल्ह्यात ते २४ अंश सेल्सिअस राहील. कोकणातील सर्वच जिल्ह्यांत हवामान अंशतः ढगाळ राहील. सकाळची सापेक्ष आर्द्रता रत्नागिरी जिल्ह्यात ४९ टक्के, रायगड, ठाणे व पालघर जिल्ह्यांत ५२ ते ५७ टक्के राहील..सिंधुदुर्ग जिल्ह्यात सकाळची सापेक्ष आर्द्रता ६२ टक्के राहील. दुपारची सापेक्ष आर्द्रता सर्वच जिल्ह्यांत ४१ ते ४६ टक्के राहील. वाऱ्याचा ताशी वेग ठाणे जिल्ह्यात ताशी ७ कि.मी., तर रत्नागिरी व रायगड जिल्ह्यांत ताशी ८ कि.मी. राहील. सिंधुदुर्ग जिल्ह्यात वाऱ्याचा ताशी वेग १३ कि.मी आणि पालघर जिल्ह्यात ताशी १६ कि.मी. राहील. सर्वच जिल्ह्यात वाऱ्याची दिशा ईशान्येकडून राहील. हवामान ढगाळ राहण्यामुळे अल्पशा पावसाची शक्यता निर्माण होईल..उत्तर महाराष्ट्रनाशिक जिल्ह्यात कमाल तापमान २८ अंश सेल्सिअस, तर धुळे जिल्ह्यात २९ अंश सेल्सिअस राहील. कमाल तापमान नंदुरबार व जळगाव जिल्ह्यांत ३० अंश सेल्सिअस राहील. नाशिक, धुळे, नंदुरबार व जळगाव जिल्ह्यांत किमान तापमानात मोठी घसरण होऊन ते १८ अंश सेल्सिअसपेक्षा कमी राहण्याची शक्यता आहे. उत्तर महाराष्ट्रातील सर्वच जिल्ह्यांत आकाश अंशतः ढगाळ राहील..सकाळची सापेक्ष आर्द्रता नाशिक जिल्ह्यात ६३ टक्के, तर उर्वरित धुळे, नंदुरबार व जळगाव जिल्ह्यांत ५६ टक्के राहील. दुपारची सापेक्ष आर्द्रता नाशिक जिल्ह्यात २९ टक्के, तर धुळे, नंदुरबार व जळगाव जिल्ह्यांत ३० ते ३२ टक्के इतकी कमी राहील. दुपारी हवामान कोरडे राहील. धुळे व जळगाव जिल्ह्यांत वाऱ्याचा ताशी वेग ५ ते ६ कि.मी. राहील. तर नाशिक व नंदुरबार जिल्ह्यांत वाऱ्याचा ताशी वेग ८ कि.मी. राहील. सर्वच जिल्ह्यात वाऱ्याची दिशा पूर्वेकडून पश्चिमेकडे राहील..मराठवाडाकमाल तापमान जालना, हिंगोली व छत्रपती संभाजीनगर जिल्ह्यांत २८ अंश सेल्सिअस राहील. तर लातूर, नांदेड, बीड, परभणी जिल्ह्यांत कमाल तापमान २९ अंश सेल्सिअस राहील. धाराशिव जिल्ह्यात कमाल तापमान ३१ अंश सेल्सिअस राहील. किमान तापमान परभणी व जालना जिल्ह्यांत १७ अंश सेल्सिअस, तर लातूर, नांदेड, बीड, हिंगोली व छत्रपती संभाजीनगर जिल्ह्यांत १८ अंश सेल्सिअस आणि धाराशिव जिल्ह्यात १९ अंश सेल्सिअस राहील. सर्वच जिल्ह्यात हवामान ढगाळ राहील. सकाळची सापेक्ष आर्द्रता धाराशिव जिल्ह्यात ४९ टक्के, तर लातूर, बीड, हिंगोली व छत्रपती संभाजीनगर जिल्ह्यांत ५४ ते ५६ टक्के राहील..नांदेड, परभणी व जालना जिल्ह्यांत सकाळची सापेक्ष आर्द्रता ६१ ते ६४ टक्के राहील. दुपारची सापेक्ष आर्द्रता धाराशिव व छत्रपती संभाजीनगर जिल्ह्यांत २७ टक्के, लातूर जिल्ह्यात २९ टक्के, नांदेड, बीड, परभणी, हिंगोली व जालना जिल्ह्यांत ३१ ते ३४ टक्के इतकी कमी राहील. त्यामुळे दुपारी हवामान कोरडे राहील. लातूर, नांदेड, बीड परभणी व हिंगोली जिल्ह्यांत वाऱ्याचा ताशी वेग ८ कि.मी. राहील. जालना जिल्ह्यात वाऱ्याचा ताशी वेग १० कि.मी., छत्रपती संभाजीनगर जिल्ह्यात ताशी १३ कि.मी व धाराशिव जिल्ह्यात ताशी १४ कि.मी राहील. सर्वच जिल्ह्यांत वाऱ्याची दिशा ईशान्येकडून राहील..Maharashtra Cold Wave: पावसाला पोषक हवामान, हुडहुडी कमी होणार.पश्चिम विदर्भकमाल तापमान बुलडाणा, वाशीम व अमरावती जिल्ह्यांत २८ अंश सेल्सिअस, तर अकोला जिल्ह्यात २९ अंश सेल्सिअस राहील. किमान तापमान अकोला व अमरावती जिल्ह्यांत १७ अंश सेल्सिअस, तर बुलडाणा व वाशीम जिल्ह्यांत १८ अंश सेल्सिअस राहील. पश्चिम विदर्भातील सर्वच जिल्ह्यांत आकाश अंशतः ढगाळ राहील. सकाळची सापेक्ष आर्द्रता बुलडाणा व वाशीम जिल्ह्यांत ५२ ते ५७ टक्के, तर अकोला व अमरावती जिल्ह्यांत ६३ टक्के राहील. दुपारची सापेक्ष आर्द्रता सर्वच जिल्ह्यांत ३२ ते ३८ टक्के इतकी कमी राहील. वाऱ्याचा ताशी वेग बुलडाणा, अकोला व अमरावती जिल्ह्यांत ताशी ६ ते ८ कि.मी. आणि वाशीम जिल्ह्यात ताशी ११ कि.मी. राहील. बुलडाणा व अकोला जिल्ह्यात वाऱ्याची दिशा आग्नेयेकडून तर उर्वरित जिल्ह्यात ईशान्येकडून राहील..मध्य विदर्भकमाल तापमान यवतमाळ व नागपूर जिल्ह्यांत २८ अंश सेल्सिअस, तर वर्धा जिल्ह्यात २९ अंश सेल्सिअस राहील. सर्वच जिल्ह्यात किमान तापमान १६ ते १७ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता नागपूर जिल्ह्यात ५७ टक्के, तर यवतमाळ व वर्धा जिल्ह्यांत ६२ टक्के राहील. दुपारची सापेक्ष आर्द्रता सर्वच जिल्ह्यात ३५ टक्के इतकी कमी राहील. त्यामुळे हवामान कोरडे राहील. सर्वच जिल्ह्यात वाऱ्याचा ताशी वेग १० कि.मी. राहील. वाऱ्याची दिशा ईशान्येकडून राहील..पूर्व विदर्भकमाल तापमान भंडारा जिल्ह्यात २८ अंश सेल्सिअस, चंद्रपूर व गोंदिया जिल्ह्यांत २९ अंश सेल्सिअस, तर गडचिरोली जिल्ह्यात २९ अंश सेल्सिअस राहील. किमान तापमान गोंदिया जिल्ह्यात १५ अंश सेल्सिअस, तर चंद्रपूर व गडचिरोली जिल्ह्यांत १७ अंश सेल्सिअस आणि भंडारा जिल्ह्यात १८ अंश सेल्सिअस राहील. पूर्व विदर्भातील सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता भंडारा जिल्ह्यात ५८ टक्के, तर चंद्रपूर, गडचिरोली व गोंदिया जिल्ह्यांत ६१ ते ६६ टक्के राहील. दुपारची सापेक्ष आर्द्रता भंडारा जिल्ह्यात २८ टक्के, तर गोंदिया, गडचिरोली व चंद्रपूर जिल्ह्यांत ३५ टक्के राहील. वाऱ्याचा ताशी वेग चंद्रपूर जिल्ह्यात ताशी ६ कि.मी., तर गोंदिया व गडचिरोली जिल्ह्यांत ताशी ७ ते ८ कि.मी. आणि भंडारा जिल्ह्यात ताशी ११ कि.मी. राहील. पूर्व विदर्भातील सर्वच जिल्ह्यांत वाऱ्याची दिशा ईशान्येकडून राहील..पश्चिम महाराष्ट्रकमाल तापमान अहिल्यानगर जिल्ह्यात २९ अंश सेल्सिअस, तर कोल्हापूर, सांगली, सातारा, सोलापूर व पुणे जिल्ह्यांत ३२ अंश सेल्सिअस राहील. किमान तापमान सातारा व पुणे जिल्ह्यांत १५ अंश सेल्सिअस, तर सांगली व अहिल्यानगर जिल्ह्यांत १८ अंश सेल्सिअस राहील. सोलापूर जिल्ह्यात किमान तापमान २० अंश सेल्सिअस आणि कोल्हापूर जिल्ह्यात २१ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता सोलापूर जिल्ह्यात ४६ टक्के, अहिल्यानगर जिल्ह्यात ५२ टक्के, तर कोल्हापूर व सातारा जिल्ह्यांत ७६ ते ८८ टक्के राहील. सातारा व पुणे जिल्ह्यात सकाळची सापेक्ष आर्द्रता ८८ ते ९० टक्के राहील. दुपारची सापेक्ष आर्द्रता सोलापूर जिल्ह्यात २६ टक्के, अहिल्यानगर जिल्ह्यात २७ टक्के इतकी कमी राहील. दुपारची सापेक्ष आर्द्रता पुणे जिल्ह्यात ६५ टक्के, तर उर्वरित जिल्ह्यात ५० टक्के राहील. वाऱ्याचा ताशी वेग कोल्हापूर, सांगली, अहिल्यानगर व सोलापूर जिल्ह्यांत १० ते १३ कि.मी., तर सातारा व पुणे जिल्ह्यांत ७ ते ९ कि.मी. राहील. सर्वच जिल्ह्यात वाऱ्याची दिशा ईशान्येकडून राहील..कृषी सल्लागव्हाचे उशिरा पेरणीसाठी एच.डी. ३२७१, पी.बी. डब्ल्यू ७५२, ७५७, ७७१ या वाणांची निवड करावी.कोरडवाहू रब्बी ज्वारीस कोळपणी व खुरपणी करून शेत तण विरहित ठेवावे.कुक्कुटपालन शेडमध्ये रात्रीच्या वेळी बल्ब लावून शेडमधील तापमान वाढवावे.थंडीची तीव्रता लक्षात घेता, जनावरांना बंदिस्त गोठ्यात बांधावे.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
