Pune News: उत्तरेकडील शीत वाऱ्यांमुळे उत्तर महाराष्ट्रात थंडीची लाट टिकून आहे. राज्याच्या किमान तापमानात २ ते ८ अंशांची मोठी घट झाल्याने हुडहुडी वाढली आहे. आज (ता. १३) राज्यातील गारठा कायम राहण्याची शक्यता आहे. तर कमाल तापमानात चढ-उतार कायम राहण्याचा अंदाज हवामान विभागाने वर्तविला आहे..राज्यात पहाटे थंडीचा कडाका वाढला असला तरी दुपारच्या वेळी उन्हाचा चटका आणि उकाडा कायम आहे. त्यामुळे सकाळी गारठा तर दुपारी चटका अशी परस्परविरोधी स्थिती टिकून आहे. राज्याच्या कमाल तापमानात हळूहळू घट होत असून, बुधवारी (ता. १२) सकाळपर्यंतच्या २४ तासांमध्ये सोलापूर येथे ३२.५ अंश सेल्सिअस कमाल तापमानाची नोंद झाली..Hawaman Andaj: उत्तर महाराष्ट्रात थंडीची लाट; राज्यातील बहुतांशी भागात किमान तापमानात मोठी घट.तर धुळे येथील कृषी महाविद्यालय येथे राज्याचे हंगामातील नीचांकी ८ अंश सेल्सिअस तापमान नोंदले गेले. निफाड येथील गहू संशोधन केंद्रामध्ये पारा ९ अंशांपर्यंत घसरला आहे. तर जळगाव येथे ९.१ अंश तापमानाची नोंद झाल्याने थंडीची लाट कायम आहे. नाशिक, जेऊर, मालेगाव, परभणी कृषी विद्यापीठ, गोंदिया, यवतमाळ येथे पारा ११ अंशांच्या खाली असल्याने गारठा वाढला आहे..किमान तापमानाचा पारा १० अंशाखाली घसरल्यास आणि तापमानात सरासरीपेक्षा ४.५ अंशांपेक्षा अधिक घट झाल्यास थंडीची लाट आल्याचे असे समजले जाते. राज्याच्या उत्तरेकडे गारठा अधिक असून, पहाटे धुक्यासह दव पडत आहे. दक्षिणेकडील जिल्ह्यात मात्र तापमानात चढ-उतार सुरूच आहेत. आज (ता. १३) राज्याच्या किमान तापमानात घट आणि थंडी कायम राहण्याची शक्यता हवामान विभागाने वर्तविली आहे..Winter Weather: उत्तर महाराष्ट्रात थंडीची लाट.बुधवारी (ता. १२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.०---१३.७अहिल्यानगर---२९.२---१२.६धुळे---२९.०---८.०जळगाव---२९.८---९.१जेऊर---३१.५---११.०कोल्हापूर---२९.१---१८.१महाबळेश्वर---२५.६---१२.५.मालेगाव---२७.०---११.०नाशिक---२९.१---१०.६निफाड---२८.०---९.०सांगली---३०.२---१६.३सातारा---३०.२---१५.०सोलापूर---३२.५---१८.१सांताक्रूझ---३२.२---१८.६.डहाणू---३०.९---१७.६रत्नागिरी---३१.५---१९.६छत्रपती संभाजीनगर---३०.४---१३.०धाराशिव---३०.०---१४.८परभणी---३०.९---१३.४परभणी (कृषी)---२९.५---१०.८अकोला---३०.७---१२.७अमरावती---३१.८---१२.०.भंडारा---३०.०---१२.०बुलडाणा---२९.८---१३.४ब्रह्मपुरी---३०.९---१४.१चंद्रपूर---३१.२---१३.६गडचिरोली---२९.६---१३.०गोंदिया---२८.४---१०.५नागपूर---२९.४---१२.६वर्धा---३०.४---१३.५वाशीम---२९.८---११.६यवतमाळ---३०.८---१०.६राज्यातील थंडीची लाट असलेली ठिकाणे :धुळे ८, निफाड ९, जळगाव ९.१..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
