Agriculture Weather Update: उत्तर भारतात हवेच्या दाबात वाढ झालेली असून तेथे थंडी सुरू झाली आहे. महाराष्ट्रावरील हवेच्या दाबातही वाढ होऊन थंडीची चाहूल लागण्यास सुरुवात झाली आहे. राज्यात किमान व कमाल तापमानात घसरण सुरू झाली असून थंड हवामान शक्य आहे. आज (ता.८), गुरुवार (ता. १२) व शुक्रवार (ता. १३) या दिवशी महाराष्ट्राच्या उत्तरेस सीमारेषेवर १०१६ हेप्टापास्कल इतके अधिक हवेचे दाब राहतील. म्हणजेच तेथे किमान व कमाल तापमानात घसरण झाली असून, थंडीची सुरुवात झाल्याचे ते निर्देशक आहेत. महाराष्ट्रावर उद्या (ता. ९)पासून बुधवार (ता. ११)पर्यंत हवेचे दाब १०१४ हेप्टापास्कलपर्यंत वाढतील. याच काळात थंडीची तीव्रता जाणवण्यास सुरुवात होईल. मात्र गुरुवार (ता. १२) व शुक्रवारी (ता. १३) हवेचे दाब कमी होऊन ते १०१२ हेप्टापास्कल इतके होतील, त्या वेळी थंडीचे प्रमाण कमी होईल. यावरून थंडीचे प्रमाण सुरुवातीच्या काळात कमी अधिक राहण्याची शक्यता दिसून येत आहे. .धाराशिव, सोलापूर, सांगली जिल्ह्यांत वाऱ्याचा ताशी वेग वाढेल. वारे ताशी १४ ते १७ कि.मी. इतक्या वेगाने वाहतील. उर्वरित जिल्ह्यात वाऱ्याचा ताशी वेग साधारणच राहील. कोकण, मराठवाडा, पूर्व विदर्भ व दक्षिण पश्चिम महाराष्ट्रात आकाश अंशतः ढगाळ राहील. महाराष्ट्रातील सर्वच जिल्ह्यांत वाऱ्याची दिशा ईशान्येकडून राहील..हिंदी महासागराचे पाण्याच्या पृष्ठभागाचे तापमान पूर्व भागात ३० अंश सेल्सिअस आणि पश्चिम भागातही ३० ते ३१ अंश सेल्सिअस राहील. त्यामुळे आयओडी पॉझिटिव्ह होईल. तसेच बंगालच्या उपसागराचे पाण्याच्या पृष्ठभागाचे तापमान ३१ अंश सेल्सिअसपर्यंत वाढले असून या पुढील काळात बंगालचे उपसागरात चक्रीय वादळांची निर्मिती होणे शक्य आहे.या काळात महाराष्ट्रावरील हवेचे दाब कमी राहिल्यास तयार होणारी चक्रीय वादळे महाराष्ट्राच्या दिशेने येण्याची शक्यता निर्माण होईल. त्यामुळे पावसाची शक्यता निर्माण होईल. मात्र त्याच वेळी प्रशांत महासागराचे विषुववृत्तीय भागाच्या उत्तरेस पाण्याच्या पृष्ठभागाचे तापमान होन्ड्रुसजवळ, सालवेडारजवळ ३१ अंश सेल्सिअसपर्यंत वाढलेले असून ‘सुपर एल निनो’चा प्रभाव सुरू झाला आहे. त्यानुसार या पुढील काळात पावसाचे प्रमाण कमी राहील अशी शक्यता आहे..Maharashtra Weather Forecast: कोकण, मध्य महाराष्ट्रात उन्हाचा चटका, उकाडा कायम.कोकणसिंधुदुर्ग, रत्नागिरी व रायगड जिल्ह्यांत हलक्या पावसाची शक्यता आहे. मात्र पालघर जिल्ह्यात पावसाची शक्यता नाही. सर्वच जिल्ह्यात वाऱ्याची दिशा ईशान्येकडून राहील. सिंधुदुर्ग, रत्नागिरी, ठाणे व पालघर जिल्ह्यांत वाऱ्याचा ताशी वेग ९ कि.मी., तर रायगड जिल्ह्यात ताशी १२ कि.मी. राहील. कमाल तापमान सिंधुदुर्ग जिल्ह्यात ३५ अंश सेल्सिअस, तर रत्नागिरी व रायगड जिल्ह्यांत ३६ अंश सेल्सिअस राहील. ठाणे व पालघर जिल्ह्यात कमाल तापमान ३७ अंश सेल्सिअस राहील. रत्नागिरी व रायगड जिल्ह्यांत किमान तापमान २३ अंश सेल्सिअस, ठाणे जिल्ह्यात २४ अंश सेल्सिअस, तर सिंधुदुर्ग व पालघर जिल्ह्यांत २५ अंश सेल्सिअस राहील. रायगड, ठाणे, पालघर व रत्नागिरी जिल्ह्यांत आकाश अंशतः ढगाळ, तर सिंधुदुर्ग जिल्ह्यात पूर्णतः ढगाळ राहील. ठाणे व पालघर जिल्ह्यांत सकाळची सापेक्ष आर्द्रता ३३ ते ३६ टक्के, तर रायगड जिल्ह्यात ५१ टक्के, रत्नागिरी जिल्ह्यात ६६ टक्के आणि सिंधुदुर्ग जिल्ह्यात ८० टक्के राहील. रायगड, ठाणे व पालघर जिल्ह्यांत दुपारची सापेक्ष आर्द्रता १३ ते १६ टक्के, तर रत्नागिरी जिल्ह्यात २५ टक्के आणि सिंधुदुर्ग जिल्ह्यात ३८ टक्के राहील..उत्तर महाराष्ट्रनाशिक, धुळे, नंदुरबार व जळगाव जिल्ह्यांत पावसाची शक्यता नाही. सर्वच जिल्ह्यात वाऱ्याची दिशा ईशान्येकडून राहील. धुळे व नंदुरबार जिल्ह्यांत वाऱ्याचा ताशी वेग ५ ते ६ कि.मी., तर पालघर व नाशिक जिल्ह्यात ताशी ७ ते ८ कि.मी. राहील. कमाल तापमान नाशिक जिल्ह्यात ३३ अंश सेल्सिअस, तर धुळे, नंदुरबार व नाशिक जिल्ह्यांत २५ अंश सेल्सिअस राहील. नाशिक जिल्ह्यात ते ३३ अंश सेल्सिअस राहील. नाशिक व जळगाव जिल्ह्यांत किमान तापमान २१ अंश सेल्सिअस, तर धुळे व नाशिक जिल्ह्यांत २२ अंश सेल्सिअस राहील. नाशिक जिल्ह्यात आकाश अंशतः ढगाळ राहील. नाशिक व नंदुरबार जिल्ह्यांत सकाळची सापेक्ष आर्द्रता ३० टक्के, तर धुळे व जळगाव जिल्ह्यांत ३१ ते ३३ टक्के राहील. दुपारची सापेक्ष आर्द्रता सर्वच जिल्ह्यात १४ टक्के इतकी कमी राहील. हवामान कोरडे राहील..मराठवाडाधाराशिव, लातूर, नांदेड, बीड, परभणी, हिंगोली, जालना व छत्रपती संभाजीनगर जिल्ह्यांत पावसाची शक्यता नाही. हवामान थंड व कोरडे राहील. सर्वच जिल्ह्यांत वाऱ्याची दिशा ईशान्येकडून राहील. परभणी, हिंगोली, जालना व छत्रपती संभाजीनगर जिल्ह्यांत वाऱ्याचा ताशी वेग ७ कि.मी. राहील. नांदेड जिल्ह्यात वाऱ्याचा ताशी वेग ६ कि.मी., बीड जिल्ह्यात ताशी ९ कि.मी., लातूर जिल्ह्यात ताशी १० कि.मी., तर धाराशिव जिल्ह्यात ताशी १७ कि.मी. राहील. धाराशिव व लातूर जिल्ह्यांत कमाल तापमान ३२ अंश सेल्सिअस, तर नांदेड, बीड, परभणी, हिंगोली, जालना व छत्रपती संभाजीनगर जिल्ह्यांत ३३ अंश सेल्सिअस राहील. नांदेड, परभणी व जालना जिल्ह्यांत किमान तापमान २० अंश सेल्सिअस, तर छत्रपती संभाजीनगर, हिंगोली, बीड व लातूर जिल्ह्यांत २१ अंश सेल्सिअस राहील. धाराशिव जिल्ह्यात किमान तापमान २२ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सकाळची सापेक्ष आर्द्रता लातूर जिल्ह्यात ४१ टक्के, तर उर्वरित सर्वच जिल्ह्यांत ३३ ते ३९ टक्के राहील. दुपारची सापेक्ष आर्द्रता सर्वच जिल्ह्यात १४ ते १९ टक्के इतकी कमी राहील. हवामान कोरडे राहील..Hawaman Andaj: राज्यातील हवामानाचा अंदाज काय? तापमानातील चढ उतार कायम राहणार का ?.पश्चिम विदर्भबुलडाणा, अकोला, वाशीम व अमरावती जिल्ह्यांत पावसाची शक्यता नाही. या सर्वच जिल्ह्यात वाऱ्याची दिशा ईशान्येकडून राहील. सर्वच जिल्ह्यांत वाऱ्याचा ताशी वेग ५ कि.मी. राहील. बुलडाणा, वाशीम व अमरावती जिल्ह्यांत कमाल तापमान ३३ अंश सेल्सिअस, तर अकोला जिल्ह्यात ३४ अंश सेल्सिअस राहील. किमान तापमान वाशीम जिल्ह्यात १९ अंश सेल्सिअस, तर उर्वरित सर्वच जिल्ह्यांत किमान तापमान २० अंश सेल्सिअस राहील. सर्वच जिल्ह्यांत आकाश निरभ्र राहील. सकाळची सापेक्ष आर्द्रता बुलडाणा जिल्ह्यात ३६ टक्के, वाशीम जिल्ह्यात ३७ टक्के, तर अकोला व अमरावती जिल्ह्यांत ३९ टक्के राहील. दुपारची सापेक्ष आर्द्रता सर्वच जिल्ह्यात १७ टक्के राहील..यवतमाळ, वर्धा व नागपूर जिल्ह्यांत पावसाची शक्यता नाही. सर्वच जिल्ह्यात वाऱ्याची दिशा ईशान्येकडून राहील. यवतमाळ जिल्ह्यात वाऱ्याचा ताशी वेग ५ कि.मी., तर वर्धा व नागपूर जिल्ह्यांत ताशी ७ कि.मी. राहील. कमाल तापमान यवतमाळ जिल्ह्यात ३२ अंश सेल्सिअस, तर वर्धा व नागपूर जिल्ह्यांत ३३ अंश सेल्सिअस राहील. किमान तापमान नागपूर जिल्ह्यात १९ अंश सेल्सिअस, तर यवतमाळ व वर्धा जिल्ह्यांत २० अंश सेल्सिअस राहील. सर्वच जिल्ह्यात आकाश निरभ्र राहील. सर्वच जिल्ह्यात सकाळची सापेक्ष आर्द्रता ४० ते ४४ टक्के, तर दुपारची सापेक्ष आर्द्रता १९ ते २३ टक्के राहील. दुपारचे हवामान थंड व कोरडे राहील..पूर्व विदर्भचंद्रपूर, गडचिरोली, भंडारा व गोंदिया जिल्ह्यांत पावसाची शक्यता नाही. पूर्व विदर्भातील सर्वच जिल्ह्यांत वाऱ्याची दिशा ईशान्येकडून राहील. गडचिरोली, गोंदिया व चंद्रपूर जिल्ह्यांत वाऱ्याचा ताशी वेग ५ कि.मी., तर भंडारा जिल्ह्यात ताशी ७ कि.मी. राहील. चंद्रपूर, भंडारा आणि गोंदिया जिल्ह्यांत कमाल तापमान ३३ अंश सेल्सिअस, तर गडचिरोली जिल्ह्यात ३४ अंश सेल्सिअस राहील. गडचिरोली, भंडारा आणि गोंदिया या जिल्ह्यांत किमान तापमान १८ अंश सेल्सिअस, तर चंद्रपूर जिल्ह्यात १९ अंश सेल्सिअस राहील. चंद्रपूर व गडचिरोली जिल्ह्यांत आकाश अंशतः ढगाळ राहील. चंद्रपूर, भंडारा व गोंदिया जिल्ह्यांत सकाळची सापेक्ष आर्द्रता ५० ते ५३ टक्के, तर गडचिरोली जिल्ह्यात ६२ टक्के राहील. गोंदिया व गडचिरोली जिल्ह्यांत दुपारची सापेक्ष आर्द्रता १८ टक्के, तर भंडारा व चंद्रपूर जिल्ह्यांत २० ते २१ टक्के राहील..पश्चिम महाराष्ट्रकोल्हापूर, सांगली, सातारा, पुणे या जिल्ह्यांत अत्यल्प पावसाची शक्यता आहे. सोलापूर व अहिल्यानगर जिल्ह्यांत पावसाची शक्यता नाही. सर्वच जिल्ह्यात वाऱ्याची दिशा ईशान्येकडून राहील. सातारा व अहिल्यानगर जिल्ह्यांत वाऱ्याचा ताशी वेग ८ कि.मी., तर पुणे जिल्ह्यात ताशी ९ कि.मी. राहील. वाऱ्याचा वेग कोल्हापूर जिल्ह्यात ताशी ११ कि.मी., तर सोलापूर व सांगली जिल्ह्यांत ताशी १३ ते १४ कि.मी. राहील. कोल्हापूर व सातारा जिल्ह्यांत कमाल तापमान ३२ अंश सेल्सिअस, तर सांगली, पुणे व अहिल्यानगर जिल्ह्यांत ३३ अंश सेल्सिअस आणि सोलापूर जिल्ह्यात ३४ अंश सेल्सिअस राहील. पुणे व अहिल्यानगर जिल्ह्यांत किमान तापमान २१ अंश सेल्सिअस, तर कोल्हापूर व सातारा जिल्ह्यांत २२ अंश सेल्सिअस राहील. सांगली व सोलापूर जिल्ह्यात किमान तापमान २४ अंस सेल्सिअस राहील. सर्वच जिल्ह्यात आकाश अंशतः ढगाळ राहील. सोलापूर, पुणे व अहिल्यानगर जिल्ह्यांत सकाळची सापेक्ष आर्द्रता ३४ ते ३९ टक्के, सांगली व सातारा जिल्ह्यांत ४६ ते ४९ टक्के, तर कोल्हापूर जिल्ह्यात ६७ टक्के राहील. दुपारची सापेक्ष आर्द्रता कोल्हापूर जिल्ह्यात ३२ टक्के, तर उर्वरित जिल्ह्यात १५ ते २३ टक्के राहील..कृषी सल्लाचारा उत्पादनासाठी आफ्रिकन टॉल मक्याची पेरणी करावी.दोन पाणी देणे शक्य असल्यास हरभरा पिकाची पेरणी करावी.परिपक्व भात व नाचणी पिकाची काढणी व झोडणीची कामे करून माल सुरक्षित स्थळी साठवावा.दिवाळीच्या काळात गोठ्यातील पशुधन तसेच कुक्कुटपक्ष्यांना फटाक्यांच्या आवाजाचा त्रास होणार नाही याची काळजी घ्यावी.पशुवैद्यकीय तज्ज्ञांकडून जनावरांना रोग प्रतिबंधक लसीकरण करावे.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
