Maharashtra Weather Forecast: महाराष्ट्रावर रविवारी (ता. ३०) आणि सोमवारी (ता.३१) १०००६ हेप्टापास्कल हवेचा दाब राहील. त्यामुळे सर्वच जिल्ह्यांत या दोन दिवसांत हलक्या पावसाची शक्यता राहील. मात्र मंगळवार (ता.१) ते शनिवार (ता. ५) या काळात महाराष्ट्रावर १००८ हेप्टापास्कल इतका हवेचा दाब वाढेल. त्यामुळे तुरळक ठिकाणी अत्यंत हलक्या पावसाची शक्यता राहील. तसेच पावसात बराच काळ उघडीप आणि सूर्यप्रकाश जाणवणे शक्य आहे. त्यामुळे बाष्पीभवनाचा वेग वाढेल. पिकांची पाण्याची गरज वाढेल..या काळात हवामान अंशतः ढगाळ राहील. सर्वच जिल्ह्यांत वाऱ्याची दिशा नैॡत्येकडून राहील. या आठवड्यात वाऱ्याच्या ताशी वेगात वाढ होईल. उत्तर महाराष्ट्रातील नाशिक, धुळे, जळगाव जिल्ह्यात वाऱ्याचा ताशी वेग १७ ते १९ कि.मी. राहील. पश्चिम विदर्भातील सर्वच जिल्ह्यांत वाऱ्याचा ताशी वेग १८ ते २१ कि.मी. राहील. मध्य विदर्भातील सर्वच जिल्ह्यांत वाऱ्याचा ताशी वेग ताशी १६ ते २० कि.मी. राहील. पूर्व विदर्भातील सर्वच जिल्ह्यांत वाऱ्याचा ताशी वेग चंद्रपूर जिल्ह्यात ताशी १८ कि.मी. तर उर्वरित जिल्ह्यात तो ८ ते १२ कि.मी. राहील. बहुतांशी जिल्ह्यात सूर्यप्रकाश अधूनमधून प्रखर राहील..हिंदी महासागराचे पश्चिम भागात समुद्राच्या पाण्याच्या पृष्ठभागाचे तापमान वाढत असून ते २७ अंश सेल्सिअसपर्यंत वाढेल. त्यामुळे आय.ओ.डी. पॉझिटिव्ह होत असून, सप्टेंबर महिन्यातील पावसासाठी तो अनुकूल बनत आहे. तर प्रशांत महासागराचे पेरुजवळ समुद्राच्या पाण्याच्या पृष्ठभागाचे तापमान १८ अंश सेल्सिअस आणि इक्वेडोरजवळ ते २४ अंश सेल्सिअस असून ते थंड आहे. तसेच कोलंबियाजवळ ते २६ ते २८ अंश सेल्सिअस तसे ते कमी असल्याने एल निनोचा प्रभाव वाढलेला नसल्याने सप्टेंबरमधील पावसासाठी ते अनुकूल बनत आहे. हवेचे दाब दक्षिणेकडून उत्तरेकडे वाढत आहे. त्यामुळे परतीच्या मॉन्सूनची पूर्वतयारी सुरू झाली आहे. त्याची निर्धारीत तारीख १ सप्टेंबर असली तर राजस्थानमधून मॉन्सून सप्टेंबर महिन्याचे पहिल्या आठवडाअखेर परतण्यास सुरवात होईल..कोकणठाणे व पालघर जिल्ह्यांत प्रतिदिनी ५ ते ७ मि.मी. पावसाची शक्यता असून सिंधुदुर्ग व रायगड जिल्ह्यात १० मि.मी. आणि रत्नागिरी जिल्ह्यात १४ मि.मी. पावसाची शक्यता आहे. कोकणातील सर्वच जिल्ह्यांत वाऱ्याची दिशा नैऋत्येकडून राहील. रत्नागिरी व रायगड जिल्ह्यांत वाऱ्याचा ताशी वेग ११ ते १३ कि.मी. राहील तर सिंधुदुर्ग व ठाणे जिल्ह्यांत तो ११ ते १२ कि.मी. आणि पालघर जिल्ह्यात तो ताशी १४ कि.मी. राहील. सिंधुदुर्ग व पालघर जिल्ह्यांत कमाल तापमान २८ ते २९ अंश सेल्सिअस राहील, तर रत्नागिरी जिल्ह्यात ते ३१ अंश सेल्सिअस राहील..रायगड व ठाणे जिल्ह्यांत कमाल तापमान ३२ अंश सेल्सिअस राहील. सिंधुदुर्ग व पालघर जिल्ह्यांत किमान तापमान २५ अंश सेल्सिअस राहील. ठाणे जिल्ह्यात ते २६ अंश सेल्सिअस राहील. रत्नागिरी व रायगड जिल्ह्यांत ते २७ अंश सेल्सिअस राहील. आकाश पूर्णतः काही दिवशी ढगाळ राहील, तर काही दिवशी ते अंशतः ढगाळ राहील. सिंधुदुर्ग व पालघर जिल्ह्यांत सकाळची सापेक्ष आर्द्रता ९२ टक्के राहील आणि रत्नागिरी, रायगड व ठाणे जिल्ह्यांत ती ८५ टक्के राहील. दुपारची सापेक्ष आर्द्रता सर्वच जिल्ह्यात ८० टक्के राहील..Maharashtra Rain Update: ३ जिल्ह्यांना जोरदार पावसाचा येलो अलर्ट; पाच दिवसांचा अंदाज काय?.उत्तर महाराष्ट्रउत्तर महाराष्ट्रातील सर्वच जिल्ह्यात प्रतिदिनी ३ मि.मी. पावसाची शक्यता आहे. सर्वच उत्तर महाराष्ट्रातील जिल्ह्यात वाऱ्याची दिशा नैऋत्येकडून राहील. जळगाव जिल्ह्यात वाऱ्याचा ताशी वेग १४ कि.मी. राहील तर धुळे व नंदुरबार जिल्ह्यांत वाऱ्याचा ताशी वेग १७ ते १८ कि.मी. राहील आणि नाशिक जिल्ह्यात तो ताशी १९ कि.मी. राहील. नाशिक जिल्ह्यात कमाल तापमान २८ अंश सेल्सिअस राहील..नंदुरबार जिल्ह्यात ते ३० अंश सेल्सिअस राहील, तर धुळे व जळगाव जिल्ह्यांत ते ३१ अंश सेल्सिअस राहील. नाशिक जिल्ह्यात किमान तापमान २३ अंश सेल्सिअस राहील, तर नंदुरबार व जळगाव जिल्ह्यांत ते २४ अंश सेल्सिअस आणि धुळे जिल्ह्यात ते २५ अंश सेल्सिअस राहील. आकाश अंशतः ढगाळ सर्वच जिल्ह्यात राहील. सर्वच जिल्ह्यांत सकाळची सापेक्ष आर्द्रता ८५ ते ९० टक्के राहील व दुपारची ६० ते ७० टक्के राहील..मराठवाडानांदेड, जालना, धाराशिव व छत्रपती संभाजीनगर जिल्ह्यांत प्रतिदिनी २ मि.मी. पावसाची शक्यता आहे. बीड व परभणी जिल्ह्यांत प्रतिदिनी ३ मि.मी. पावसाची शक्यता आहे. तसेच लातूर व हिंगोली जिल्ह्यात प्रतिदिनी ५ मि.मी. पावसाची शक्यता आहे. त्यामुळे बराच काळ पावसात उघडीप राहणेही शक्य आहे. मराठवाड्यातील सर्वच जिल्ह्यात वाऱ्याची दिशा नैॡत्येकडून राहील. मराठवाड्यातील सर्वच जिल्ह्यांत वाऱ्याचा ताशी वेग वाढेल. परभणी व जालना जिल्ह्यांत तो ताशी १७ कि.मी., नांदेड व छत्रपती संभाजीनगर जिल्ह्यांत तो ताशी १८ कि.मी., हिंगोली जिल्ह्यात तो ताशी १९ कि.मी., धाराशिव व लातूर जिल्ह्यांत तो ताशी २० कि.मी. आणि बीड जिल्ह्यात तो ताशी २१ कि.मी. राहील..धाराशिव, लातूर, बीड, हिंगोली व छत्रपती संभाजीनगर जिल्ह्यांत कमाल तापमान ३० अंश सेल्सिअस राहील, तर नांदेड, परभणी व जालना जिल्ह्यांत कमाल तापमान ३१ अंश सेल्सिअस राहील. धाराशिव व छत्रपती संभाजीनगर जिल्ह्यांत किमान तापमान २३ अंश सेल्सिअस राहील, तर लातूर, बीड, हिंगोली व जालना जिल्ह्यांत ते २४ अंश सेल्सिअस राहील आणि नांदेड व परभणी जिल्ह्यात ते २५ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सर्वच जिल्ह्यात सकाळची सापेक्ष आर्द्रता ८० टक्के राहील तर दुपारची सापेक्ष आर्द्रता ५३ ते ६० टक्के राहील..Maharashtra Rain Forecast: हलक्या पावसाची शक्यता.पश्चिम विदर्भवाशीम व अमरावती जिल्ह्यांत प्रतिदिनी ८ ते ९ मि.मी. पावसाची शक्यता आहे, तर बुलडाणा व अकोला जिल्ह्यांत प्रतिदिनी १० मि.मी. पावसाची शक्यता आहे. पश्चिम विदर्भातील सर्वच जिल्ह्यांत वाऱ्याची दिशा नैॡत्येकडून राहील. अमरावती जिल्ह्यात वाऱ्याचा ताशी वेग १८ कि.मी. राहील, तर बुलडाणा जिल्ह्यात तो २० कि.मी. राहील आणि अकोला व वाशीम जिल्ह्यांत तो ताशी २१ कि.मी. राहील..वाशीम व अमरावती जिल्ह्यांत कमाल तापमान २९ अंश सेल्सिअस राहील तर बुलडाणा व अकोला जिल्ह्यांत ते ३० अंश सेल्सिअस राहील. किमान तापमान २४ अंश सेल्सिअस राहिल. आकाश सर्वच जिल्ह्यांत अंशतः ढगाळ असेल. सकाळची सापेक्ष आर्द्रता सर्वच जिल्ह्यांत ८४ ते ८७ टक्के आणि दुपारची सापेक्ष आर्द्रता सर्वच जिल्ह्यात ६५ टक्के राहील..मध्य विदर्भयवतमाळ, वर्धा व नागपूर जिल्ह्यांत प्रतिदिनी ८ ते ९ मि.मी. पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. यवतमाळ व नागपूर जिल्ह्यांत वाऱ्याचा ताशी वेग १६ ते १७ कि.मी. आणि वर्धा जिल्ह्यात ताशी २० कि.मी. राहील. मध्य विदर्भातील सर्वच जिल्ह्यांत कमाल तापमान ३१ अंश सेल्सिअस राहील, तर किमान तापमान यवतमाळ जिल्ह्यात २० अंश सेल्सिअस आणि वर्धा व नागपूर जिल्ह्यात ते २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता सर्वच जिल्ह्यांत ८५ ते ८७ टक्के असेल, तर दुपारची सापेक्ष आर्द्रता सर्वच जिल्ह्यांत ६५ टक्के राहील..पूर्व विदर्भचंद्रपूर जिल्ह्यात प्रतिदिनी ९ मि.मी., गडचिरोली व भंडारा जिल्ह्यांत प्रतिदिनी १० मि.मी. आणि गोंदिया जिल्ह्यात प्रतिदिनी ११ मि.मी. पावसाची शक्यता आहे. पूर्व विदर्भातील सर्वच जिल्ह्यांत वाऱ्याची दिशा नैॡत्येकडून राहील. गडचिरोली, भंडारा आणि गोंदिया जिल्ह्यात वाऱ्याचा ताशी वेग ८ ते १० कि.मी. राहील तर चंद्रपूर जिल्ह्यात तो ताशी १८ कि.मी. राहील. चंद्रपूर व गोंदिया जिल्ह्यांत कमाल तापमान ३० अंश सेल्सिअस राहील, तर गडचिरोली जिल्ह्यात ते २८ अंश सेल्सिअस राहील आणि भंडारा जिल्ह्यात ते ३१ अंश सेल्सिअस राहील. गडचिरोली व गोंदिया जिल्ह्यांत किमान तापमान २४ अंश सेल्सिअस राहील, चंद्रपूर व भंडारा जिल्ह्यांत ते २५ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सर्वच जिल्ह्यांत सकाळची सापेक्ष आर्द्रता ९० ते ९६ टक्के असेल. दुपारची सापेक्ष आर्द्रता ७० ते ८० टक्के सर्वच जिल्ह्यात राहील..दक्षिण पश्चिम महाराष्ट्रसांगली व अहिल्यानगर जिल्ह्यांत प्रतिदिनी २ मि.मी., सोलापूर जिल्ह्यात प्रतिदिनी ३ मि.मी., कोल्हापूर जिल्ह्यात प्रतिदिनी ४ मि.मी., पुणे जिल्ह्यात प्रतिदिनी ६ मि.मी. आणि सातारा जिल्ह्यात प्रतिदिनी ७ मि.मी. पावसाची शक्यता आहे. कोल्हापूर, सांगली व सातारा जिल्ह्यांत वाऱ्याची दिशा पश्चिमेकडून राहील. सोलापूर, पुणे व अहिल्यानगर जिल्ह्यात वाऱ्याची दिशा नैॡत्येकडून राहील. कोल्हापूर जिल्ह्यात वाऱ्याचा ताशी वेग १८ कि.मी. राहील. सातारा व अहिल्यानगर जिल्ह्यांत ताशी २० कि.मी. राहील. .पुणे जिल्ह्यात २१ कि.मी. आणि सोलापूर जिल्ह्यात तो ताशी २३ कि.मी. आणि सांगली जिल्ह्यात ताशी २४ कि.मी. राहील. कोल्हापूर जिल्ह्यात कमाल तापमान २७ अंश सेल्सिअस राहील. सांगली जिल्ह्यात २८ अंश सेल्सिअस, सातारा व अहिल्यानगर जिल्ह्यांत ३० अंश सेल्सिअस व सोलापूर आणि पुणे जिल्ह्यात ३२ अंश सेल्सिअस राहील. किमान तापमान सातारा, सांगली, अहिल्यानगर जिल्ह्यात २३ अंश सेल्सिअस तर कोल्हापूर, सोलापूर व पुणे जिल्ह्यांत ते २४ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सर्वच जिल्ह्यांत सकाळची सापेक्ष आर्द्रता ८४ ते ९० टक्के व दुपारची ७० टक्के राहील..कृषी सल्लापिकांना पाण्याचा ताण पडला असल्यास पाणी द्यावे.भात पीक फुटवा अवस्थेत असताना खाचरात पाण्याची पातळी ५ सें.मी. पर्यंत ठेवावी.ज्वारी, बाजरी, मका या पिकांना नत्राचा दुसरा हप्ता द्यावा.जनावरांना पशुवैद्यकीय तज्ज्ञाकडून लसीकरण करावे.फुलांची काढणी पावसात उघडीप असताना करावी.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
