Changing Weather Conditions: नोव्हेंबरचा निम्मा महिना उलटला तरी राज्यातील उन्हाचा चटका कायम आहे. त्यातच पहाटेच्या किमान तापमानात घट होत असल्याने गारठा वाढू लागला आहे. त्यामुळे राज्यात सकाळी गारठा, तर दुपारी उन्हाचा चटका, अशी स्थिती अनुभवायला मिळत आहे. परिणामी, कमाल आणि किमान तापमानातील तफावत वाढली आहे..गुरुवारी (ता. १२) निफाड येथील गहू संशोधन केंद्रात राज्याचे नीचांकी ११.३ अंश सेल्सिअस तापमान नोंदले गेले. तर सकाळपर्यंतच्या २४ तासांमध्ये कोकणातील सांताक्रुझ येथे उच्चांकी ३६.१ अंश सेल्सिअस तापमानाची नोंद झाली आहे. रत्नागिरी येथे ३६ अंश, तर अकोला, अमरावती, सोलापूर, जळगाव, डहाणू, यवतमाळ येथे ३४ अंशांपेक्षा अधिक तापमान नोंदले गेले..Maharashtra Weather Update: तापमानातील चढ-उतार सुरूच राहण्याचा अंदाज.राज्याच्या किमान तापमानात घट होत, असून थंडीची चाहूल लागली आहे. गुरुवारी (ता. १२) निफाडसह धुळे येथील कृषी महाविद्यालयात १२ अंश, परभणी येथील मराठवाडा कृषी विद्यापीठात १२.३ अंश, गोंदिया येथे १२.८ अंश सेल्सिअस तापमानाची नोंद झाली. जळगाव, जेऊर, नाशिक येथे पारा १४ अंशांच्या खाली, तर पुणे, सातारा, नागपूर, यवतमाळ येथेही पारा १५ अंशांच्या खाली घसरला आहे..Weekly Weather: थंडीची चाहूल लागण्यास सुरुवात.राज्याच्या कमाल आणि किमान तापमानात १४ ते २१ अंशांपर्यंत तफावत असल्याने दिसून येत आहे. धुळे, जळगाव, निफाड येथे दुपारच्या कमाल आणि पहाटेच्या किमान तापमानात २१ अंशांची तफावत आहे. आज (ता. १३) राज्याच्या कमाल आणि किमान तापमानात चढ-उतार कायम राहण्याचा अंदाज हवामान विभागाने वर्तविला आहे..उपसागरात कमी दाबाचे क्षेत्र तयार होणारदक्षिण अंदमान समुद्र परिसरावर चक्राकार वाऱ्यांची स्थिती तयार झाली आहे. या वाऱ्यांच्या प्रभावामुळे बंगालच्या उपसागरात आज (ता. १३) कमी दाबाचे क्षेत्र तयार होण्याचे संकेत असून, त्याची तीव्रता वाढत जाणार आहे. आग्नेय अरबी समुद्रात लक्षद्वीप बेटांजवळ १५०० मीटर उंचीवर चक्राकार वाऱ्यांची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
