Maharashtra Weather Update: मॉन्सून महाराष्ट्रात दाखल झाल्यानंतर अरबी समुद्रातून मॉन्सून पुढे सरकला नाही. रविवारी (ता. ७) मॉन्सूनची महाराष्ट्रातील वाटचाल ‘जैसे थे’ होती. आज (ता. ८) रत्नागिरी, सिंधुदुर्गसह सातारा जिल्ह्यांत जोरदार सरींची, तसेच उर्वरित राज्यात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..रविवारी (ता. ७) सकाळपर्यंतच्या २४ तासांमध्ये राजस्थानातील श्रीगंगानगर येथे देशातील उच्चांकी ४४.३ अंश सेल्सिअस तापमानाची नोंद झाली. दक्षिण कोकण आणि लगतच्या अरबी समुद्रात ५.८ किलोमीटर उंचीवर चक्राकार वाऱ्यांची स्थिती आहे. कर्नाटक किनारपट्टी ते आंध्र प्रदेशच्या किनाऱ्यापर्यंत पूर्व-पश्चिम हवेचा कमी दाबाचा पट्टा सक्रिय आहे. अंदमान समुद्र आणि म्यानमार लगत समुद्र सपाटीपासून ५.८ किलोमीटर उंचीवर चक्राकार वाऱ्याची स्थिती कायम आहे..रविवारी (ता. ७) सकाळपर्यंतच्या २४ तासांमध्ये अकोला येथे राज्यातील उच्चांकी ४३.३ अंश सेल्सिअस तापमानाची नोंद झाली. तर ब्रह्मपुरी आणि वर्धा येथे ४३ अंशांपेक्षा अधिक, तर चंद्रपूर, मालेगाव, गडचिरोली येथे ४३ अंश सेल्सिअसपेक्षा अधिक, तर धुळे, जळगाव, अमरावती येथे ४१ अंशांपेक्षा अधिक तापमानाची नोंद झाली. महाबळेश्वर येथे राज्यातील नीचांकी १९.३ अंश सेल्सिअस तापमान नोंदले गेले..Weekly Weather: बहुतांशी जिल्ह्यांत पावसाची शक्यता.कोकण, मध्य महाराष्ट्रासह मराठवाड्यात तुरळक ठिकाणी जोरदार पावसाच्या सरी कोसळत आहेत. सिंधुदुर्गमधील देवगड येथे ८० मिलिमीटर, दोडामार्ग ५०, कणकवली आणि रत्नागिरीतील राजापूर येथे २० मिलिमीटर पाऊस झाला. मध्य महाराष्ट्रातील येवला, जेऊर येथे ३० मिलिमीटर तर कागल येथे २० मिलिमीटर पावसाची नोंद झाली. तर मराठवाड्यातील मानवत येथे ४० मिलिमीटर, अंबाजोगाई ३० मिलिमीटर पावसाची पडल्याचे हवामान विभागाने म्हटले आहे..आज (ता. ८) रत्नागिरी, सिंधुदुर्ग, सातारा जिल्ह्यांत जोरदार सरींची, तसेच उर्वरित राज्यात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. पालघर जिल्ह्यात उष्णतेची लाट असून, उष्ण व दमट हवामानाचा इशारा देण्यात आला आहे, राज्यात अंशतः ढगाळ आकाशासह उन्हाचा चटका आणि उकाडा तापदायक राहण्याची शक्यता कायम आहे..ईशान्य भारतात मॉन्सूनची चालनैॡत्य मोसमी वाऱ्यांच्या बंगालच्या उपसागरावरील शाखेने पुढे चाल करत रविवारी (ता. ७) संपूर्ण नागालॅंड, मणिपूर, मिझोराम राज्य व्यापले असून, त्रिपुरा, आसाम, अरुणाचल प्रदेशच्या काही भागात प्रगती केली आहे. पुढील वाटचालीस पोषक हवामान असल्याने मध्य अरबी समुद्र, महाराष्ट्र, कर्नाटक आणि आंध्र प्रदेशच्या आणखी काही भागासह, तेलंगणा, संपूर्ण तमिळनाडू, छत्तीसगड, ओडिशा आणि ईशान्य भारताच्या उर्वरित भागासह पश्चिम बंगाल आणि सिक्कीममध्ये मॉन्सून दाखल होण्याची शक्यता हवामान विभागाने वर्तविली आहे..Monsoon 2026: मॉन्सून महाराष्ट्रात दाखल.रविवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३७.७---२५.८अहिल्यानगर---३७.०---२५.४धुळे---४१.६---२५.०जळगाव---४१.६---२३.४जेऊर---३७.५---२०.०कोल्हापूर---३४.९--२४.६महाबळेश्वर---२९.३---१९.३मालेगाव---४२.०---२६.४.नाशिक---३६.५---२४.४निफाड---३८.८---२४.७सांगली---३६.०---२४.७सातारा---३६.७---२४.६सोलापूर---३८.६---२५.०सांताक्रूझ---३५.५---२९.८डहाणू---३८.१---२८.५रत्नागिरी---३३.९---२५.८.छत्रपती संभाजीनगर---३९.७---२६.०धाराशिव---३७.१---२०.०परभणी---३८.५---२६.०परभणी (कृषी)---३७.८---२५.०अकोला---४३.३---३०.२अमरावती---४१.४---२४.९बुलडाणा---३९.५---२७.०ब्रह्मपूरी---४३.२---२७.८चंद्रपूर---४२.४---२९.०.गडचिरोली---४२.०---२९.२गोंदिया---४०.३---२६.०नागपूर---४१.६---२९.४वर्धा---४३.०---३१.०वाशीम---४०.४---२३.८यवतमाळ---४०.६---२९.०.सरासरी तापमान (अंश से.)विभाग---किमान---कमालउत्तर महाराष्ट्र---२३.४---४२.०पश्चिम महाराष्ट्र---१९.३---३८.६मराठवाडा---२०.०---३९.७विदर्भ---२३.८---४३.३कोकण---२५.८---३८.१.उष्ण लाट व दमट हवामानाचा इशारा (येलो अलर्ट) : पालघर.जोरदार पावसाचा इशारा (येलो अलर्ट) : रत्नागिरी, सिंधुदुर्ग, सातारा.वादळी पावसाचा इशारा (येलो अलर्ट) : रायगड, अहिल्यानगर, पुणे, सातारा घाटमाथा, कोल्हापूर, सांगली, सोलापूर, छत्रपती संभाजीनगर, जालना, बीड, धाराशिव, लातूर, परभणी, हिंगोली, नांदेड, बुलडाणा, अकोला, अमरावती, वाशीम, वर्धा, नागपूर, चंद्रपूर, भंडारा, गोंदिया, यवतमाळ, गडचिरोली.उन्हाचा चटका कायम असलेली ठिकाणे : अकोला ४३.३, ब्रह्मपुरी ४३.२, वर्धा ४३, चंद्रपूर ४२.४, मालेगाव ४२, गडचिरोली ४२..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
