Maharashtra Weather Update: राज्यात उन्हाचा चटका कायम असतानाच, पावसाला पोषक हवामान होत आहे. आज (ता. १७) विदर्भासह मध्य महाराष्ट्र आणि मराठवाड्यात तुरळक ठिकाणी सोसाट्याचा वारा, विजांसह वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. मध्य महाराष्ट्र आणि मराठवाड्यात विजांसह हलक्या पावसाची शक्यता हवामान विभागाने वर्तविली आहे. .मॉन्सूनचा आस असलेला कमी दाबाचा पट्टा जम्मूपासून बरेली, दाल्तोगंज ते आग्नेय बंगालच्या उपसागरापर्यंत सक्रिय आहे. पूर्व उत्तर प्रदेश आणि बिहार परिसरावर समुद्र सपाटीपासून १.५ किलोमीटर उंचीवर, तसेच गुजरात आणि परिसरावर ३.१ किलोमीटर उंचीवर चक्राकार वाऱ्यांची स्थिती आहे. अरबी समुद्रापासून महाराष्ट्र, तेलंगणा, आंध्र प्रदेश ते कमी दाबाच्या केंद्रापर्यंत हवेचा कमी दाबाचा पट्टा तयार झाला आहे..Maharashtra Weather Update: राज्यात पावसाला पोषक हवामान.गुरुवारी (ता. १६) सकाळपर्यंतच्या २४ तासांमध्ये ब्रह्मपुरीत राज्यातील उच्चांकी ३७.२ अंश सेल्सिअस तापमानाची नोंद झाली. महाबळेश्वर आणि जेऊर येथे राज्यातील नीचांकी १८ अंश सेल्सिअस तापमान नोंदले गेले. राज्यात तुरळक ठिकाणी पावसाने हजेरी लावली असली तरी अनेक ठिकाणी कमाल तापमानाचा पारा ३३ ते ३७ अंशांच्या दरम्यान आहे. उन्हाचा चटका आणि उकाडा तापदायक ठरत आहे. पालघर जिल्ह्यातील जव्हार आणि घाटमाथ्यावरील भिवपुरी येथे ९० मिलिमीटर पावसाची नोंद झाली..आज (ता. १७) मध्य महाराष्ट्रातील सातारा, सोलापूर मराठवाड्यातील धाराशिव, लातूर, नांदेड आणि विदर्भातील वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली या जिल्ह्यांत विजांसह सोसाट्याच्या वाऱ्यासह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. कोकण, मध्य महाराष्ट्र, मराठवाड्यात तुरळक ठिकाणी विजांसह पावसाची शक्यता आहे. उर्वरित राज्यात तुरळक ठिकाणी पावसाच्या हलक्या सरींसह उन्हाचा चटका आणि उकाडा कायम राहण्याचा अंदाज हवामान विभागाने वर्तविला आहे..Rain Forecast: कोकण, मध्य महाराष्ट्र, मराठवाड्यात वादळी पावसाची शक्यता.कमी दाब क्षेत्र झाले ठळक : बंगालच्या उपसागरात ओडिशा आणि पश्चिम बंगालच्या किनाऱ्यालगत असलेले कमी दाब क्षेत्र गुरुवारी (ता. १६) ठळक झाले. त्याला लागून समुद्र सपाटीपासून ७.६ किलोमीटर उंचीपर्यंत चक्राकार वाऱ्यांची स्थिती आहे. उद्यापर्यंत (ता. १८) ही प्रणाली जमिनीवर येण्याची शक्यता आहे..वादळी पावसाची शक्यता (येलो अलर्ट) : सातारा, सोलापूर, धाराशिव, लातूर, नांदेड, वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली.विजांसह पावसाची शक्यता : जळगाव, पुणे, सांगली, कोल्हापूर, बीड, परभणी, हिंगोली.उन्हाचा चटका अधिक असलेली ठिकाणे : ब्रह्मपुरी ३७.२, नागपूर ३६.६, अकोला ३६.३, धुळे ३६, वर्धा ३६..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
