Maharashtra Monsoon Condition: जुलै महिन्यातील चांगल्या पावसानंतर ऑगस्टमध्ये राज्यात पावसाने दडी मारली आहे. यातच सप्टेंबर महिन्यातही कमी पावसाचे संकेत असून, देशात ९१ टक्क्यांपेक्षा कमी पावसाचा अंदाज हवामान विभागाने वर्तविला आहे. मध्य महाराष्ट्र, कोकण, मराठवाड्यासह राज्याच्या बहुतांश भागात सरासरीपेक्षा कमी पावसाची शक्यता आहे. तर विदर्भाच्या उत्तर भागात पाऊसमान सरासरी ते सरासरीपेक्षा अधिक राहण्याची शक्यता हवामान विभागाने वर्तविली आहे..भारतीय हवामानशास्त्र विभागाचे महासंचालक डॉ. मृत्युंजय मोहपात्रा यांनी सोमवारी (ता. ३१) सप्टेंबर महिन्यातील पावसाचा अंदाज जाहीर केला. १९७१ ते २०२० कालावधीत दीर्घकालीन सरासरीनुसार सप्टेंबर महिन्यात देशात सरासरी १६७.९ मिलिमीटर पाऊस पडतो. यातच ऑगस्ट महिन्याअखेरपर्यंत देशात सरासरी ६०३.७ मिलिमीटर (उणे १४ टक्के), तर महाराष्ट्रात ७१७.४ मिलिमीटर (उणे १२ टक्के) पावसाची नोंद झाल्याचे हवामान विभागाकडील नोंदींवरून दिसून येत आहे..Maharashtra Rain Update : मराठवाड्यात पावसाचा अंदाज; उर्वरित राज्यात हलक्या सरी शक्य? .सप्टेंबर महिन्यात देशाच्या बहुतांशी भागात सरासरीपेक्षा कमी पावसाची शक्यता आहे. मात्र वायव्य भारताचा काही भाग, पूर्वोत्तर राज्य, पूर्व भारतातील राज्ये आणि पूर्व-मध्य भारताचा काही भाग तसेच दक्षिण द्वीपकल्पाचा काही भागात सरासरीपेक्षा अधिक पावसाची शक्यता असल्याचे हवामान विभागाने म्हटले आहे. सप्टेंबर महिन्यात देशाच्या बहुतांश भागात कमाल आणि किमान तापमान सरासरीच्या वर राहण्याची शक्यता आहे..तर वायव्य भारत, पश्चिम मध्य भारत आणि पूर्वोत्तर राज्यांचा काही भागात किमान तापमान सरासरी ते सरासरीपेक्षा कमी राहण्याची शक्यता अधिक आहे. प्रशांत महासागराच्या विषुववृत्तीय भागात तीव्र ‘एल-निनो’ स्थिती आहे. मॉन्सून हंगामाच्या अखेरच्या टप्प्यात प्रशांत महासागरातील तीव्र ‘एल-निनो’ स्थिती कायम राहण्याचे संकेत आहेत. इंडियन ओशन डायपोल (आयओडी) सध्या तटस्थ स्थितीत असून, मॉन्सूनच्या अखेरीपर्यंत ‘आयओडी’ तटस्थ राहण्याचा, मात्र सकारात्मक (पॉझिटिव्ह) स्थितीकडे झुकलेला राहण्याचे संकेत आहेत..Weekly Weather: राज्यात हलक्या पावसाची शक्यता.मॉन्सूनच्या परतीबाबत बोलणे घाईचेमॉन्सूनचा परतीचा प्रवास सुरू होण्याची दीर्घकालीन सर्वसाधारण तारीख १७ सप्टेंबर आहे. सप्टेंबर महिन्यात कमी दाब प्रणाली निर्माण होऊन पावसाला पोषक हवामान होण्याची शक्यता आहे. त्यामुळे मॉन्सूनच्या परतीच्या प्रवासाबाबत आताच बोलणे योग्य नाही. मात्र परतीस पोषक स्थिती होताच हवामान विभागाकडून त्याबाबत सांगण्यात येईल, असे डॉ. मोहपात्रा यांनी सांगितले..राज्यात पावसातील तूट कायम राहणारसप्टेंबर महिन्यात राज्याच्या बहुतांश भागात सरासरीपेक्षा कमी पावसाचा अंदाज आहे. यात मध्य महाराष्ट्र, मराठवाडा आणि कोकणात पाऊस कमीच राहण्याची शक्यता अधिक आहे. विदर्भाच्या उत्तर भागात सरासरी ते सरासरीपेक्षा अधिक पाऊस पडण्याची शक्यता अधिक आहे, तर दक्षिण विदर्भात सरासरीपेक्षा कमी पाऊस पडण्याचे संकेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
