Summer Heat: सूर्य तळपू लागल्याने राज्यात उन्हाच्या झळा वाढू लागल्या आहेत. विदर्भासह, मध्य महाराष्ट्र, मराठवाडा उष्णतेच्या तडाख्यात सापडले आहे. राज्यातील २५ हून अधिक जिल्ह्यात बहुतांश ठिकाणी तापमानाचा पारा चाळिशीपार पोहोचला आहे. गुरुवारी (ता. १६) सकाळपर्यंतच्या २४ तासांमध्ये देशातील उच्चांकी ४४.२ अंश सेल्सिअस तापमानाची नोंद होत हंगामातील नवा उच्चांक नोंदला गेला. .गुरुवारी (ता. १६) निफाड येथील गहू संशोधन केंद्रात राज्यातील नीचांकी १२ अंश सेल्सिअस तापमान नोंदले गेले. निफाडसह नाशिक, धुळ्यात पहाटे थंडावा आणि दुपारी उन्हाच्या झळा अशीच स्थिती अनुभवायला मिळत आहे. उर्वरित राज्यात सकाळपासून उन्हाचा ताप वाढत आहे. दुपारच्या वेळी अंगाची लाही होत असून, उकाडा कायम असल्याने घामाच्या धारा वाहत आहेत..Maharashtra Heatwave: मराठवाडा, विदर्भात उष्णतेची लाट; कोकणात तीन दिवस उष्ण आणि दमट हवामानाची शक्यता.अकोलासह अमरावती येथे ४४ अंश सेल्सिअस तर, नागपूर, वर्धा, सोलापूर, मालेगाव, धाराशिव येथे ४३ अंशांपेक्षा अधिक, तर धुळे, जळगाव, जेऊर, परभणी, भंडारा, बुलडाणा, चंद्रपूर, गडचिरोली, गोंदिया, वाशीम, यवतमाळ या जिल्ह्यांत कमाल तापमानाचा पारा ४२ अंशांपार उसळल्याचे दिसून आले. पारा चाळिशीपार असताना, कमाल तापमानात सरासरीच्या तुलनेत ४.५ अंशांपेक्षा अधिक वाढ झाल्याने बुलडाणा येथे उष्णतेची लाट होती. महाराष्ट्र आणि कर्नाटकदरम्यान केंद्राकडून बाहेरच्या दिशेने वारे वाहणारी चक्राकार वाऱ्याची स्थिती, उत्तर कर्नाटकातील चक्राकार वाऱ्यांची स्थिती तसेच आग्नेय मध्य प्रदेशपासून विदर्भ, मराठवाडा ते मन्नारच्या आखातापर्यंतचा हवेचा दक्षिणोत्तर कमी दाबाचा पट्टा सक्रिय असल्याने राज्यात पूर्वमोसमी पावसाला पोषक हवामान होत आहे..उष्णतेच्या लाटेचा इशारा, पावसाची देखील शक्यताआज (ता. १७) कोकणात उष्ण व दमट हवामानाची शक्यता आहे. तर विदर्भ, मराठवाडा, मध्य महाराष्ट्रात उष्णतेच्या लाटेची शक्यता असल्याने सतर्कतेचा इशारा (येलो अलर्ट) आहे. पान ४ वर.Maharashtra Heatwave: अकोला ठरले देशात उष्ण.तर उद्यापासून (ता. १८) कोकण, मध्य महाराष्ट्र, मराठवाड्याच्या दक्षिणेकडील जिल्ह्यात पूर्वमोसमी पावसाचा अंदाज आहे. सोलापूर आणि धाराशिव जिल्ह्यात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..उष्ण व दमट हवामानाचा इशारा (येलो अलर्ट) :पालघर, ठाणे, मुंबई, रायगड, रत्नागिरी.उष्णतेच्या लाटेचा इशारा (येलो अलर्ट) :धुळे, जळगाव, नाशिक, अहिल्यानगर, सातारा, सांगली, सोलापूर, छत्रपती संभाजीनगर, जालना, परभणी, हिंगोली, बीड, नांदेड, बुलडाणा, अकोला, अमरावती, वर्धा, यवतमाळ..उन्हाचा चटका अधिक असलेली ठिकाणेअकोला ः ४४.२, अमरावती ः ४४, नागपूर ः ४३.९, वर्धा ः ४३.९, सोलापूर ः ४३.३, मालेगाव ः ४३.२.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
