Pune News: उत्तरेकडील थंड वाऱ्यांमुळे महाराष्ट्रात आलेली थंडीची लाट काहीशी कमी झाली आहे. यातच राज्याच्या दक्षिणेकडील भागात ढगाळ आकाशासह पावसाला पोषक हवामान होत आहे. आज (ता. २२) गारठा कायम राहण्याचा, तसेच सिंधुदुर्ग, कोल्हापूर, सांगली जिल्ह्यात विजांसह हलक्या पावसाची शक्यता हवामान विभागाने वर्तविली आहे..राज्यात गारठा कायम असून, तुरळक ठिकाणी पारा १० अंशांखाली असल्याने थंडीची लाट आहे. मात्र तरी किमान तापमानात वाढ झाली आहे. कमाल तापमानात देखील चढ-उतार सुरूच असून, काही ठिकाणी तिशीपार आहे. शुक्रवारी (ता. २१) सकाळपर्यंतच्या २४ तासांमध्ये कोकणातील रत्नागिरी येथे ३४.६ अंश सेल्सिअस कमाल तापमानाची नोंद झाली..Weather Update: राज्यातील बहुतांशी ठिकाणी तापमानात चढ उतार सुरु.किमान तापमानाचा पारा १० अंशाखाली घसरल्यास आणि तापमानात सरासरीच्या तुलनेत ४.५ अंशांपेक्षा अधिक घट झाल्यास थंडीची लाट, तसेच ६.५ अंशांपेक्षा अधिक घट झाल्यास तीव्र लाट आल्याचे समजले जाते. शुक्रवारी (ता.२१) धुळे येथील कृषी महाविद्यालयात राज्याचे नीचांकी तापमान ७.५ अंश इतके नोंदले गेले. .निफाड येथील गहू संशोधन केंद्रात ८ अंश सेल्सिअस, परभणी येथील वसंतराव नाईक मराठवाडा कृषी विद्यापीठात ८.९ तापमानाची नोंद झाली. जेऊर आणि भंडारा येथे १० अंश तापमानाची नोंद झाल्याने थंडीचा लाट कायम आहे. महाबळेश्वर, अहिल्यानगर, पुणे येथे पारा ११ अंशांच्या खाली असल्याने गारठा कायम होती..दरम्यान, मलेशियातील मल्लाका च्या सामुद्रधुनीमध्ये समुद्र सपाटीपासून ५.८ किलोमीटर उंचीवर चक्राकार वाऱ्यांची स्थिती आहे. या वाऱ्यांच्या प्रभावामुळे दक्षिण अंदमान समुद्रात आज (ता. २२) कमी दाब क्षेत्राची निर्मिती होणार आहे. वायव्येकडे सरकताना या प्रणालीची तीव्रता आणखी वाढणार आहे. या प्रणालींमुळे दक्षिण भारतासह, मध्य महाराष्ट्राच्या दक्षिणेकडील जिल्ह्यात पावसाला पोषक हवामान होत आहे. आज (ता. २२) राज्यात गारठा कायम राहणार आहे. सिंधुदुर्ग, कोल्हापूर, सांगलीसह राज्याच्या दक्षिणकेडील जिल्ह्यात विजांसह हलक्या पावसाची शक्यता हवामान विभागाने वर्तविली आहे..Maharashtra Weather Update: थंडीचा कडाका कायम राहणार; राज्यातील बहुतांशी ठिकाणी तापमानात चढ उतार सुरु.शुक्रवारी (ता. २१) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२९.०---११अहिल्यानगर---निरंक---१०.३धुळे---२९.०---७.५जळगाव---२९.५---११.३जेऊर---३१.०---१०कोल्हापूर---३०.०---१७.२.महाबळेश्वर---२७.२---१०.१मालेगाव---२६.८---११.७नाशिक---२९.०---११.६निफाड---२९.२---८सांगली---३१.४---१५.८सातारा---३१.७---१३.४सोलापूर---३२.१---१७.१सांताक्रूझ---३३.५---१७.४डहाणू---३३.४---१८.१.रत्नागिरी---३४.६---१९.०छत्रपती संभाजीनगर---२८.८---११.९धाराशिव---२७.८---१४.१परभणी---२९.०---१२.९परभणी (कृषी)---२८.६---८.९अकोला---२९.१---१३.४अमरावती---३१.०---१३.३भंडारा---२८.०---१०.बुलडाणा---२८.८---१३.७ब्रह्मपुरी---३०.८---१३.८चंद्रपूर---३०.४---१३.८गडचिरोली---३०.०---१२.२गोंदिया---२८.०---११.४नागपूर---२९.०---१३.९वर्धा---२९.०---१३.९वाशीम---३०.०---११.४यवतमाळ---२९.५---१२.४.सरासरी तापमान (अंश से.)विभाग---किमान---कमालउत्तर महाराष्ट्र---७.५---२९.५पश्चिम महाराष्ट्र---१०.०---३२.१मराठवाडा---८.९---२९.०विदर्भ---१०.०---३१.०कोकण---१७.४---३४.६विजांसह पावसाची शक्यता :सिंधुदुर्ग, कोल्हापूर, सांगली.राज्यातील थंडीची लाट असलेली ठिकाणे :धुळे ७.५, निफाड ८, परभणी (कृषी) ८.९, जेऊर १०. भंडारा १०..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
