Maharashtra Weather Forecast: आजपासून शनिवार (ता.३१ ऑगस्ट ते ६ सप्टेंबर) पर्यंत महाराष्ट्राच्या उत्तरेकडील पूर्व भागावर हवेचे दाब १००२ हेप्टापास्कल, मध्य व दक्षिण भागावर १००४ हेप्टापास्कल इतके कमी हवेचे दाब राहण्याची शक्यता आहे. त्यामुळे आज (ता.३१) चंद्रपूर व गडचिरोली जिल्ह्यांत १० ते २० मि.मी. पावसाची शक्यता आहे. या आठवड्यात कोकणातील सर्वच जिल्ह्यांत मध्यम, तर उत्तर महाराष्ट्रातील सर्वच जिल्ह्यांत मध्यम ते हलक्या पावसाची शक्यता आहे. तर मराठवाड्यातील सर्वच जिल्ह्यांत आज (ता.३१) हलक्या पावसाची शक्यता आहे. पश्चिम विदर्भ व मध्य विदर्भात हलक्या ते मध्यम राहील. पूर्व विदर्भातील चंद्रपूर गडचिरोली जिल्ह्यांसह भंडारा व गोंदिया जिल्ह्यांत मध्यम पावसाची शक्यता आहे. पश्चिम महाराष्ट्रातील कोल्हापूर पुणे व सातारा जिल्ह्यांत मध्यम तर सांगली, सोलापूर व अहिल्यानगर जिल्ह्यात तुरळक ठिकाणी हलक्या पावसाची शक्यता आहे. .वाऱ्याची दिशा अकोला, वाशीम व अमरावती जिल्ह्यांत उत्तरेकडून, तर उर्वरित जिल्ह्यात नैऋत्येकडून राहील. बीड, धाराशिव, लातूर व सोलापूर जिल्ह्यांत वाऱ्याचा ताशी वेग १४ ते १६ कि.मी. राहील. बहुतांशी जिल्ह्यात आकाश अंशतः ढगाळ राहील. तर काही जिल्ह्यात पूर्णतः ढगाळ राहील.या आठवडाभर बंगालच्या उपसागराच्या उत्तरेकडील भागात हवेचे दाब कमी राहतील. त्यामुळे तेथे ढग जमून पुढे महाराष्ट्राचे हवेच्या कमी दाबाचे क्षेत्राचे दिशेने वाहतील. त्यामुळे आठवडा अखेरपर्यंत पावसाची शक्यता कमी राहील. या आठवड्यात सोमवार (ता.१ सप्टेंबर) पासून ईशान्य मॉन्सून म्हणजेच परतीचा मॉन्सून सुरू होईल. या आठवड्यापासून वाऱ्याच्या दिशेत बदल होण्यास सुरुवात होईल. वारे ईशान्येकडून दक्षिण दिशेने ढग वाहून आणतील व जेथे हवेच्या कमी दाबाचे क्षेत्र असेल तेथे जोराचे पाऊस होतील. या पुढील काळात पावसात बराच काळ उघडीपही जाणवेल. त्यामुळे चांगला सूर्यप्रकाश मिळेल.प्रशांत महासागराच्या विषुववृत्तीय भागातील पाण्याच्या पृष्ठभागाचे तापमान पेरूजवळ १५ अंश सेल्सिअस, तर इक्वॅडोरजवळ ३० अंश सेल्सिअस इतके कमी राहील. त्यामुळे तेथे हवेचे दाब अधिक राहतील. हिंदी महासागरवरून पूर्वेकडे वारे वाहण्यास प्रतिबंध होईल. त्यामुळे यापुढेही पाऊस चालू राहील..Monsoon Rain: कोकण, घाटमाथ्यावर ५ दिवस पावसाची शक्यता.कोकणआज (ता.३१) सिंधुदुर्ग व रत्नागिरी जिल्ह्यांत २५ मि.मी., तर रायगड जिल्ह्यात ३५ मि.मी. पावसाची शक्यता आहे. ठाणे जिल्ह्यात आज (ता.३१) २० मि.मी. तर पालघर जिल्ह्यात १५ मि.मी. पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. रत्नागिरी, रायगड व ठाणे जिल्ह्यांत वाऱ्याचा ताशी वेग ७ कि.मी., तर सिंधुदुर्ग जिल्ह्यात ताशी ८ कि.मी. व पालघर जिल्ह्यात ताशी ९ कि.मी. राहील. कमाल तापमान ठाणे व पालघर जिल्ह्यांत २७ अंश सेल्सिअस, रायगड जिल्ह्यात २८ अंश सेल्सिअस, रत्नागिरी जिल्ह्यात २९ अंश सेल्सिअस, तर सिंधुदुर्ग जिल्ह्यात ३० अंश सेल्सिअस राहील.किमान तापमान रायगड जिल्ह्यात २४ अंश सेल्सिअस, ठाणे जिल्ह्यात २५ अंश सेल्सिअस, तर रत्नागिरी व सिंधुदुर्ग जिल्ह्यांत २६ अंश सेल्सिअस राहील. सर्वच जिल्ह्यांत आकाश पूर्णतः ढगाळ राहील. सकाळची सापेक्ष आर्द्रता सिंधुदुर्ग व रत्नागिरी जिल्ह्यांत ८६ टक्के, तर रायगड, ठाणे व पालघर जिल्ह्यांत ९४ ते ९९ टक्के इतकी अधिक राहील. दुपारची सापेक्ष आर्द्रता सिंधुदुर्ग, रत्नागिरी व रायगड जिल्ह्यांत ७८ ते ८२ टक्के राहील. ठाणे व पालघर जिल्ह्यांत दुपारची सापेक्ष आर्द्रता ९१ ते ९७ टक्के इतकी अधिक राहील..उत्तर महाराष्ट्रआज (ता.३१) नाशिक जिल्ह्यात ५ मि.मी. धुळे व जळगाव जिल्ह्यांत १० मि.मी. आणि नंदुरबार जिल्ह्यात १४ मि.मी. पावसाची शक्यता आहे. वाऱ्याची दिशा सर्वच जिल्ह्यात नैॡत्येकडून राहील. वाऱ्याचा ताशी वेग धुळे व जळगाव जिल्ह्यांत ताशी ९ ते १० कि.मी., तर नाशिक व नंदुरबार जिल्ह्यांत ताशी १२ कि.मी. राहील. कमाल तापमान नाशिक जिल्ह्यात २५ अंश सेल्सिअस, धुळे व नंदुरबार जिल्ह्यांत २७ अंश सेल्सिअस, तर जळगाव जिल्ह्यात २८ अंश सेल्सिअस राहील.किमान तापमान नाशिक जिल्ह्यात २१ अंश सेल्सिअस, तर धुळे व नंदुरबार जिल्ह्यांत २३ अंश सेल्सिअस आणि जळगाव जिल्ह्यात २४ अंश सेल्सिअस राहील. सर्वच जिल्ह्यात आकाश पूर्णतः ढगाळ राहील. सकाळची सापेक्ष आर्द्रता ९४ ते ९८ टक्के राहील. दुपारची सापेक्ष आर्द्रता धुळे जिल्ह्यात ८८ टक्के, तर नाशिक, नंदुरबार व जळगाव जिल्ह्यांत ९१ ते ९४ टक्के राहील..मराठवाडाआज (ता.३१) लातूर, बीड व धाराशिव जिल्ह्यांत २ ते ४ मि.मी., तर नांदेड व छत्रपती संभाजीनगर जिल्ह्यांत ७ मि.मी. पावसाची शक्यता आहे. मात्र परभणी, हिंगोली आणि जालना जिल्ह्यांत आज (ता.३१) ९ मिलिमीटर पावसाची शक्यता आहे. हलक्या स्वरूपात तुरळक ठिकाणी पाऊस होईल. मराठवाड्यातील सर्वच जिल्ह्यांत वाऱ्याची दिशा नैॡत्येकडून राहील. वाऱ्याचा ताशी वेग छत्रपती संभाजीनगर जिल्ह्यात ताशी ११ कि.मी., तर नांदेड, परभणी व जालना जिल्ह्यांत ताशी १२ कि.मी. राहील. हिंगोली जिल्ह्यात वाऱ्याचा ताशी वेग १३ कि.मी. राहील. मात्र बीड, धाराशिव व लातूर जिल्ह्यांत वाऱ्याचा ताशी वेग १४ ते १६ कि.मी. राहील.कमाल तापमान जालना व छत्रपती संभाजीनगर जिल्ह्यांत २८ अंश सेल्सिअस, तर धाराशिव, लातूर, परभणी व हिंगोली जिल्ह्यांत ३० अंश सेल्सिअस राहील. नांदेड व बीड जिल्ह्यांत कमाल तापमान ३१ अंश सेल्सिअस राहील. धाराशिव, लातूर व छत्रपती संभाजीनगर जिल्ह्यांत किमान तापमान २१ अंश सेल्सिअस, तर जालना जिल्ह्यात २२ अंश सेल्सिअस राहील. नांदेड, बीड, परभणी व हिंगोली जिल्ह्यांत किमान तापमान २३ अंश सेल्सिअस राहील. धाराशिव, लातूर व नांदेड जिल्ह्यांत आकाश अंशतः ढगाळ, तर बीड, परभणी, हिंगोली, जालना व छत्रपती संभाजीनगर जिल्ह्यांत आकाश पूर्णतः ढगाळ राहील. सर्वच जिल्ह्यांत सकाळची सापेक्ष आर्द्रता ८२ ते ८९ टक्के, तर दुपारची सापेक्ष आर्द्रता ६६ ते ८२ टक्के राहील..Marathwada Heavy Rain: मराठवाड्यात अतिवृष्टीचे थैमान.पश्चिम विदर्भआज (ता.३१) बुलडाणा व अकोला जिल्ह्यांत ९ ते १० मि.मी., तर वाशीम व अमरावती जिल्ह्यांत १२ ते १५ मि.मी. पावसाची शक्यता. वाऱ्याची दिशा अकोला, वाशीम व अमरावती जिल्ह्यांत उत्तरेकडून, तर बुलडाणा जिल्ह्यात नैॡत्येकडून राहील. अमरावती जिल्ह्यात वाऱ्याचा ताशी वेग १० कि.मी, तर बुलडाणा जिल्ह्यात ताशी १२ कि.मी. राहील. अकोला व वाशीम जिल्ह्यात वाऱ्याचा ताशी वेग १३ कि.मी. राहील.सर्वच जिल्ह्यात कमाल तापमान २८ अंश सेल्सिअस राहील. बुलडाणा, वाशीम व अमरावती जिल्ह्यांत किमान तापमान २३ अंश सेल्सिअस, तर अकोला जिल्ह्यात २४ अंश सेल्सिअस राहील. सर्वच जिल्ह्यांत आकाश पूर्णतः ढगाळ राहील. सर्वच जिल्ह्यांत सकाळची सापेक्ष आर्द्रता ९३ ते ९६ टक्के, तर दुपारची सापेक्ष आर्द्रता ७५ ते ७९ टक्के राहील..मध्य विदर्भआज (ता.३१) यवतमाळ, वर्धा व नागपूर जिल्ह्यांत १४ ते १६ मि.मी. पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. नागपूर जिल्ह्यात वाऱ्याचा ताशी वेग ७ कि.मी., तर यवतमाळ व वर्धा जिल्ह्यांत ताशी ११ ते १२ कि.मी. राहील. सर्वच जिल्ह्यात कमाल तापमान २९ अंश सेल्सिअस, तर किमान तापमान २४ अंश सेल्सिअस राहील. सर्वच जिल्ह्यांत आकाश पूर्णतः ढगाळ राहील. सर्वच जिल्ह्यात सकाळची सापेक्ष आर्द्रता ९३ ते ९५ टक्के, तर दुपारची सापेक्ष आर्द्रता ७६ ते ७७ टक्के राहील.पूर्व विदर्भआज (ता.३१) चंद्रपूर व गडचिरोली जिल्ह्यांत १० ते २० मि.मी. तर भंडारा आणि गोंदिया जिल्ह्यांत १४ ते १५ मि.मी. इतक्या मध्यम पावसाची शक्यता आहे. सर्वच जिल्ह्यात वाऱ्याची दिशा नैऋत्येकडून राहील. सर्वच जिल्ह्यात वाऱ्याचा ताशी वेग ६ ते ८ कि.मी. राहील. पूर्व विदर्भातील सर्वच जिल्ह्यात कमाल तापमान २९ अंश सेल्सिअस, तर किमान तापमान २४ अंश सेल्सिअस राहील. आकाश सर्वच जिल्ह्यात पूर्णतः ढगाळ राहील. सर्वच जिल्ह्यांत सकाळची सापेक्ष आर्द्रता ९५ ते ९७ टक्के राहील. दुपारची सापेक्ष आर्द्रता चंद्रपूर, भंडारा व गोंदिया जिल्ह्यांत ७८ टक्के आणि गडचिरोली जिल्ह्यात ८१ टक्के राहील..पश्चिम महाराष्ट्रआज (ता.३१) सांगली व सोलापूर जिल्ह्यांत ३. मि.मी., तर अहिल्यानगर जिल्ह्यात ६. मि.मी. आणि पुणे जिल्ह्यात ८ मि.मी. पावसाची शक्यता आहे. कोल्हापूर जिल्ह्यात आज (ता.३१) १० मि.मी. आणि सातारा जिल्ह्यात १५ मि.मी. पावसाची शक्यता आहे. पावसाचे प्रमाण हलक्या ते मध्यम स्वरूपात राहील. सर्वच जिल्ह्यांत वाऱ्याची दिशा नैॡत्येकडून राहील. वाऱ्याचा ताशी वेग पुणे जिल्ह्यात ताशी १० कि.मी., सातारा व कोल्हापूर जिल्ह्यांत ११ कि.मी आणि अहिल्यानगर जिल्ह्यात ताशी १२ कि.मी. राहील.मात्र सांगली जिल्ह्यात वाऱ्याचा ताशी वेग १७ कि.मी. राहील. कमाल तापमान कोल्हापूर, सातारा, पुणे व अहिल्यानगर जिल्ह्यांत २७ अंश सेल्सिअस, तर सांगली जिल्ह्यात २९ अंश सेल्सिअस आणि सोलापूर जिल्ह्यात ३१ अंश सेल्सिअस राहील. किमान तापमान कोल्हापूर जिल्ह्यात २१ अंश सेल्सिअस, सांगली, सातारा, पुणे व अहिल्यानगर जिल्ह्यांत २२ अंश सेल्सिअस आणि सोलापूर जिल्ह्यात २३ अंश सेल्सिअस राहील. सर्वच जिल्ह्यांत आकाश पूर्णतः ढगाळ राहील. सर्वच जिल्ह्यात सकाळची सापेक्ष आर्द्रता ८८ ते ९५ टक्के, तर दुपारची सापेक्ष आर्द्रता ६५ ते ९० टक्के राहील..कृषी सल्लापावसात उघडीप मिळताच फुलांची काढणी करावी.करडईची पेरणी जमिनीत योग्य प्रमाणात ओल असताना करावी.मागील आठवड्यात झालेल्या पावसामुळे शेतात साचलेल्या अतिरिक्त पाण्याच ताबडतोब निचरा करावा.रब्बी ज्वारी पेरणीसाठी जमिनीची पूर्वमशागत करावी.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
