Maharashtra Weather Update: मॉन्सून केरळमध्ये दाखल होण्यास पोषक स्थिती असतानाच, राज्यात पूर्वमोसमीच्या सरी कोसळू लागल्या आहेत. आज (ता. ४) कोकणात जोरदार पावसाची शक्यता असून, मुंबई, रायगड, सिंधुदुर्ग जिल्ह्यांत जोरदार पावसाचा अंदाज आहे. तर उर्वरित राज्यात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..बुधवारी (ता. ३) सकाळपर्यंतच्या २४ तासांमध्ये तेलंगणातील खम्मम येथे देशातील उच्चांकी ४३ अंश सेल्सिअस तापमानाची नोंद झाली. अरबी समुद्रात केरळच्या किनाऱ्यालगत समुद्र सपाटीपासून ३.१ आणि ५.८ किलोमीटर उंचीवर चक्राकार वाऱ्यांची स्थिती आहे. उत्तर अंदमान समुद्रात ३.१ ते ७.६ किलोमीटर दरम्यान चक्राकार वारे वाहत आहे. मध्य प्रदेश आणि छत्तीसगड परिसरावर चक्राकार वारे वाहत असून, त्यापासून विदर्भ, तेलंगणा, रायलसीमा ते उत्तर तमिळनाडूपर्यंत हवेचा कमी दाबाचा पट्टा कायम झाला आहे..राज्यात उन्हाचा चटका कायम असून, बुधवारी (ता. ३) ब्रह्मपुरी आणि वर्धा येथे राज्यातील उच्चांकी ४२ अंश सेल्सिअस तापमान नोंदले गेले. चंद्रपूर, अकोला आणि भंडारा येथे ४१ अंशांपेक्षा अधिक, तर जळगाव, मालेगाव आणि नागपूर येथे ४० अंशांपेक्षा अधिक तापमानाची नोंद झाली. उर्वरित राज्यात कमाल तापमान ४० अंशांखाली आली आहे. महाबळेश्वर येथे राज्यातील नीचांकी १८.७ अंश सेल्सिअस तापमानाची नोंद झाली..Monsoon In Kerala 2026 : मॉन्सून २४ तासात केरळात दाखल होणार; राज्यात वादळी पावसाचा इशारा.आज (ता. ४) मुंबईसह कोकणातील रायगड आणि सिंधुदुर्ग जिल्ह्यांत जोरदार सरींची शक्यता आहे. उर्वरित राज्यात वादळी पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे. विदर्भातील वर्धा येथे जोरदार वादळी पावसाचा अंदाज असल्याने दक्षतेचा इशारा (ऑरेंज अलर्ट) हवामान विभागाने दिला आहे. उन्हाचा चटका आणि उकाडा देखील कायम राहण्याची शक्यता आहे..मॉन्सून आज केरळमध्ये धडकणारमॉन्सूनने शनिवारी (ता. ३०) लक्षद्वीप बेटे, अरबी समुद्र, कोमोरिन भाग, तसेच बंगालच्या उपसागरात पुढे चाल केली. बुधवारी (ता. ३) मॉन्सूनच्या प्रगतीची सीमा कायम होती. आज (ता. ४) केरळ आणि तमिळनाडूच्या काही भागासह अरबी समुद्र, लक्षद्विप बेटे आणि बंगालच्या उपसागराच्या आणखी काही भागात मॉन्सून दाखल होण्यास पोषक हवामान असल्याचे हवामान विभागाने म्हटले आहे.Maharashtra Weather Update: मॉन्सूनपूर्व सरींची शक्यता.बुधवारी (ता. ३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३७.३---२४.४अहिल्यानगर---३८.८---२४.५धुळे---३९.६---२२.०जळगाव---४०.७---२४.२जेऊर---३६.५---२०.५कोल्हापूर---३६.७--२५.७महाबळेश्वर---२८.४---१८.७मालेगाव---४०.८---२४.०.नाशिक---३७.१---२०.६निफाड---३८.०---२३.०सांगली---३८.०---२४.९सातारा---३७.९---२४.०सोलापूर---३९.४---२३.६सांताक्रूझ---३६.४---२२.८डहाणू---३७.३---२८.५रत्नागिरी---३५.५---२५.८.छत्रपती संभाजीनगर---३९.३---२५.४धाराशिव---३९.६---२३.५परभणी---३९.५---२७.०परभणी (कृषी)---३९.०---२५.९अकोला---४१.०---३०.०अमरावती---३८.८---२४.४भंडारा---४१.०---२६.०बुलडाणा---३९.५---२६.६.ब्रह्मपूरी---४२.०---२६.१चंद्रपूर---४१.२---२५.६गडचिरोली---३९.८---२७.४गोंदिया---३९.४---२६.२नागपूर---४०.७---२७.४वर्धा---४२.०---२९.०वाशीम---३८.६---२२.४यवतमाळ---३९.५---२६.४.सरासरी तापमान (अंश से.)विभाग---किमान---कमालउत्तर महाराष्ट्र---२०.६---४०.८पश्चिम महाराष्ट्र---१८.७---३९.४मराठवाडा---२३.५---३९.५विदर्भ---२२.४---४२.०कोकण---२२.८---३७.३.जोरदार वादळी पावसाची शक्यता (ऑरेंज अलर्ट) : वर्धा.जोरदार पावसाचा इशारा (येलो अलर्ट) : मुंबई, रायगड, सिंधुदुर्ग.वादळी पावसाचा इशारा (येलो अलर्ट) : पालघर, ठाणे, रत्नागिरी, नंदूरबार, धुळे, नाशिक, अहिल्यानगर, पुणे, सातारा, कोल्हापूर, बीड, धाराशिव, लातूर, परभणी, हिंगोली, नांदेड, नागपूर, चंद्रपूर, यवतमाळ, गडचिरोली.उन्हाचा चटका कायम असलेली ठिकाणे : ब्रह्मपुरी ४२, वर्धा ४२, चंद्रपूर ४१.२, अकोला ४१, भंडारा ४१..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
