Maharashtra Rain Alert: बंगालच्या उपसागरातील कमी दाब प्रणाली महाराष्ट्रात आल्याने राज्यात दमदार पाऊस कोसळत आहे. आज (ता. १) कोकण आणि घाटमाथ्यावर पावसाचा जोर कायम राहण्याची शक्यता आहे. रायगडसह पुणे आणि नाशिक जिल्ह्यांच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) हवामान विभागाने दिला आहे..मॉन्सूनचा आस असलेला कमी दाबाचा पट्टा राजस्थानातील जैसलमेरपासून उदयपूर, इंदूर, वादळी प्रणालीचे केंद्र, गोपालपूर ते मध्य बंगालच्या उपसागरापर्यंत सक्रिय आहे. आग्नेय अरबी समुद्रापासून विदर्भातील कमी दाबाच्या केंद्रापर्यंत पूर्व आणि पश्चिमेकडून वाहणाऱ्या परस्पर विरोधी वाऱ्यांचे जोड क्षेत्र सक्रिय आहे. दक्षिण गुजरातपासून उत्तर केरळपर्यंत किनारपट्टीला समांतर हवेचा कमी दाबाचा पट्टा टिकून आहे..शुक्रवारी (ता. ३१) सकाळपर्यंतच्या २४ तासांमध्ये डहाणू येथे राज्यातील उच्चांकी ३२ अंश सेल्सिअस तापमानाची नोंद झाली. महाबळेश्वर येथे राज्यातील नीचांकी १८.५ अंश सेल्सिअस तापमान नोंदले गेले. राज्यात पावसाने सर्वदूर हजेरी लावली असून, हलक्या ते मुसळधार सरी कोसळत आहेत. सकाळी ८.३० वाजेपर्यंतच्या २४ तासांत यवतमाळच्या नेर येथे उच्चांकी २२२ मिलिमीटर, तर जळगावच्या जामनेर येथे २२० मिलिमीटर पावसाची नोंद झाल्याचे हवामान विभागाने म्हटले आहे..Rain Update: कोकण, घाटमाथ्यावर पावसाचा जोर कायम; मराठवाडा, विदर्भात सरींची शक्यता.आज (ता. १) रायगड, नाशिक घाटमाथा, पुणे जिल्ह्याच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर ठाणे, मुंबई, रत्नागिरी, सिंधुदुर्ग, नंदुरबार, सातारा घाटमाथा, कोल्हापूर जिल्ह्याच्या घाटमाथ्यावर जिल्ह्यात जोरदार सरींची, आणि विदर्भातील वर्धा, चंद्रपूर जिल्ह्यात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..कमी दाबाची तीव्रता ओसरतेयविदर्भ, मध्य प्रदेश परिसरावर तीव्र कमी दाबाचे क्षेत्र (डिप्रेशन) सक्रिय आहे. शुक्रवारी (ता. ३१) ही प्रणाली विदर्भातील अमरावतीपासून ५० किलोमीटर ईशान्येकडे, वर्ध्यापासून ६० किलोमीटर वायव्येकडे, मध्य प्रदेशच्या बेतूलपासून ९० किलोमीटर दक्षिणेकडे होती. आज (ता. १) विदर्भ, मध्य प्रदेश आणि मध्य महाराष्ट्राकडे सरकताना या प्रणालीची तीव्रता आणखी कमी होण्याची शक्यता आहे..शुक्रवारी (ता. ३१) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---२७.४---२२.८अहिल्यानगर---२६.४---२२.८धुळे---२९.८---२०.०जळगाव---२९.४---२२.१जेऊर---३०.०---२१.०कोल्हापूर---२५.९---२२.५महाबळेश्वर---१९.९---१८.५मालेगाव---२८.२---२२.०.Heavy Rain Update: आसामच्या सात जिल्ह्यांत पावसाचा कहर.नाशिक---२५.३---२२.९निफाड---२६.३---२३.६सांगली---२७.४---२२.८सातारा---२७.०---२२.३सोलापूर---२९.१---२३.६सांताक्रूझ---३०.३---२६.९डहाणू---३२.०---२६.२रत्नागिरी---३०.१---२५.९.छत्रपती संभाजीनगर---२४.२---२२.८धाराशिव---२८.०---१९.४परभणी---२५.०---२२.५परभणी (कृषी)---२५.०---निंरकअकोला---२८.१---२४.१अमरावती---२७.०---२३.३ब्रह्मपुरी---३०.५---२२.५बुलडाणा---२४.५---२२.४चंद्रपूर---२६.८---२४.६.गडचिरोली---२६.६---२४.२गोंदिया---३०.५---२२.०नागपूर---३०.४---२२.६वर्धा---२७.५---२४.४वाशीम---२७.०---२१.०यवतमाळ---३०.०---निरंक.सरासरी तापमान (अंश से.)विभाग---किमान---कमालउत्तर महाराष्ट्र---२०.०---३०.०पश्चिम महाराष्ट्र---१८.५---३०.०कोकण---२६.२---३२.०मराठवाडा---१९.४---२८.०विदर्भ---२१.०---३०.५. जोरदार पावसाची शक्यता (ऑरेंज अलर्ट) : रायगड, नाशिक घाटमाथा, पुणे घाटमाथा.जोरदार पावसाची शक्यता (येलो अलर्ट) : ठाणे, मुंबई, रत्नागिरी, सिंधुदुर्ग, नंदुरबार, सातारा घाटमाथा, कोल्हापूर घाटमाथा.विजांसह पावसाची शक्यता (येलो अलर्ट) : वर्धा, चंद्रपूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
