Monsoon Rainfall Prediction: देशातील शेतकऱ्यांचे लक्ष लागून असलेल्या नैॡत्य मोसमी वाऱ्यांच्या (मॉन्सून) केरळमधील आगमनाचा मुहूर्त यंदा चुकला आहे. अरबी समुद्रात पावसाच्या ढगांची दाटी झाली असून, मॉन्सून केरळच्या उंबरठ्यावर पोहोचला आहे. दोन दिवसांत मॉन्सून देवभूमी केरळ आणि तमिळनाडूच्या दक्षिण भागात दाखल होण्याची शक्यता हवामान विभागाने वर्तविली आहे. .यंदाच्या मोसमी हंगामात मॉन्सूनने वेळेआधी म्हणजेच १६ मे रोजी अंदमानात दाखल होत दणक्यात सुरुवात केली. त्यानंतर मॉन्सून यंदा काहीसा लवकर म्हणजेच २६ मे रोजी केरळात दाखल होण्याची शक्यता हवामान विभागाने वर्तविली होती..Monsoon Update: माॅन्सून केरळमध्ये २ दिवसात येणार; आज ५ जिल्ह्यांमध्ये गारपीटीचा अंदाज; पुढील ५ दिवस वादळी पावसाचे.या वेळी मॉन्सूनचे आगमन ४ दिवसांनी मागे-पुढे होण्याची तफावत गृहीत धरण्यात आली होती. त्यानुसार मे महिन्याच्या अखेरपर्यंत मॉन्सून केरळमध्ये धडकण्याची अपेक्षा होती. मात्र हा मुहूर्त यंदा चुकला असून, अद्याप मॉन्सून केरळमध्ये दाखल झालेला नाही..Maharashtra Weather Update: उत्तर महाराष्ट्र, मराठवाड्यात गारपिटीची शक्यता.मॉन्सूनने १६ मे रोजी अंदमानात हजेरी लावल्यानंतर १८ मे रोजी आणखी वाटचाल केली. त्यानंतर मात्र मॉन्सूनची वाटचाल अडखळत सुरू आहे. अरबी समुद्रात पाऊस कोसळत असला तरी जमिनीवर मात्र अपेक्षित पावसाने हजेरी लावलेली नाही. शनिवारी (ता. ३०) मॉन्सूनने लक्षद्वीप बेटांच्या आणखी काही भागासह, अरबी समुद्र, कोमोरिन भाग, तसेच बंगालच्या उपसागरात पुढे चाल केली आहे..सोमवारी (ता. १) मॉन्सून पुढे सरकला नाही. पुढील दोन दिवसांत केरळ आणि तमिळनाडूच्या काही भागासह अरबी समुद्र, लक्षद्विप बेटे आणि बंगालच्या उपसागराच्या आणखी काही भागात मॉन्सून दाखल होण्यास पोषक हवामान असल्याचे हवामान विभागाने स्पष्ट केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
