Indian Weather Update: वायव्य भारतातील थंड पश्चिमी चक्रावात पूर्वेकडे सरकत असल्याने वायव्य भारतासह हिमालयाच्या डोंगराळ भागात मध्यम पाऊस, हिमवर्षाव होण्यास पोषक हवामान आहे. तर देशाच्या दक्षिण भागात असेलेला उष्ण प्रतिचक्रवाताचा प्रभावामुळे दक्षिण द्वीपकल्पीय भारतात मेघगर्जनेसह वादळी पावसाची शक्यता असल्याचे हवामान विभागाने म्हटले आहे. .देशाच्या विविध भागांत असलेल्या चक्राकार वाऱ्यांच्या स्थिती आणि हवेच्या कमी दाबाच्या पट्ट्यामुळे देशात पूर्वमोसमी पावसाला पोषक हवामान होत आहे. प्रतिचक्रवातामुळे दिवसा तापमान झपाट्याने वाढत असले, तरी त्यातून निर्माण होणाऱ्या उष्ण वायूंमुळे समुद्रांमधून बाष्पयुक्त वारे खेचून घेतले जात असल्याने मेघगर्जनेसह जोरदार पाऊस पडत आहे..Hailstorm Alert : ५ जिल्ह्यांना गारपीटीचा इशारा; राज्यात पुढील ४ दिवस वादळी पावसाचा येलो अलर्ट.महाराष्ट्राच्या अंतर्गत भाग तसेच लगतच्या तेलंगणा आणि उत्तर अंतर्गत कर्नाटकावर उष्णता वाढवणारे प्रतिचक्रवात म्हणजेच केंद्राकडून बाहेरच्या दिशेने वारे वाहणारी प्रणाली कायम आहे. याच दरम्यान आजपासून (ता. २३) एक थंड पाश्चिमी चक्रावात (वेस्टर्न डिस्टर्बन्स) देशाच्या वायव्येकडील हिमालयीन भागात प्रवेश करण्याचे संकेत आहेत..दाट ढगांच्या अच्छादन असलेला पश्चिमी चक्रावात तुर्कमेनिस्तान, ताजिकिस्तान आणि अफगाणिस्तानमधून पुढे सरकत गिलगिट आणि लेहपर्यंतच्या भागात सक्रिय आहे. यामुळे पाकिस्तानसह भारताच्या उत्तर-पश्चिम सीमेवर पूर्वेकडे त्याचा प्रभाव जाणवणार आहे. तर शुक्रवारी (ता. २४) आणि शनिवारी (ता. २५) जम्मू-काश्मीर, लडाख, गिलगिट-बाल्टिस्तान आणि मुजफ्फराबाद येथे विजांच्या कडकडाटासह, ताशी ३० ते ५० किलोमीटर वेगाने वारे वाहण्याची, हलक्या ते मध्यम पावसाची किंवा हिमवर्षावाची शक्यता वर्तवली आहे. आठवड्याच्या शेवटी हिमाचल प्रदेशातही हा प्रभाव दिसण्याचे संकेत आहेत. .दरम्यान, देशाच्या दक्षिण आणि पूर्वेकडील राज्यात प्रतिचक्रवात आणि पूर्वमोसमी पावसासाठी पोषक स्थितीमुळे हवामान अस्थिर झाले आहे. समुद्राकडून येणाऱ्या विरुद्ध दिशेच्या वाऱ्यांच्या संगमामुळे तयार झालेल्या खंडित वाऱ्यांमुळे आणि कमी दाबाच्या पट्ट्यांमुळे द्वीपकल्पीय आणि पूर्व-मध्य भारतात मेघगर्जना, विजा आणि काही ठिकाणी गारपीट होत आहे..Rain Alert: राज्यात वादळी पावसाचा इशारा कायम.पश्चिम बंगालच्या डोंगराळ व मैदानी भागावर वरच्या स्तरावर चक्रीय वारे सक्रिय असून, बंगालच्या उपसागरातून येणारी आर्द्रता वरच्या थरांमध्ये जाऊन वादळी पावसाला अनुकुल हवामान होत आहे. याशिवाय उत्तर छत्तीसगड आणि तेलंगणावर वाहणाऱ्या चक्राकार वाऱ्यांमुळे मध्य भारतात अस्थिरता वाढत आहे..उत्तर छत्तीसगडपासून तेलंगणा, अंतर्गत कर्नाटक आणि तमिळनाडू ते कन्याकुमारी लगतच्या कोमोरिन भागापर्यंत ओलांडणारी एक कमी दाबाचा पट्टा सक्रिय आहे. उत्तर-पश्चिम बिहारपासून मनीपूर पर्यंत आणखी एक हवेचा कमी दाबाचा पट्टा असून, पश्चिम बंगाल, बांगलादेश, आसाममध्ये चक्राकार वारे वाहत आहेत..पश्चिमी चक्रावाताच्या प्रभावामुळे उत्तर-पश्चिम भारतातील हिमालयाच्या डोंगराळ भागात सर्वदूर पावसाची शक्यता आहे. तसेच गुजरातसह केरळ, कर्नाटक किनारपट्टी आणि गोवा येथे काही ठिकाणी पावसाच्या सरी कोसळ्याची शक्यता हवामान विभागाने वर्तविली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
