डॉ. रामचंद्र साबळेSankranti Weather Effect: महाराष्ट्रावर आज (ता.१८) १०१० हेप्टापास्कल इतका कमी हवेचा दाब राहील. म्हणजेच कमाल व किमान तापमानात वाढ आणि थंडीत घट होण्यास सुरुवात होईल. मकर संक्रांतीस सूर्य मकर वृत्तावर असतो व तेथून पुढेही उत्तरायणामुळे सूर्य उत्तर गोलार्धाच्या दिशेने पुढे सरकत असल्याने सूर्यकिरणांचे कोनामध्ये बदल होत जाऊन भूपृष्ठ तापण्यास सुरुवात होते. उद्यापासून शनिवार (ता.१९ ते २४) पर्यंत महाराष्ट्रावरील हवेचे दाब १०१२ हेप्टापास्कल इतके कमी राहतील. .त्यामुळे कमाल व किमान तापमानात झालेली वाढ कायम राहील. थंडीत घट होईल. दुपारी प्रखर सूर्यप्रकाश आणि उष्ण हवामान जाणविण्यास सुरुवात होईल. त्यामुळे दुपारचे सापेक्ष आर्द्रतेत घट होऊन उष्ण व कोरडे हवामान जाणवेल. या आठवड्यात हवेचे दाब कमी राहण्यामुळे बंगालचा उपसागर व हिंदी महासागरावरून वाहणारे वारे मोठ्या प्रमाणात बाष्प वाहून आणतील. त्यामुळे हवामान ढगाळ राहील. जेथे हवेचे दाब कमी होतील तेथे अत्यल्प पावसाची शक्यता निर्माण होईल..संपूर्ण उत्तर भारतातील हवेचे दाब कमी राहण्यामुळे उत्तर भारतातही थंडीचे प्रमाण कमी होईल. उत्तर महाराष्ट्र, मराठवाडा व पश्चिम महाराष्ट्रात वाऱ्याची दिशा आग्नेयेकडून राहील. तसेच पश्चिम विदर्भातील बुलडाणा व वाशीम जिल्ह्यांतही वाऱ्याची दिशा आग्नेयेकडून राहील. तेथेही थंडीत घट होईल. महाराष्ट्रातील बहुतांशी जिल्ह्यात आकाश अंशतः ढगाळ राहील. दिवसाच्या कालावधीत वाढ होत जाईल..महाराष्ट्रातील सर्वच जिल्ह्यांत वाऱ्याचा ताशी वेग साधारणच राहील. प्रशांत महासागराच्या पेरुजवळ विषुववृत्तीय भागातील पाण्याच्या पृष्ठभागाचे तापमान १८ अंश सेल्सिअस तर इक्वॅडोरजवळ ते २४ अंश सेल्सिअस राहण्यामुळे ‘ला-निना’चा प्रभाव संपुष्टात येत आहे. तर हिंदी महासागराच्या पाण्याच्या पृष्ठभागाचे तापमान २९ ते ३० अंश सेल्सिअस आणि बंगालचा उपसागर व अरबी समुद्राचे पाण्याचे पृष्ठभागाचे तापमान २८ अंश सेल्सिअस राहण्यामुळे बाष्पीभवनाचा वेग वाढेल. त्यातूनच ढग निर्मिती होईल..Weather Update: राज्यातील बहुतांशी भागात सरासरी तापमानात वाढ.कोकणरायगड व पालघर जिल्ह्यांत कमाल तापमान ३० अंश सेल्सिअस, तर ठाणे जिल्ह्यात ३१ अंश सेल्सिअस राहील. तसेच सिंधुदुर्ग व रत्नागिरी जिल्ह्यांत कमाल तापमान ३२ अंश सेल्सिअस राहील. किमान तापमान ठाणे व पालघर जिल्ह्यांत १७ अंश सेल्सिअस, तर रत्नागिरी व रायगड जिल्ह्यांत १८ अंश सेल्सिअस आणि सिंधुदुर्ग जिल्ह्यात १९ अंश सेल्सिअस राहील. कोकणातील सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता ठाणे जिल्ह्यात ५७ टक्के, मात्र पालघर व रायगड जिल्ह्यांत ७० ते ७४ टक्के राहील. रत्नागिरी व सिंधुदुर्ग जिल्ह्यांत सकाळची सापेक्ष आर्द्रता ८० ते ८५ टक्के इतकी अधिक राहील. दुपारची सापेक्ष आर्द्रता सर्वच जिल्ह्यात ३० ते ३३ टक्के इतकी कमी राहील. त्यामुळे हवामान दुपारी उष्ण व कोरडे राहील. कोकणातील सर्वच जिल्ह्यात वाऱ्याचा ताशी वेग ३ ते ५ किमी इतका कमी राहील. सर्वच जिल्ह्यात वाऱ्याची दिशा ईशान्येकडून राहील..उत्तर महाराष्ट्रकमाल तापमान नाशिक जिल्ह्यात ३० अंश सेल्सिअस, तर नंदुरबार जिल्ह्यात ३१ अंश सेल्सिअस राहील. धुळे व नंदुरबार जिल्ह्यांत कमाल तापमान ३२ अंश सेल्सिअस राहील. किमान तापमान नाशिक जिल्ह्यात १७ अंश सेल्सिअस तर नंदुरबार, धुळे व जळगाव जिल्ह्यांत १८ अंश सेल्सिअस राहील. नाशिक, धुळे, नंदुरबार व जळगाव जिल्ह्यांत आकाश अंशतः ढगाळ राहील. सकाळची सापेक्ष आर्द्रता जळगाव जिल्ह्यात ५१ टक्के, तर धुळे व नंदुरबार जिल्ह्यांत ५२ टक्के आणि नाशिक जिल्ह्यात ५७ टक्के राहील. दुपारची सापेक्ष आर्द्रता जळगाव जिल्ह्यात २० टक्के, तर धुळे जिल्ह्यात २१ टक्के, नंदुरबार जिल्ह्यात २२ टक्के आणि नाशिक जिल्ह्यात २४ टक्के राहील. वाऱ्याचा ताशी वेग नाशिक व नंदुरबार जिल्ह्यांत ताशी ३ ते ४ कि.मी. तर धुळे व जळगाव जिल्ह्यात ५ ते ७ कि.मी. राहील. वाऱ्याची दिशा सर्वच जिल्ह्यांत आग्नेयेकडून राहील..मराठवाडाछत्रपती संभाजीनगर आणि धाराशिव जिल्ह्यांत कमाल तापमान ३० अंश सेल्सिअस राहील. तर लातूर, नांदेड, बीड, परभणी, हिंगोली व जालना जिल्ह्यांत कमाल तापमान ३१ अंश सेल्सिअस राहील. किमान तापमान नांदेड जिल्ह्यात १६ अंश सेल्सिअस, तर बीड, परभणी, हिंगोली, जालना व छत्रपती संभाजीनगर जिल्ह्यांत १७ अंश सेल्सिअस राहील. मात्र लातूर व धाराशीव जिल्ह्यांत किमान तापमान १८ अंश सेल्सिअस राहील. धाराशिव, लातूर, नांदेड, बीड, परभणी, हिंगोली, जालना व छत्रपती संभाजीनगर या जिल्ह्यांत कमी अधिक प्रमाणात आकाश अंशतः ढगाळ राहील. .सकाळची सापेक्ष आर्द्रता हिंगोली जिल्ह्यात ४१ टक्के, तर नांदेड व परभणी जिल्ह्यांत ४४ टक्के राहील. सकाळची सापेक्ष आर्द्रता लातूर जिल्ह्यात ४५ टक्के आणि धाराशीव जिल्ह्यात ४८ टक्के, तर बीड जिल्ह्यात ५० टक्के, जालना जिल्ह्यात ५२ टक्के आणि छत्रपती संभाजीनगर जिल्ह्यात ५६ टक्के राहील. नांदेड व हिंगोली जिल्ह्यांत दुपारची सापेक्ष आर्द्रता १८ ते १९ टक्के राहील. परभणी व लातूर जिल्ह्यांत ती २० ते २१ टक्के, तर जालना, बीड आणि छत्रपती संभाजीनगर जिल्ह्यांत २२ ते २३ टक्के आणि धाराशीव जिल्ह्यात २४ टक्के राहील. वाऱ्याचा ताशी वेग ५ ते ८ कि.मी. राहील. वाऱ्याची दिशा आग्नेयेकडून राहील..Maharashtra Weather Forecast: राज्याच्या किमान तापमानात वाढ शक्य.पश्चिम विदर्भबुलडाणा, अकोला, वाशीम व अमरावती जिल्ह्यांत कमाल तापमान ३१ अंश सेल्सिअस राहील. किमान तापमान अमरावती जिल्ह्यात १६ अंश सेल्सिअस तर बुलडाणा, अकोला व वाशीम जिल्ह्यांत १७ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता वाशीम जिल्ह्यात ३९ टक्के तर बुलडाणा, अकोला व अमरावती जिल्ह्यांत ४३ ते ४६ टक्के राहील. दुपारची सापेक्ष आर्द्रता अकोला, वाशीम व अमरावती जिल्ह्यांत १८ टक्के आणि बुलडाणा जिल्ह्यात १९ टक्के राहील. वाऱ्याचा ताशी वेग बुलडाणा व अमरावती जिल्ह्यांत ७ कि.मी., वाशीम जिल्ह्यात ८ कि.मी. आणि अकोला जिल्ह्यात ताशी ९ कि.मी. राहील. वाऱ्याची दिशा आग्नेयेकडून राहील..मध्य विदर्भयवतमाळ व नागपूर जिल्ह्यांत कमाल तापमान ३० अंश सेल्सिअस तर वर्धा जिल्ह्यात ३१ अंश सेल्सिअस राहील. किमान तापमान नागपूर जिल्ह्यात १४ अंश सेल्सिअस, तर वर्धा जिल्ह्यात १५ अंश सेल्सिअस आणि यवतमाळ जिल्ह्यात १६ अंश सेल्सिअस राहील. वर्धा व नागपूर जिल्ह्यांत आकाश अंशतः ढगाळ राहील. सकाळची सापेक्ष आर्द्रता वर्धा व नागपूर जिल्ह्यांत ४८ टक्के, तर यवतमाळ जिल्ह्यात ६० टक्के राहील. वर्धा व नागपूर जिल्ह्यांत दुपारची सापेक्ष आर्द्रता १६ टक्के तर यवतमाळ जिल्ह्यात ३० टक्के राहील. वाऱ्याचा ताशी वेग नागपूर जिल्ह्यात ७ कि.मी. तर यवतमाळ व वर्धा जिल्ह्यांत ताशी ८ कि.मी. राहील. वाऱ्याची दिशा ईशान्येकडून राहील..पूर्व विदर्भकमाल तापमान चंद्रपूर, भंडारा व गोंदिया जिल्ह्यांत ३१ अंश सेल्सिअस तर गडचिरोली जिल्ह्यात ३२ अंश सेल्सिअस राहील. किमान तापमान गोंदिया जिल्ह्यात १२ अंश सेल्सिअस तर गडचिरोली व भंडारा जिल्ह्यांत १३ अंश सेल्सिअस आणि चंद्रपूर जिल्ह्यात १४ अंश सेल्सिअस राहील. सर्वच जिल्ह्यात आकाश अंशतः ढगाळ राहील. भंडारा आणि गोंदिया जिल्ह्यांत सकाळची सापेक्ष आर्द्रता ५० टक्के तर गडचिरोली जिल्ह्यात ५१ टक्के आणि चंद्रपूर जिल्ह्यात ५२ टक्के राहील. चंद्रपूर व गोंदिया जिल्ह्यांत दुपारची सापेक्ष आर्द्रता १४ टक्के तर गडचिरोली व भंडारा जिल्ह्यांत १५ टक्के राहील. गडचिरोली व गोंदिया जिल्ह्यांत वाऱ्याचा ताशी वेग ५ कि.मी. तर चंद्रपूर जिल्ह्यात ताशी ६ कि.मी. आणि भंडारा जिल्ह्यात ताशी ७ कि.मी. राहील. सर्वच जिल्ह्यात वाऱ्याची दिशा ईशान्येकडून राहील..पश्चिम महाराष्ट्रकमाल तापमान कोल्हापूर व पुणे जिल्ह्यांत २८ अंश सेल्सिअस तर सांगली जिल्ह्यात २९ अंश सेल्सिअस राहील. सातारा व अहिल्यानगर जिल्ह्यांत कमाल तापमान ३० अंश सेल्सिअस आणि सोलापूर जिल्ह्यात ३१ अंश सेल्सिअसपर्यंत राहील. किमान तापमान पुणे जिल्ह्यात १२ अंश सेल्सिअस, सातारा जिल्ह्यात १४ अंश सेल्सिअस तर कोल्हापूर जिल्ह्यात १५ अंश सेल्सिअस राहील. किमान तापमान सांगली व अहिल्यानगर जिल्ह्यांत १७ अंश सेल्सिअस तर सोलापूर जिल्ह्यात १८ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सकाळची सापेक्ष आर्द्रता सोलापूर जिल्ह्यात ५२ टक्के, सांगली जिल्ह्यात ५९ टक्के राहील. तसेच सातारा, पुणे व अहिल्यानगर जिल्ह्यांत ती ६२ ते ६५ टक्के आणि कोल्हापूर जिल्ह्यात ७४ टक्के राहील. दुपारची सापेक्ष आर्द्रता सोलापूर व अहिल्यानगर जिल्ह्यांत ३० टक्के तर पुणे, सांगली व कोल्हापूर जिल्ह्यांत ३४ ते ३८ टक्के आणि सातारा जिल्ह्यात ४० टक्के राहील. वाऱ्याचा ताशी वेग सर्वच जिल्ह्यात ५ ते १० कि.मी. राहील. वाऱ्याची दिशा आग्नेयेकडून राहील..कृषी सल्लाउन्हाळी भुईमूग, मूग व बाजरी या पिकांच्या पेरण्या १५ फेब्रुवारीपर्यंत पूर्ण कराव्यात.फळभाजी पिकांमध्ये फुलकिडे नियंत्रणासाठी निळे चिकट सापळे आणि तुडतुडे, मावा व पांढरी माशी नियंत्रणासाठी पिवळे चिकट सापळे लावावेत.हरभरा पिकामध्ये घाटे अळीचा प्रादुर्भाव दिसून येत असल्यास, शेतामध्ये पक्षिथांबे उभारावेत. घाटे अळीच्या सर्वेक्षणासाठी कामगंध सापळे लावावेत.आंबा मोहरावर किडींचा प्रादुर्भाव होण्याची शक्यता आहे. मोहराचे संरक्षण करण्यासाठी शिफारशीत कीटकनाशकांची फवारणी करावी.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
