Pune News: उन्हाचा चटका आणि उकाडा वाढलेला असतानाच, राज्यात पावसाला पोषक हवामान झाले आहे. तुरळक ठिकाणी जोरदार सरींनी हजेरी लावली आहे. आज (ता. १२) विदर्भ. मराठवाडा आणि मध्य महाराष्ट्रात विजांसह जोरदार पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात हलक्या सरींची शक्यता हवामान विभागाने वर्तविली आहे..वायव्य अरबी समुद्रात पाकिस्तानच्या किनाऱ्यालगत ठळक कमी दाबाचे क्षेत्र सक्रिय आहे. या प्रणालीची तीव्रता कमी होत आहे. मॉन्सूनचा आस असलेला कमी दाबाचा पट्टा राजस्थानच्या गंगानगरपासून बरेली, बाराबंकी, देहरी, पुरुलिया, दिघा, ईशान्य बंगालच्या उपसागरापर्यंत सक्रिय आहे. बंगालच्या उपसागरात ओडिशा आणि आंध्र प्रदेशच्या किनाऱ्यालगत समुद्र सपाटीपासून ४.५ किलोमीटर उंचीपर्यंत चक्राकार वाऱ्यांची स्थिती आहे..राज्यात पावसाने उघडीप दिल्यानंतर उन्हाचा चटका वाढला आहे. कमाल तापमानात वाढ झाल्याने अनेक ठिकाणी पारा तिशीपार आहे. गुरुवारी (ता.११) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ३४.६ अंश सेल्सिअस तापमानाची नोंद झाली. दरम्यान, बुधवारी (ता. १०) सकाळपासून वाढलेल्या उकाड्यानंतर दुपारी दक्षिण मध्य महाराष्ट्र, दक्षिण मराठवाडा आणि विदर्भात तुरळक ठिकाणी मध्यम ते जोरदार पावसाने तडाखा दिला. गुरुवारी (ता. ११) सकाळपर्यंत नांदेड जिल्ह्यातील किनवट येथे सर्वाधिक १३० मिलिमीटर, तर सोलापूर येथे १२० मिलिमीटर पावसाची नोंद झाली..Monsoon Rain: विदर्भातील सर्वच जिल्ह्यांमध्ये पावसाचा जोर वाढण्याची शक्यता.आज (ता. १२) सोलापूर, परभणी, हिंगोली, नांदेड, वाशीम, यवतमाळ, वर्धा, चंद्रपूर, गडचिरोली, गोंदिया जिल्ह्यांत जोरदार पावसाची शक्यता असल्याने, तसेच अहिल्यानगर, पुणे, सातारा, सांगली, सोलापूर, धाराशिव, लातूर, बीड, बुलडाणा, अकोला, अमरावती, नागपूर, भंडारा जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात पावसाच्या हलक्या सरींचा अंदाज हवामान विभागाने वर्तविला आहे..गुरुवारी (ता. ११) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३१.०---२०.६अहिल्यानगर---३१.८---२१.३धुळे---३२.०---१८.०जळगाव---३२.८---२२.६जेऊर---३२.५---१९.५कोल्हापूर---३१.२---२०.९महाबळेश्वर---२१.८---१५.२.Maharashtra Rain: विदर्भ, मराठवाड्यात पावसाला पोषक हवामान.मालेगाव---३१.४---२०.०नाशिक---२९.४---१९.६निफाड---३०.७---१९.३सांगली---३१.९---२१.१सातारा---३०.४---२०.४सोलापूर---३२.६---२१.०सांताक्रूझ---३१.०---२५.०डहाणू---३१.९---२३.४.रत्नागिरी---३१.७---२४.१छत्रपती संभाजीनगर---३३.०---२२.७धाराशिव---२८.१---२०.०परभणी---३२.०---२३.७परभणी (कृषी)---३२.७---२३.०अकोला---३३.६---२४.७अमरावती---३३.०---२२.४भंडारा---३३.०---२३.०बुलडाणा---३०.४---२२.५.ब्रह्मपुरी---३४.६---२३.९चंद्रपूर---३४.६---२४.०गडचिरोली---३०.८---२३.४गोंदिया---३२.६---२४.८नागपूर---३४.५---२४.४वर्धा---३३.५---२४.८वाशीम---२९.८---२२.२यवतमाळ---३१.४---२३.०.जोरदार पावसाचा इशारा : (येलो अलर्ट)सोलापूर, परभणी, हिंगोली, नांदेड, वाशीम, यवतमाळ, वर्धा, चंद्रपूर, गडचिरोली, गोंदिया.विजांसह पावसाचा इशारा : (येलो अलर्ट)अहिल्यानगर, पुणे, सातारा, सांगली, सोलापूर, धाराशीव, लातूर, बीड, बुलडाणा, अकोला, अमरावती, नागपूर, भंडारा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
