Pune News : कमी दाब क्षेत्राच्या प्रभावामुळे कोकण, घाटमाथा, मध्य महाराष्ट्रात पावसाच्या सरी मागून सरी सुरूच आहेत. आज (ता. ७) पालघर आणि नाशिकच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. उत्तर कोकण, उत्तर महाराष्ट्रात तुरळक ठिकाणी जोरदार सरींची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..दक्षिण राजस्थान परिसरावर ठळक कमी दाबाचे क्षेत्र सक्रिय आहे. त्याला लागून समुद्रसपाटीपासून ७.६ किलोमीटर उंचीवर चक्राकार वारे वाहत आहेत. आज (ता. ७) या प्रणालीची तीव्रता आणखी वाढण्याची शक्यता आहे. .Khandesh Rainfall : अनेक तालुक्यांत १०० टक्क्यांवर पाऊस .मॉन्सूनचा आस असलेला कमी दाबाचा पट्टा जैसलमेर पासून, कमी दाबाचे केंद्र, गुना, दामोह, पेंद्रा रोड, संबलपूर, गोपालपूर ते पूर्व-मध्य बंगालच्या उपसागरापर्यंत सक्रिय आहे. कोकण किनाऱ्यालगतच्या अरबी समुद्रापासून राजस्थानातील कमी दाब क्षेत्रापर्यंत हवेचा कमी दाबाचा पट्टा कायम आहे. बंगालच्या उपसागरात ओडिशा आणि आंध्र प्रदेशच्या किनाऱ्यालगत समुद्र सपाटीपासून ३.१ ते ५.८ किलोमीटर उंचीपर्यंत चक्राकार वाऱ्यांची स्थिती आहे..कमी दाब क्षेत्रामुळे पोषक हवामान झाल्याने कोकण, घाटमाथा आणि उत्तर महाराष्ट्रात पावसाच्या सरी पडत आहेत. शनिवारी (ता. ६) सकाळपर्यंतच्या २४ तासांमध्ये रायगडच्या माथेरान येथे १२० मिलीमीटर, ठाण्यातील अंबरनाथ आणि पालघरमधील वसई येथे प्रत्येकी १०० मिलीमीटर पावसाची नोंद झाली. राज्याच्या काही भागात ढगाळ हवामानसह हलक्या सरी पडत होत्या. ब्रह्मपूरी येथे राज्यातील उच्चांकी ३३.३ अंश सेल्सिअस तापमानाची नोंद झाली..Washim Rainfall : वाशीम जिल्ह्यावर यंदा अति पर्जन्यकृपा.आज (ता. ७) पालघर, नाशिक जिल्ह्याच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. मुंबई, ठाणे, रायगड, नंदूरबार, पुणे जिल्ह्याच्या घाटमाथ्यावर जोरदार पावसाचा अंदाज असल्याने, तसेच छत्रपती संभाजीनगर, जालना, चंद्रपूर, गडचिरोली जिल्ह्यात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः उघडिपीसह पावसाच्या हलक्या सरींचा अंदाज कायम आहे..शनिवारी (ता. ६) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.८---२१.४अहिल्यानगर---२६.९---२१.७धुळे---२७.०---१९.५जळगाव---२६.२---२३.०जेऊर---३०.५---१९.५कोल्हापूर---२७.२---२१.५महाबळेश्वर---१८.७---१६.८मालेगाव---२८.४---२०.६नाशिक---२४.३---२१.६निफाड---२५.९---२१.०सांगली---२९.०---२१.६सातारा---२६.६---२१.०सोलापूर---३१.०---२२.८सांताक्रूझ---२८.०---२४.२डहाणू---२८.३---२४.०रत्नागिरी---२८.६---२३.९छत्रपती संभाजीनगर---२६.४---२१.६धाराशिव---२८.८---२१.०परभणी---३०.६---२३.०परभणी (कृषी)---२९.५---२२.०अकोला---२८.४---२३.६अमरावती---२६.६---२१.५भंडारा---३१.०---२३.०बुलडाणा---२६.२---२१.६ब्रह्मपुरी---३३.३---२४.९चंद्रपूर---३२.६---२४.४गडचिरोली---२९.६---२४.०गोंदिया---३१.४---२४.६नागपूर---२९.४---२३.६वर्धा---२९.५---२४.०वाशीम---२६.८---२१.६यवतमाळ---२७.२---२२.४जोरदार पावसाचा इशारा (ऑरेंज अलर्ट) :पालघर, नाशिक घाटमाथा.जोरदार पावसाचा इशारा (येलो अलर्ट) :मुंबई, ठाणे, रायगड, नंदूरबार, पुणे घाटमाथा.विंजासह पावसाची इशारा (येलो अलर्ट) :छत्रपती संभाजीनगर, जालना, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
