Pune News : कमी दाब क्षेत्राच्या प्रभावामुळे कोकण, घाटमाथ्यासह राज्यात सुरू असलेला पाऊस ओसरण्याची शक्यता आहे. आज (ता. ८) पूर्व विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः पावसाच्या उघडिपीसह हलक्या सरींची शक्यता आहे..उत्तर गुजरात आणि नैॡत्य राजस्थान परिसरावर तीव्र कमी दाबाचे क्षेत्र (डिप्रेशन) सक्रिय आहे. ही प्रणाली दिसा गुजरातपासून ४० किलोमीटर पश्चिमेकडे, राधांपूरपासून ५० किलोमीटर ईशान्येकडे, तर भूजपासून २३० किलोमीटर पूर्वेकडे होती. त्यापासून छत्तीसगडपर्यंत हवेचा कमी दाबाचा पट्टा तयार झाला आहे..Washim Rainfall : वाशीम जिल्ह्यावर यंदा अति पर्जन्यकृपा.मॉन्सूनचा आस असलेला कमी दाबाचा पट्टा कमी दाबाच्या केंद्रापासून, शिवपूर, गुना, दामोह, माना, गोपालपूर ते पूर्व-मध्य बंगालच्या उपसागरापर्यंत सक्रिय आहे. बंगालच्या उपसागरात ओडिशा आणि आंध्र प्रदेशच्या किनाऱ्यालगत समुद्र सपाटीपासून ३.१ ते ५.८ किलोमीटर उंचीपर्यंत चक्राकार वाऱ्यांची स्थिती आहे..Satpuda Rainfall : यावल तालुक्यातील हरिपुरा, वड्री प्रकल्प तुडुंब.कमी दाब क्षेत्रामुळे पोषक हवामान झाल्याने कोकण, घाटमाथा आणि उत्तर महाराष्ट्रात जोरदार सरींनी हजेरी लावली. रविवारी (ता. ६) सकाळपर्यंतच्या २४ तासांमध्ये नाशिकच्या पेठमध्ये सर्वाधिक १३० मिलिमीटर पावसाची नोंद झाली. कोकण, मध्य महाराष्ट्राच्या पश्चिम भागात काही ठिकाणी १०० मिलिमीटर पाऊस झाला. राज्याच्या उर्वरित भागात ढगाळ हवामानासह हलक्या सरी कोसळल्या. ब्रह्मपुरी येथे राज्यातील उच्चांकी ३३.२ अंश सेल्सिअस तापमानाची नोंद झाली..आज (ता. ८) पूर्व विदर्भातील वर्धा, नागपूर, भंडारा, गोंदिया, चंद्रपूर, गडचिरोली जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. मराठवाड्यातील परभणी हिंगोली, नांदेड, लातूर जिल्ह्यांतही विजांसह पावसाचा अंदाज आहे. उर्वरित राज्यात मुख्यतः उघडिपीसह पावसाच्या हलक्या सरींचा अंदाज कायम आहे..रविवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.२---२०.९अहिल्यानगर---२७.८---१९.४धुळे---२६.०---१९.२जळगाव---२९.५---२५.५जेऊर---३१.५---१८.०कोल्हापूर---२६.८---२०.७महाबळेश्वर---१८.५---१६.२मालेगाव---२६.४---२०.६नाशिक---२४.२---२१.४निफाड---२५.५---२०.९सांगली---२८.७---१९.९सातारा---२६.४---२०.६सोलापूर---३२.२---२१.६सांताक्रूझ---२७.३---२४.०डहाणू---२६.४---२२.७रत्नागिरी---२९.९---२३.६छत्रपती संभाजीनगर---२७.०---२१.४धाराशिव---निरंक---२०.८परभणी---३०.१---२१.८परभणी (कृषी)---२८.२---२१.७अकोला---२९.७---२३.५अमरावती---२८.२---२१.३भंडारा---३०.०---२४.०बुलडाणा---२६.८---२१.४ब्रह्मपुरी---३३.२---२५.०चंद्रपूर---३२.०---२४.८गडचिरोली---२८.६---२४.४गोंदिया---३२.४---२३.८नागपूर---३०.०---२४.२वर्धा---२७.०---२४.२वाशीम---२६.२---२१.६यवतमाळ---२६.३---२२.६विजांसह पावसाचा इशारा (येलो अलर्ट) :वर्धा, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
