Pune News : दोन्ही समुद्रात घोंघावत असलेल्या कमी दाब प्रणालींच्या प्रभावामुळे राज्यात पावसाने तडाखा दिला आहे. आज (ता. २७) कोकण, मध्य महाराष्ट्रात अनेक ठिकाणी तर मराठवाडा आणि विदर्भात काही ठिकाणी मेघगर्जना, विजांसह वादळी पावसाची शक्यता असल्याने दक्षतेचा इशारा (येलो अलर्ट) आहे. उर्वरित राज्यात ढगाळ आकाशासह उकाडा कायम राहण्याची शक्यता हवामान विभागाने वर्तविली आहे..पावसाला पोषक हवामान असल्याने कोकण, मध्य महाराष्ट्रात अनेक ठिकाणी जोरदार पावसाने तडाखा दिला आहे. मराठवाडा आणि विदर्भातही हलक्या ते मध्यम सरींनी हजेरी लावली. रविवारी (ता. २६) सकाळपर्यंतच्या २४ तासांत नाशिक जिल्ह्यातील देवळा येथे राज्यातील सर्वाधिक ११० मिलिमीटर पावसाची नोंद झाली..Rain Forecast: राज्यात वादळी पावसाचा अंदाज कायम.तर वणी, निफाड, पिंपळगाव बसवंत, कोकणातील डहाणी येथे ७० मिमीपेक्षा अधिक पावसाची नोंद होत अतिवृष्टी झाली. तर डहाणू येथे राज्यातील सर्वाधिक ३४.८ अंश सेल्सिअस तापमानाची नोंद झाली. उर्वरित राज्यात कमाल तापमानात चढ-उतार होत आहेत..आज (ता. २७) कोकणातील रत्नागिरी, सिंधुदुर्ग जिल्ह्यात जोरदार पावसाची तर उर्वरित कोकणासह मध्य महाराष्ट्रातील नंदूरबार, धुळे, नाशिक, अहिल्यानगर, पुणे, सातारा, सोलापूर, मराठवाड्यातील छत्रपती संभाजीनगर, बीड, धाराशिव, लातूर, नांदेड आणि विदर्भातील यवतमाळ, चंद्रपूर, गडचिरोली या जिल्ह्यात विजांसह वादळी पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. तर उर्वरित राज्यात ढगाळ आकाशासह, उकाडा कायम राहण्याचा अंदाज आहे..Weekly Weather: बहुतांशी जिल्ह्यांत हलक्या पावसाची शक्यता.उपसागरात आज चक्रीवादळ घोंघावणारआग्नेय अंदमान समुद्र आणि परिसरावर वादळी प्रणालीची (डीप डिप्रेशन) निर्मिती झाली असून, अंदमानातील पोर्ट ब्लेअरपासून ६२० किलोमीटर पश्चिमेकडे, चेन्नईपासून पूर्वेकडे ७८० किलोमीटर असलेल्या या प्रणालीची तीव्रता वाढत आहे. आज (ता. २७) सकाळपर्यंत बंगालच्या उपसागरात चक्रीवादळ घोंघावण्याची शक्यता आहे. .मंगळवारी (ता. २८) रात्री हे तीव्र चक्रीवादळ आंध्र प्रदेशच्या काकिनाडाजवळ किनाऱ्याला धडकण्याची शक्यता आहे. पूर्व-मध्य अरबी समुद्रात तीव्र कमी दाबाचे क्षेत्र (डिप्रेशन) कायम असून, ही प्रणाली पश्चिमेकडे सरकू लागली आहे. रविवारी (ता. २६) या प्रणालीचे केंद्र मुंबईपासून ७६० किलोमीटर नैर्ऋत्येकडे, गोव्याच्या पणजीपासून ७९० किलोमीटर पश्चिमेकडे, कर्नाटकच्या मंगलोरपासून ९७० किलोमीटर वायव्येकडे होते. या प्रणाली पासून मध्य प्रदेशपर्यंत हवेचा कमी दाबाचा पट्टा सक्रिय झाला आहे..रविवारी (ता. २६) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२९.०---२१.१अहिल्यानगर---२८.९---२१.७जळगाव---३०.५---२१.५जेऊर---३०.५---१८.५कोल्हापूर---२७.१---२२.१महाबळेश्वर---२१.७---१७.१मालेगाव---२९.४---१९.४नाशिक---३०.३---२१.०निफाड---३०.६---२०.७सांगली---२७.८---२१.४सातारा---२७.२---२०.८सोलापूर---३२.२---२३.७सांताक्रूझ---३३.५---२५.८डहाणू---३४.८---२२.५रत्नागिरी---२९.०---२४.५छत्रपती संभाजीनगर---२९.६---२२.४धाराशिव---३०.९---१९.२परभणी---३०.२---२२.६परभणी (कृषी)---३०.०---२१.५अकोला---२८.९---२२.५अमरावती---३०.०---२०.१भंडारा---२९.०---२६.०बुलडाणा---२८.०---२१.७ब्रह्मपुरी---३२.७---२४.१चंद्रपूर---३२.०---२२.६गडचिरोली---२९.६---२२.०गोंदिया---३३.२---२०.६नागपूर---२९.८---२२.०वर्धा---२९.८---२२.०वाशीम---३२.६---२१.२यवतमाळ---३१.५---२०.६विजांसह पावसाची शक्यता (येलो अलर्ट) :पालघर, ठाणे, मुंबई, रायगड, रत्नागिरी, सिंधुदुर्ग, नंदूरबार, धुळे, नाशिक, अहिल्यानगर, पुणे, सातारा, सोलापूर, छत्रपती संभाजीनगर, बीड, धाराशिव, लातूर, नांदेड, यवतमाळ, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
