Pune News : बंगालचा उपसागर आणि विदर्भात असलेल्या दोन कमी दाब प्रणालीमुळे राज्यात पावसाचा जोर वाढण्याची शक्यता आहे. आज (ता. १८) कोकण घाटमाथ्यावर मुसळधार पावसाचा अंदाज असल्याने सावधानतेचा इशारा (रेड अलर्ट) देण्यात आला आहे. उर्वरित कोकण, मराठवाडा आणि विदर्भात जोरदार पावसाच्या अंदाजासह दक्षतेचा इशारा (ऑरेंज अलर्ट), तर उर्वरित राज्यात विजांसह जोरदार पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे..मॉन्सूनचा आस असलेला कमी दाबाचा पट्टा जैसलमेर, उदयपूर, रतलाम, विदर्भातील कमी दाब क्षेत्राचे केंद्र, जगदलपूर ते पूर्व-मध्य बंगालच्या उपसागरापर्यंत सक्रिय आहे. ईशान्य अरबी समुद्रात गुजरात आणि कोकणाच्या किनारपट्टीलगत चक्राकार वाऱ्यांची स्थिती आहे. अरबी समुद्रापासून गुजरात, कोकण, उत्तर मराठवाडा, ते दोन्ही कमी दाबाच्या केंद्रांदरम्यान १.५ ते ५.८ किलोमीटर उंचीपर्यंत हवेचा पूर्व-पश्चिम कमी दाबाचा पट्टा कायम आहे..Vidarbha Heavy Rain: विदर्भात पावसामुळे हाहाकार.पावसाला पोषक हवामान झाल्याने कोकण, घाटमाथ्यासह राज्याच्या अनेक भागांत मुसळधार पाऊस झाला आहे. रविवारी (ता. १७) सकाळपर्यंतच्या २४ तासांमध्ये मुंबईतील सांताक्रूझ येथे सर्वाधिक २५० मिलिमीटर, रत्नागिरीच्या सावर्डे २३० मिमी, चिपळूण येथे २२० मिमी आणि जळगावच्या दहीगाव येथे २०० मिमी पावसाची नोंद झाली. विदर्भातील ब्रह्मपुरी येथे राज्यातील उच्चांकी ३३.६ अंश सेल्सिअस तापमानाची नोंद झाली..Heavy Rain: महाराष्ट्रात अनेक भागांत अतिवृष्टी; बळीराजा हवालदिल.आज (ता. १८) कोकण, घाटमाथ्यावर मुसळधार पावसाचा अंदाज असल्याने रायगड, रत्नागिरी, पुणे घाटमाथा, सातारा घाटमाथा, कोल्हापूर जिल्ह्याच्या घाटमाथ्यावर सावधानतेचा इशारा (रेड अलर्ट) देण्यात आला आहे. पालघर, ठाणे, मुंबई, सिंधुदुर्ग, जळगाव, छत्रपती संभाजीनगर, जालना, बीड, लातूर, अमरावती, चंद्रपूर, गडचिरोली येथे जोरदार पावसाचा अंदाज असल्याने दक्षतेचा इशारा (ऑरेंज अलर्ट), उर्वरित राज्यात विजांसह जोरदार पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे..दोन कमी दाब क्षेत्र ठरणार पोषकउत्तर आंध्र प्रदेश आणि दक्षिण ओडिशाच्या किनाऱ्यालगत नवीन कमी दाब क्षेत्राची निर्मिती झाली आहे. तीव्रता वाढून, उद्या (ता. १९) ही प्रणाली जमिनीवर येण्याची शक्यता आहे. यातच विदर्भ आणि परिसरावर आणखी एक कमी दाबाचे क्षेत्र सक्रिय असून, त्याला लागून समुद्रसपाटीपासून ५.८ किलोमीटर उंचीपर्यंत चक्राकार वारे वाहत आहेत. ही प्रणाली पश्चिमेकडे सरकून आज (ता. १८) गुजरातकडे जाण्याची शक्यता आहे. या दोन्ही प्रणाली राज्यात पाऊस वाढविण्यास पोषक ठरणार आहेत..रविवारी (ता. १७) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२६.६---२१.८अहिल्यानगर---२६.८---२१.४धुळे---३१.०---२०.०जळगाव---३०.२---२३.०जेऊर---२७.५---१९.०कोल्हापूर---२५.८---२१.९महाबळेश्वर---१९.२---१६.९मालेगाव---२८.६---२१.०नाशिक---२७.३---२१.६निफाड---२९.७---२१.५सांगली---२६.८---२२.०सातारा---२५.३---२१.४सोलापूर---२८.०---२२.६सांताक्रूझ---२६.३---२४.०डहाणू---२८.७---२३.४रत्नागिरी---२९.४---२५.६छत्रपती संभाजीनगर---२६.७---२१.३धाराशिव---२६.९---२०.८परभणी---२४.३---२२.८परभणी (कृषी)---२४.५---२१.७अकोला---२८.३---२३.९अमरावती---२८.०---२२.४भंडारा---३२.६---२२.०बुलडाणा---३२.६---२२.०ब्रह्मपुरी---३३.६---२३.५चंद्रपूर---२९.६---२४.८गडचिरोली---२९.२---२३.०गोंदिया---३३.५---२३.८नागपूर---३२.८---२४.२वर्धा---३२.०---२४.४वाशीम---२४.४---२१.८यवतमाळ---२९.६---२३.४मुसळधार पावसाचा इशारा (रेड अलर्ट) :रायगड, रत्नागिरी, पुणे घाटमाथा, सातारा घाटमाथा, कोल्हापूर घाटमाथा.जोरदार पावसाचा इशारा (ऑरेंज अलर्ट) :पालघर, ठाणे, मुंबई, सिंधुदुर्ग, जळगाव, छत्रपती संभाजीनगर, जालना, बीड, लातूर, अमरावती, चंद्रपूर, गडचिरोली.जोरदार पावसाचा इशारा (येलो अलर्ट) :नाशिक, अहिल्यानगर, पुणे, सातारा, सोलापूर, धाराशिव, परभणी, हिंगोली, नांदेड, अकोला, नागपूर, भंडारा, गोंदिया.विजांसह पावसाचा इशारा (येलो अलर्ट) :नंदुरबार, बुलडाणा, वाशीम, वर्धा, यवतमाळ..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
