Pune News : राज्याच्या काही भागात पावसाने जोर धरला आहे. आज (ता. २९) मध्य महाराष्ट्राच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) देण्यात आला आहे. कोकण, मराठवाडा आणि विदर्भात जोरदार पावसाच्या सरींची, तसेच दक्षिण महाराष्ट्र वगळता उर्वरित राज्यात तुरळक ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) कायम असल्याचे हवामान विभागाने म्हटले आहे..बंगालच्या उपसागरातील कमी दाबाचे क्षेत्र जमिनीवर आले असून, मध्य छत्तीसगडमध्ये सक्रिय आहे. त्याला लागूनच समुद्र सपाटीपासून ५.८ किलोमीटर उंचीवर चक्राकार वारे वाहत आहेत. मॉन्सूनचा आस असलेला कमी दाबाचा पट्टा गंगानगरपासून, शिवपुरी, दामोह, कमी दाबाचे केंद्र, कलिंगपट्टम ते मध्य बंगालच्या उपसागरापर्यंत सक्रिय आहे..Monsoon Rain: कोकण आणि घाटमाथ्यावर पावसाचा जोर कायम राहण्याची शक्यता.बंगालच्या उपसागरातील कमी दाब क्षेत्रामुळे मॉन्सून सक्रिय झाल्याने कोकण, मध्य महाराष्ट्र आणि मराठवाड्यात पावसाने हजेरी लावली आहे. मराठवाड्यात पावसाचा जोर अधिक होता. उर्वरित राज्यात तुरळक ठिकाणी हलक्या पावसाच्या सरी कोसळल्या. गुरुवारी (ता. २८) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ३४ अंश सेल्सिअस तापमानाची नोंद झाली..आज (ता. २९) पुणे घाटमाथा, सातारा घाटमाथा आणि कोल्हापूर जिल्ह्यांच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) देण्यात आला आहे. पालघर, ठाणे, रायगड, रत्नागिरी, सिंधुदुर्ग, नाशिक घाटमाथा, छत्रपती संभाजीनगर, अकोला, अमरावती जिल्ह्यात जोरदार पावसाची शक्यता आहे. तर दक्षिण महाराष्ट्र वगळता उर्वरित राज्यात विजांसह पावसाचा अंदाज असल्याने सतर्कतेचा इशारा (येलो अलर्ट) कायम असल्याचे हवामान विभागाने स्पष्ट केले आहे..Maharashtra Rain Forecast: घाटमाथ्यावर जोरदार पावसाचा ‘ऑरेंज अलर्ट’.गुरुवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.२---२१.८अहिल्यानगर---निरंक---२२.४धुळे---३०.८---२०.२जळगाव---२९.४---निरंकजेऊर---३०.५---१९.५कोल्हापूर---२७.६---२२.३महाबळेश्वर---१९.६---१७.६मालेगाव---२७.८---२१.२.नाशिक---२६.१---२२.०निफाड---२८.३---२१.९सांगली---२९.१---२२.६सातारा---२७.६---२२.४सोलापूर---२८.९---२३.४सांताक्रूझ---३०.७---२६.०डहाणू---२९.२---२५.२रत्नागिरी---२८.७---२३.८छत्रपती संभाजीनगर---३०.७---२२.९धाराशिव---निरंक---१९.४परभणी---२९.०---२३.०.परभणी (कृषी)---२९.१---२२.५अकोला---२८.३---२४.५अमरावती---२९.०---२२.५भंडारा---३०.०---२३.०बुलडाणा---२७.०---२३.०ब्रह्मपुरी---३४.०---२४.१चंद्रपूर---३१.६---२४.४गडचिरोली---३०.६---२४.४गोंदिया---३२.६---२४.२नागपूर---३२.४---२५.२वर्धा---३१.४---२४.५वाशीम---२७.८---२३.०यवतमाळ---३०.०---२३.०.जोरदार पावसाचा इशारा (ऑरेंज अलर्ट) :पुणे घाटमाथा, सातारा घाटमाथा, कोल्हापूर घाटमाथा.जोरदार पावसाचा इशारा (येलो अलर्ट) :पालघर, ठाणे, रायगड, रत्नागिरी, सिंधुदुर्ग, नाशिक घाटमाथा, छत्रपती संभाजीनगर, अकोला, अमरावती.विजांसह पावसाचा इशारा (येलो अलर्ट) :नंदूरबार, धुळे, जळगाव, नाशिक, अहिल्यानगर, जालना, बीड, परभणी, हिंगोली, नांदेड, बुलडाणा, वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
