IMD Weather Update: सूर्य तळपल्याने राज्यात उन्हाच्या झळा तापदायक ठरत आहेत. कमाल तापमानाचा पारा चाळिशीपार गेल्याने विदर्भ, मध्य महाराष्ट्रात उन्हाचा चटका चांगलाच वाढला आहे. आज (ता. १३) सोलापूर आणि सांगलीत उष्ण व दमट हवामानाची शक्यता असल्याने सतर्कतेचा इशारा (येलो अलर्ट) आहे. तर उर्वरित राज्यात अंशतः ढगाळ हवामानासह उन्हाचा चटका आणि उकाडा कायम राहण्याची शक्यता हवामान विभागाने वर्तविली आहे. .उत्तर मध्य प्रदेशापासून विदर्भ, मध्य महाराष्ट्र, मराठवाडा ते दक्षिण तामिळनाडूपर्यंत हवेचा कमी दाबाचा पट्टा सक्रिय आहे. रविवारी (ता. १२) सकाळी ८.३० पर्यंतच्या २४ तासांमध्ये महाराष्ट्रातील अकोला येथे देशातील उच्चांकी ४२ अंश सेल्सिअस तापमानाची नोंद झाली. तर उत्तर प्रदेशातील नजीबाबाद येथे नीचांकी १२ अंश सेल्सिअस तापमानाची नोंद झाली..राज्याच्या कमाल तापमानात वाढ झाल्याने सकाळपासूनच उन्हाचा ताप वाढत आहे. दुपारच्या वेळी घराबाहेर पडणे तापदायक ठरत असून, उकाड्यामुळे घामाच्या धारा वाहत आहेत. रविवारी (ता. १२) अकोलासह सोलापूर, जळगाव, मालेगाव आणि अमरावती येथे पारा ४१ अंशापार होता. तर धुळे, सांगली, जेऊर, वर्धा, यवतमाळ, बुलडाणा येथे तापमान चाळिशीपार पोचले होते..Weekly Weather: कमाल तापमानात वाढीसह उष्ण व कोरडे हवामान शक्य.दरम्यान, धुळे येथील कृषी महाविद्यालयात राज्यातील नीचांकी १७ अंश सेल्सिअस तापमान नोंदले गेले. आज (ता. १३) सोलापूर आणि सांगली जिल्ह्यात उष्ण व दमट हवामानाची शक्यता असल्याने सतर्कतेचा इशारा ( येलो अलर्ट) देण्यात आला आहे. तर उर्वरित राज्यात अंशतः ढगाळ हवामानासह उन्हाचा चटका वाढण्याची आणि उकाडा कायम राहण्याची शक्यता हवामान विभागाने वर्तविली आहे..रविवारी (ता. १२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३९.०---२०.३धुळे---४०.५---१७.०जळगाव---४१.०---२०.०जेऊर---४०.०---२१.०कोल्हापूर---३८.५--२३.६महाबळेश्वर---३३.७---२०.६मालेगाव---४१.०---१९.०.Maharashtra Heat Update: कमाल तापमानाचा पारा चाळिशीपार.नाशिक---३८.८---२०.६निफाड---३९.२---१८.३सांगली---४०.३---२३.७सातारा---३९.३---२१.९सोलापूर---४१.४---२६.६सांताक्रूझ---३४.६---२३.४डहाणू---३५.०---२२.२रत्नागिरी---३३.०---२४.८छत्रपती संभाजीनगर---३९.४---२३.८.धाराशिव---३९.६---२१.०परभणी---३९.४---२३.५परभणी (कृषी)---३९.०---१८.६अकोला---४२.०---२२.५अमरावती---४१.२---२०.९भंडारा---३८.०---२०.०बुलडाणा---४०.०---२४.५ब्रह्मपुरी---३९.२---२०.५.चंद्रपूर---३९.८---२४.२गडचिरोली---३९.६---२४.०गोंदिया---३८.०---१९.८नागपूर---३९.४---१८.६वर्धा---४०.५---२१.५वाशीम---३९.२---२१.०यवतमाळ---४०.२---निरंक.सरासरी तापमान (अंश से.)विभाग---किमान---कमालउत्तर महाराष्ट्र---१७.०---४१.०पश्चिम महाराष्ट्र---२०.६---४१.४मराठवाडा---१८.६--३९.६विदर्भ---१८.६---४२.०कोकण---२२.२---३५.० उष्ण व दमट हवामानाचा इशारा (येलो अलर्ट) : सांगली, सोलापूर.उन्हाचा चटका अधिक असलेली ठिकाणे : अकोला ४२, सोलापूर ४१.४, अमरावती ४१.२, जळगाव ४१, मालेगाव ४१..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
