Rain Forecast: कमाल तापमान चाळिशीपार गेल्याने राज्यात उन्हाचा चटका तापदायक ठरत आहे. अनेक भागांत उष्णतेच्या लाटेसदृश स्थिती असून, असह्य उकाडा हैराण करत आहे. मात्र आजपासून (ता. १८) पूर्वमोसमी पावसाला पोषक हवामान होत आहे. पाऊस बरसणार असल्याने उन्हाचा ताप कमी होऊन होरपळ कमी होण्याची शक्यता हवामान विभागाने वर्तविली आहे..शुक्रवारी (ता. १७) सकाळपर्यंतच्या २४ तासांमध्ये उत्तर प्रदेशातील बांदा येथे देशातील उच्चांकी ४४.४ अंश सेल्सिअस तापमानाची नोंद झाली. महाराष्ट्र आणि कर्नाटक दरम्यान केंद्राकडून बाहेरच्या दिशेने वारे वाहणारी चक्राकार वाऱ्याची स्थिती कायम असून, गुजरातसह वायव्य भारतात समुद्र सपाटीपासून १२.५ किलोमीटर उंचीवर ताशी ९० ते १०० नॉट्स वेगाने जोरदार पश्चिमी वारे वाहत आहेत. तसेच मराठवाड्यापासून ते मन्नारच्या आखातापर्यंतचा हवेचा दक्षिणोत्तर कमी दाबाचा पट्टा सक्रिय असल्याने राज्यात पूर्वमोसमी पावसाला पोषक हवामान होत आहे..Maharashtra Rain Alert: उद्यापासून वादळी पावसाचा अंदाज; राज्यातील काही भागात आज आणि उद्या उष्णतेच्या लाटेचा इशारा.सूर्य तळपल्याने विदर्भासह, मध्य महाराष्ट्र, मराठवाडा उष्णतेच्या तडाख्यात होरपळून निघत आहेत. सकाळपासून उन्हाची ताप वाढत असून, अंगाची लाही होत आहे. यातच उकाडा कायम असल्याने घामाच्या धारा वाहत आहेत. शुक्रवारी (ता. १७) अकोला आणि अमरावती येथे ४४.२ अंश तसेच वर्धा येथे ४४ अंश सेल्सिअस तापमानाची नोंद झाली. सोलापूर, मालेगाव, वाशीम, चंद्रपूर, नागपूर, यवतमाळ, गडचिरोली येथे तापमानाचा पारा ४३ अंशांपार होता. निफाड येथील गहू संशोधन केंद्रात राज्यातील नीचांकी १४.५ अंश सेल्सिअस तापमानाची नोंद झाली..आज (ता. १८) विदर्भ, मराठवाडा आणि उत्तर मध्य महाराष्ट्रात उष्ण लाटेची शक्यता असल्याने सतर्कतेचा इशारा (येलो अलर्ट) आहे. तर कोकण, मध्य महाराष्ट्र, मराठवाड्याच्या दक्षिणेकडील जिल्ह्यांत पूर्वमोसमी पावसाला वातावरण अनुकूल होत असून, सोलापूर आणि धाराशिव जिल्ह्यांत विजांसह वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..शुक्रवारी (ता. १७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३९.७---१८.७धुळे---४०.८---१६.६जळगाव---४१.५---२२.७जेऊर---४२.०---२०.०कोल्हापूर---३८.१--२२.६महाबळेश्वर---३३.१---२२.०मालेगाव---४३.३---१८.४नाशिक---३७.५---१७.२.निफाड---३९.४---१४.५सांगली---३९.५---२३.१सातारा---४१.२---२०.९सोलापूर---४३.४---२६.५सांताक्रूझ---३३.१---२३.७डहाणू---३३.१---२१.८रत्नागिरी---३२.५---२४.२छत्रपती संभाजीनगर---४१.४---२३.८धाराशिव---४१.२---२२.०.Maharashtra Heat Wave: उष्णतेच्या लाटेसह पावसाचा अंदाज; राज्यातील बहुतांशी भागांमध्ये उष्णतेच्या लाटेचा इशारा.परभणी---४२.०---२४.६परभणी (कृषी)---४१.४---१९.३अकोला---४४.२---२६.६अमरावती---४४.२---२३.४भंडारा---४२.०---२४.०बुलडाणा---४१.५---२७.०चंद्रपूर---४३.४---२६.८.गडचिरोली---४३.०---२५.२गोंदिया---४१.९---२५.१नागपूर---४३.२---२४.०वर्धा---४४.०---२५.०वाशीम---४३.६---२३.४यवतमाळ---४३.२---३०.०.सरासरी तापमान (अंश से.)विभाग---किमान---कमालउत्तर महाराष्ट्र---१४.५---४३.४पश्चिम महाराष्ट्र---१८.७---४३.४मराठवाडा---१९.३---४२.०विदर्भ---२३.४---४४.२कोकण---२१.८---३३.६.उष्णतेच्या लाटेचा इशारा (येलो अलर्ट) :जळगाव, छत्रपती संभाजीनगर, जालना, परभणी, हिंगोली, नांदेड, अकोला, अमरावती, वर्धा, यवतमाळ, नागपूर.वादळी पावसाची शक्यता (येलो अलर्ट) :धाराशिव, सोलापूर.उन्हाचा चटका अधिक असलेली ठिकाणे :अकोला ४४.२, अमरावती ४४.२, वर्धा ४४..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
