Pune News: राज्यातील ढगाळ वातावरण निवळल्यानंतर थंडीतही वाढ दिसून येत आहे. राज्यातील अनेक भागात किमान तापमानात काहीशी घट दिसून आली. पुढील २ दिवसात थंडीमध्ये आणखी वाढ होऊ शकते, असा अंदाज हवामान विभागाने दिला आहे. .मागील आठवडाभरात राज्यातील थंडी कमी झाली होती. राज्यातील काही जिल्ह्यांमध्ये ढगाळ हवामानासह पावसाला पोषक वातावरण होते. उकाडाही वाढला होता. त्यामुळे थंडी कमी झाली होती..Maharashtra Winter Weather: गारठा कमी-अधिक होण्याची शक्यता.पण कालपासून ढगाळ वातावरण निवळले आहे. यामुळे किमान तापमानातही घट दिसून येत आहे. तरीही सर्वच ठिकाणी किमान तापमान आजही १० अंशाच्या पुढे आहे. परंतु पुढील २ दिवसांमध्ये थंडीत आणखी वाढ होऊ शकते, असा अंदाज हवामान विभागाने दिला आहे. .Maharashtra Weather Update: राज्यात थंडी वाढण्याची शक्यता; राज्यातील किमान तापमानातील वाढ आजही कायम.राज्यातील थंडी वाढेल, असा अंदाज हवामान विभागाचे निवृत्त शास्त्रज्ञ माणिकराव खुळे यांनी दिला. सोमवारपर्यंत महाराष्ट्रात पुन्हा काहीशी थंडी वाढण्याची शक्यता आहे. उत्तर-पश्चिम मध्य प्रदेशावर घड्याळ काटा दिशेने वाहणाऱ्या प्रत्यावर्ती वर्तुळकार चक्रीय वारा स्थिती आहे..त्याच्या शेवटच्या परिघात, बंगालच्या उपसागरातून ताशी २५ ते २७ किलोमीटर येणाऱ्या वेगवान आर्द्रतायुक्त वाऱ्यामुळे कोकण व मध्य महाराष्ट्रात दमट वातावरण निर्माण झाले होते. वातावरणात सुधारणा होण्याच्या शक्यतेतून पुन्हा थंडी जाणवणार आहे, असाही अंदाज श्री. खुळे यांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
