Maharashtra Rain Prediction: राज्यात पावसाची दडी कायम असली तरी तुरळक ठिकाणी पावसाच्या सरी सुखावून जात आहेत. आज (ता. ४) पूर्व विदर्भातील गोंदिया, गडचिरोली आणि चंद्रपूरसह, उत्तर महाराष्ट्रातील धुळे जिल्ह्यात वादळी वारे विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. मध्य महाराष्ट्र, मराठवाड्यात विजांसह हलक्या सरींची शक्यता आहे..मॉन्सूनचा आस असलेला कमी दाबाचा पट्टा राजस्थानच्या गंगानगरपासून रोहतक, फतेहगढ, ठळक कमी दाब क्षेत्राचे केंद्र, दाल्तोंगज, दिघा ते पूर्व-मध्य बंगालच्या उपसागरापर्यंत कायम होता. अरबी समुद्रातील चक्राकार वाऱ्यांपासून दक्षिण गुजरात, मध्य प्रदेश ते कमी दाबाचे केंद्र या दरम्यान कमी दाबाचा पट्टा सक्रिय आहे..Maharashtra Rain Update : राज्यातील १४ जिल्ह्यांत पावसाचा अंदाज; विदर्भ आणि घाटमाथ्यावर जोरदार पावसाची शक्यता.गुरुवारी (ता. ३) सकाळपर्यंतच्या २४ तासांमध्ये सोलापूर येथे राज्यातील उच्चांकी ३५.४ अंश सेल्सिअस तापमानाची नोंद झाली. तर महाबळेश्वर येथे राज्यातील नीचांकी १७.४ अंश सेल्सिअस तापमान नोंदले गेले. सकाळी ८.३० वाजेपर्यंतच्या २४ तासांत कोयना पोफळी येथे प्रत्येकी ७० मिलिमीटर पावसाची नोंद झाली..Vidarbha Rain Alert: विदर्भात पावसाचा इशारा.आज (ता. ४) विदर्भ, मध्य महाराष्ट्र, मराठवाड्यात विजांसह पावसाची शक्यता आहे. धुळे, चंद्रपूर, गोंदिया, गडचिरोली या जिल्ह्यात विजांसह वादळी पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात ढगाळ हवामान, ऊन-सावल्यांच्या खेळ, तसेच तुरळक ठिकाणी हलक्या पावसाची शक्यता आहे..मध्य प्रदेशात कमी दाब क्षेत्र सक्रियमध्य प्रदेश आणि परिसरावर ठळक कमी दाबाचे क्षेत्र सक्रिय आहे. त्याला लागून समुद्र सपाटीपासून ७.६ किलोमीटर उंचीपर्यंत चक्राकार वाऱ्यांची स्थिती आहे. आज (ता. ४) ही प्रणाली दक्षिण उत्तर प्रदेश आणि उत्तर मध्य प्रदेशाकडे येण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
