Bay of Bengal Cyclone Movement: बंगालच्या उपसागरात सोमवारी (ता. २६) ‘अर्णब’ चक्रीवादळाची निर्मिती झाली आहे. आंध्र प्रदेशच्या किनाऱ्याकडे सरकत असताना हे चक्रीवादळ आणखी तीव्र होणार आहे. बुधवारी (ता. २८) दुपारनंतर हे चक्रीवादळ आंध्र प्रदेशच्या किनाऱ्याला धडकण्याची शक्यता आहे. किनाऱ्यावर धडकताना वाऱ्यांचा वेग ताशी १४० किलोमीटरपर्यंत पोहोचण्यासह मुसळधार पावसाचा इशारा देण्यात आला आहे. या चक्रीवादळामुळे पूर्व विदर्भासह महाराष्ट्रात पावसाला पोषक हवामान निर्माण होत आहे..पूर्व-मध्य बंगालच्या उपसागरात शुक्रवारी (ता. २३) कमी दाबाच्या क्षेत्राची निर्मिती झाली होती. ही प्रणाली वायव्य दिशेकडे सरकत असताना तीव्र झाली. सोमवारी (ता. २६) तिचे ‘अर्णब’ चक्रीवादळात रूपांतर झाले. या वादळी प्रणालीचे केंद्र अंदमान बेटांवरील विजयपूरमपासून ६२० किलोमीटर वायव्येकडे, ओडिशातील गोपाळपूरपासून ५८० किलोमीटर आणि आंध्र प्रदेशातील विशाखापट्टणमपासून ६१० किलोमीटर आग्नेयेकडे होते..Cyclone Threat: वेध चक्रीवादळांचा!.वायव्य दिशेकडे सरकत किनाऱ्याकडे येताना ‘अर्णब’ चक्रीवादळाची तीव्रता आणखी वाढणार आहे. बुधवारी (ता. २८) दुपारनंतर हे चक्रीवादळ बपतला आणि विशाखापट्टणमदरम्यान किनाऱ्याला धडकून जमिनीवर येण्याचा इशारा देण्यात आला आहे..Maharashtra Rain Update: अर्णब चक्रीवादळामुळे राज्यात पावसाचा इशारा; पाच दिवसांचा अंदाज काय? .या वादळामुळे आंध्र प्रदेश, ओडिशा, तेलंगणा, छत्तीसगड, झारखंड, बिहार आणि पूर्व विदर्भात हलक्या ते मुसळधार पावसाची शक्यता आहे. वादळामुळे किनाऱ्यालगत ताशी १२५ ते १४० किलोमीटर वेगाने वारे वाहणार आहेत. तसेच, १ ते १.५ मीटर उंचीच्या लाटा उसळण्याची शक्यता आहे..खबरदारी म्हणून मासेमारीसाठी खोल समुद्रात न जाण्याचा इशारा देण्यात आला आहे. या वादळामुळे जनजीवन विस्कळित होण्याची शक्यता असून, कच्च्या व पक्क्या घरांचे, रस्त्यांचे, अन्नधान्य पिकांचे आणि फळपिकांचे नुकसान होऊ शकते. तसेच, जोरदार वारे आणि पावसामुळे झाडे पडण्याची, तर समुद्र खवळल्यामुळे किनारपट्टीलगच्या सखल भागांत पाणी साचण्याची शक्यता आहे, असा इशारा भारतीय हवामान विभागाने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
