Pune News: उत्तरेकडील शीत वाऱ्यांचे प्रवाह राज्याकडे झेपावत असल्याने हुडहुडी वाढत आहे. उत्तर महाराष्ट्रात आलेली थंडीची लाट पुढील काही दिवस टिकून राहणार आहे. राज्यातही गारठा वाढणार असून, आज (ता. १५) जळगावसह राज्यात तुरळक ठिकाणी थंडीच्या लाटेचा इशारा हवामान विभागाने दिला आहे..राज्यात किमान तापमान ११ अंशांच्या खाली आल्याने थंडीचा कडाका वाढला असतानाच, कमाल तापमानातही घट होऊ लागली आहे. दुपारचे तापमान तिशीपार असलेल्या ठिकाणी उन्हाचा चटका तापदायक ठरत आहे. सकाळी हुडहुडी, तर दुपारी चटका अशी स्थिती टिकून आहे. राज्याच्या कमाल तापमानात हळूहळू घट होत असून, शुक्रवारी (ता. १४) सकाळपर्यंतच्या २४ तासांमध्ये रत्नागिरी येथे ३४.६ अंश सेल्सिअस कमाल तापमानाची नोंद झाली..Hawaman Andaj: उत्तर महाराष्ट्रात थंडीचा कडाका; सकाळी थंडी वाढली तरी दुपारी उन्हाचा चटका कायम.तर सोलापूर जिल्ह्यातील जेऊर येथे राज्यातील नीचांकी ९ अंश सेल्सिअस तापमान नोंदले गेले. निफाड येथील गहू संशोधन केंद्र आणि जळगाव येथे १० अंशापेक्षा कमी तापमानाची नोंद झाल्याने थंडीची लाट कायम होती. तर महाबळेश्वर, नाशिक, गोंदिया येथे पारा ११ अंशांच्या खाली असल्याने गारठा टिकून होता..किमान तापमानाचा पारा १० अंशाखाली घसरल्यास आणि तापमानात सरासरीपेक्षा ४.५ अंशांपेक्षा अधिक घट झाल्यास थंडीची लाट आल्याचे असे समजले जाते. राज्यात तुरळक ठिकाणी थंडीची लाट आणि हुडहुडी कायम आहे. राज्याच्या अंतर्गत भागात गारठा वाढत असला तरी कोकणात मात्र कमाल तापमान टिकून होते. आज (ता. १५) जळगावसह राज्यात तुरळक ठिकाणी थंडीची लाट कायम राहण्याचा इशारा हवामान विभागाने दिला आहे..शुक्रवारी (ता. १४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२६.२---१४.४अहिल्यानगर---२९.२---११.४धुळे---२९.४---८.९जळगाव---२९.९---९.५जेऊर---३१.५---९.०कोल्हापूर---२९.८---१७.३.Maharashtra Rain: राज्यात दक्षिण भागात पावसाचा अंदाज.महाबळेश्वर---२६.२---१०.२मालेगाव---२८.०---११.२नाशिक---२९.४---१०.९निफाड---२९.४---९.२सांगली---३१.४---१५.६सातारा---३१.१---१४.४सोलापूर---३२.९---१५.६सांताक्रूझ---३३.३---१८.४.डहाणू---३२.७---१७.६रत्नागिरी---३४.६---२०.५छत्रपती संभाजीनगर---३०.२---१३.१धाराशिव---३०.१---१४.०परभणी---३१.१---१२.५अकोला---३०.६---१३.५अमरावती---३०.०---१२.३भंडारा---२८.०---१४.०.बुलडाणा---२९.४---१३.८ब्रह्मपुरी---३२.२---१४.०चंद्रपूर---३०.८---१३.२गडचिरोली---३०.२---१३.०गोंदिया---२८.८---१०.५नागपूर---२९.५---१२.०वर्धा---२९.४---१२.८वाशीम---३०.६---११.६यवतमाळ---२९.८---निरंक.सरासरी तापमान (अंश से.)विभाग---किमान---कमालउत्तर महाराष्ट्र---९.२---२९.९पश्चिम महाराष्ट्र---९.०---३२.९मराठवाडा---११.०---३१.१विदर्भ---१०.५---३२.२कोकण---१७.६---३४.६राज्यातील थंडीची लाट असलेली ठिकाणे :जेऊर ९, निफाड ९.२, जळगाव ९.५..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
