Pune News: राज्यात ढगाळ हवामानासह पावसाने हजेरी लावल्यानंतर किमान तापमानात अचानक घट झाली आहे. विदर्भात किमान तापमानाचा पारा ७ अंशांपर्यंत घसरल्याने थंडीची लाट आली आहे. आज (ता. ७) राज्यात अंशतः ढगाळ हवामानासह किमान तापमानातील चढ-उतार कायम राहण्याची शक्यता हवामान विभागाने वर्तविली आहे..मंगळवारी (ता. ६) पश्चिम मध्य प्रदेशातील राजगढ येथे देशाच्या सपाट भूभागावरील नीचांकी २.० अंश किमान तापमानाची नोंद झाली. तर सकाळपर्यंतच्या २४ तासांमध्ये केरळमधील कोट्टायम येथे देशातील उच्चांकी ३५.० अंश सेल्सिअस तापमान नोंदले गेले. कोकणातील भिरा येथे राज्यातील उच्चांकी ३४ अंश सेल्सिअस तापमानाची नोंद झाली..Cold Wave: राज्यातील बहुतांशी भागात किमान तापमानात वाढ.गोंदिया येथे राज्यातील नीचांकी ७ अंश सेल्सिअस तापमानाची नोंद झाली. नागपूर येथे ७.६ अंश सेल्सिअस, धुळे येथील कृषी महाविद्यालयात ८ अंश सेल्सिअस, वर्धा येथे ८.४ अंश सेल्सिअस तापमानाची नोंद झाली. तर अमरावती, ब्रह्मपुरी, परभणी येथील वसंतराव नाईक मराठवाडा कृषी विद्यापीठ आणि भंडारा येथे १० अंश व त्यापेक्षा कमी तापमानाची नोंद झाली..किमान तापमानाचा पारा १० अंशांच्या खाली आल्यास, तसेच तापमानात सरासरीच्या तुलनेत ४.५ अंशांची घट झाल्यास थंडीचा लाट, तर तापमानात ६.५ अंशांपेक्षा अधिक घट झाल्यास तीव्र लाट आल्याचे समजले जाते. मंगळवारी (ता. ६) अमरावती, गोंदिया, नागपूर, वर्धा, ब्रह्मपुरी येथे थंडीची लाट आली होती. उर्वरित राज्यातदेखील पारा घसरल्याने गारठा पुन्हा वाढला..राज्यात मंगळवारी (ता. ६) गारठा वाढला होता. तुरळक ठिकाणी ढगाळ हवामान, दाट धुके आणि दव पडल्याची स्थिती कायम होती. आज (ता. ७) राज्यात अंशतः ढगाळ आकाशासह किमान तापमानातील चढ-उतार कायम राहण्याची शक्यता हवामान विभागाने वर्तविली आहे..Winter Weather: किमान तापमानातील चढ-उतार कायम राहणार.मंगळवारी (ता. ६) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२८.३---१२.९अहिल्यानगर---२८.०---११.४धुळे---२६.५---८.०जळगाव---२५.८---१०.८जेऊर---२९.५---११.०कोल्हापूर---२७.७---१६.५महाबळेश्वर---२३.९---१२.०.मालेगाव---२५.८---१२.२नाशिक---२७.३---१३.६निफाड---२८.३---१०.९सांगली---२८.६---१६.४सातारा---२९.०---१३.४सोलापूर---२९.९---१५.७सांताक्रूझ---३२.६---२०.०डहाणू---३१.८---१९.२रत्नागिरी---३२.२---१९.४.छत्रपती संभाजीनगर---२७.०---१३.८धाराशिव---२९.६---१०.४परभणी---२८.९---१३.५परभणी (कृषी)---२७.६---१०.०अकोला---२८.७---१२.५अमरावती---२९.४---९.२भंडारा---३०.०---१०.०बुलडाणा---२७.३---१५.०ब्रह्मपुरी---२७.२---९.६.चंद्रपूर---३०.०---१२.५गडचिरोली---२९.४---११.२गोंदिया---२६.०---७.०नागपूर---२६.५---७.६वर्धा---२७.५---८.४वाशीम---२९.८---११.८यवतमाळ---२८.४---१५.०.सरासरी तापमान (अंश से.)विभाग---किमान---कमालउत्तर महाराष्ट्र---८.०---२८.३पश्चिम महाराष्ट्र---११.०---२९.९मराठवाडा---१०.०---२९.६विदर्भ---१०.०---३०.६कोकण---१९.२---३४.०राज्यात थंडीचा कडाका असलेली ठिकाणे :गोंदिया ७, नागपूर ७.६, धुळे ८, वर्धा ८.४, अमरावती ९.२, ब्रह्मपुरी ९.६, परभणी (कृषी) १०, भंडारा १०..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
