Pune News: उत्तरेकडील शीत वाऱ्यांमुळे उत्तर महाराष्ट्रात थंडीची लाट कायम आहे. राज्याच्या किमान तापमानात २ ते ७ अंशांची मोठी घट झाल्याने हुडहुडी कायम आहे. आज (ता. १२) राज्यात हवामान अंदाज मुख्यतः कोरडे राहणार आहे. उत्तरेकडे थंडी कायम राहण्याची तर दक्षिणेकडे किमान तापमानात काहीशी वाढ होण्याची शक्यता हवामान विभागाने वर्तविली आहे..केरळच्या किनाऱ्यालगत अरबी समुद्रात समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती आहे. राज्यात दुपारच्या वेळी उन्हाचा चटका आणि उकाडा कायम असून, पहाटे थंडीचा कडाका जाणवत आहे. सकाळी थंडी तर दुपारी चटका आणि उकाडा अशी परस्पर विरोधी स्थिती पाहायला मिळत आहे..Hawaman Andaj : राज्यात थंडीचा कडाका कायम; खानदेश, विदर्भात किमान तापमानातील घट कायम.राज्याच्या कमाल तापमानात हळूहळू घट होत असून, मंगळवारी (ता. ११) सकाळपर्यंतच्या २४ तासांमध्ये डहाणू येथे ३२.९ अंश सेल्सिअस कमाल तापमानाची नोंद झाली. धुळे येथील कृषी महाविद्यालय येथे राज्याचे नीचांकी ८.४ अंश सेल्सिअस तापमानाची नोंद झाली. तर जळगाव, निफाड येथील गहू संशोधन केंद्रात थंडीची लाट कायम होती. तर जेऊर, नाशिक, परभणी कृषी विद्यापीठ, गोंदिया येथे लाटे सदृश स्थिती असल्याने हुडहुडी होती..किमान तापमानाचा पारा १० अंशांखाली घसरल्यास आणि तापमानात सरासरीपेक्षा ४.५ अंशांपेक्षा अधिक घट झाल्यास थंडीची लाट आल्याचे असे समजले जाते. राज्याच्या उत्तरेकडे गारठा अधिक असून, पहाटे धुक्यासह दव पडल्याचे चित्र कायम आहे. दक्षिणेकडील जिल्ह्यात मात्र किमान तापमान कमी-अधिक होत आहे. आज (ता. १२) राज्याच्या किमान तापमानात घट कायम राहण्याची शक्यता हवामान विभागाने वर्तविली आहे..Maharashtra Weather: राज्यात हुडहुडी वाढली.मंगळवारी (ता. ११) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---२९.४---१३.४अहिल्यानगर---२९.०---११.४धुळे---३०.०---८.४जळगाव---२९.८---९.२जेऊर---३१.०---१०.५कोल्हापूर---२८.७---१६.९महाबळेश्वर---२५.३---१२.५.मालेगाव---२८.६---११.२नाशिक---२९.४---१०.७निफाड---२९.०---९.६सांगली---२९.८---१५.१सातारा---३०.६---१३.५सोलापूर---३२.२---१६.४सांताक्रूझ---३२.०---१८.४डहाणू---३२.९---१७.४.रत्नागिरी---३२.०---१८.४छत्रपती संभाजीनगर---२९.४---१२.४धाराशिव---३०.८---१४.०परभणी---३०.४---१३.५परभणी (कृषी)---२९.७---१०.१अकोला---३०.६---१२.५अमरावती---३०.८---११.७.भंडारा---२८.०---१२.०बुलडाणा---२९.६---१३.७ब्रह्मपुरी---३०.८---१४.५चंद्रपूर---३०.४---१४.४गडचिरोली---२९.२---१२.६गोंदिया---२८.२---१०.५नागपूर---२९.२---१२.६वर्धा---३०.०---१२.९वाशीम---३०.४---११.८यवतमाळ---२९.०---११.४राज्यातील थंडीची लाट असलेली ठिकाणे : धुळे ८.४, जळगाव ९.२, निफाड ९.६..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
