Pune News: उत्तरेकडील थंड वाऱ्यांनी महाराष्ट्राकडे कूच केल्याने राज्यात थंडीचा कडाका वाढू लागला आहे. किमान तापमान १० अंशांच्या खाली आल्याने धुळे आणि जेऊर येथे थंडीची लाट आली आहे. तर अनेक ठिकाणी पारा १२ अंशांच्या खाली घसरल्याने गारठा वाढला आहे. आज (ता. १०) राज्यात मुख्यतः कोरड्या हवामानासह गारठा कायम राहण्याची शक्यता आहे. .पूर्व-मध्य बंगालच्या उपसागरात समुद्रसपाटीपासून ३.१ किलोमीटर उंचीवर चक्राकार वाऱ्यांची स्थिती कायम आहे. उत्तर तमिळनाडू आणि परिसरावर समुद्र सपाटीपासून ३.१ किलोमीटर उंचीवर चक्राकार वारे वाहत आहेत. केरळ, श्रीलंका तमिळनाडू ते नैॡत्य बंगालच्या उपसागरापर्यंत हवेचा कमी दाबाचा पट्टा विरून गेला आहे..Weekly Weather: तापमानात घसरण सुरू; थंडीची चाहूल.राज्यात दुपारच्या वेळी उन्हाचा चटका कायम असल्याने उकाडा घामटा काढत आहे. तर पहाटे थंडी वाढल्याने गारठा अनुभवायला मिळत आहे. परिणामी सकाळी थंडी तर दुपारी चटका आणि उकाडा अशी स्थिती आहे..रविवारी (ता. ९) सकाळपर्यंतच्या २४ तासांमध्ये सांताक्रूझ येथे ३४.५ अंश सेल्सिअस कमाल तापमानाची नोंद झाली. धुळे येथील कृषी महाविद्यालय येथे राज्याचे हंगामातील नीचांकी ८.६ अंश सेल्सिअस तापमानाची नोंद झाली. तर जेऊर येथे १० अंश तापमानाचा नोंद झाली. या दोन्ही ठिकाणी थंडीची लाट आहे. याशिवाय जळगाव, परभणी येथील वसंतराव नाईक मराठवाडा कृषी विद्यापीठ, निफाड येथील गहु संशोधन केंद्रात पारा ११ अंश व त्यापेक्षा खाली आला आहे..Maharashtra Weather: राज्यात गारठा वाढतोय.गोंदिया, धाराशिव आणि भंडारा येथे किमान तापमानाचा पारा १२ अंशांच्या खाली घसरला आहे. किमान तापमानाचा पारा १० अंशांखाली घसरल्यास आणि तापमानात सरासरीपेक्षा ४.५ अंशांपेक्षा अधिक घट झाल्यास थंडीची लाट आली असे समजले जाते. कोरडे हवामान, स्वच्छ आकाश यामुळे पहाटेच्या वेळी किमान तापमानात वेगाने घट होत आहे. राज्यात गारठा वाढत असून, पहाटे धुक्यासह दव पडल्याचे चित्र कायम आहे. आज (ता. १०) राज्याच्या कमाल व किमान तापमानातील चढ - उतार कायम राहण्याची शक्यता हवामान विभागाने वर्तविली आहे..रविवारी (ता. ९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये)ठिकाणे तापमान कमाल तापमान किमानपुणे ३१.९ १४.३अहिल्यानगर २८.९ १२.५धुळे ३०.५ ८.६जळगाव ३१.० १०.५जेऊर ३१.० १०.०कोल्हापूर ३०.१ १८.७महाबळेश्वर २६.१ १२.८मालेगाव २८.८ १४.०.नाशिक ३१.२ १२.५निफाड ३०.९ ११.०सांगली ३१.६ १६.९सातारा ३०.४ १४.५सोलापूर ३२.६ १५.६सांताक्रूझ ३४.५ १९.६डहाणू ३१.९ १७.६रत्नागिरी ३३.७ २०.६.छत्रपती संभाजीनगर ३१.२ १२.८धाराशिव २९.८ ११.८परभणी ३१.५ १३.६परभणी (कृषी) ३२.० १०.६अकोला ३२.० १४.३अमरावती ३२.० १२.५भंडारा ३०.० १२.०बुलडाणा २९.३ १३.८.ब्रह्मपुरी २९.३ १३.८चंद्रपूर ३१.८ १६.८गडचिरोली ३०.६ १४.२गोंदिया २९.२ ११.२नागपूर ३०.४ १४.४वर्धा निरंक १४.८वाशीम ३०.२ १२.६यवतमाळ ३१.० १३.०राज्यातील गारठा वाढलेली ठिकाणेधुळे ८.६, जेऊर १०, जळगाव १०.५, परभणी (कृषी) १०.६, निफाड ११, गोंदिया ११.२, धाराशिव ११.८, भंडारा १२..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
