Pune News: राज्यात थंडी वाढली आहे. उत्तरेकडील थंड वाऱ्यांचे प्रवाह राज्यात आल्यामुळे थंडीचा कडाका वाढला. धुळे, निफाड, जळगाव, जेऊर आणि परभणी येथे तापमानाचा पारा १० अंशाच्या खाली गेल्याने थंडीची लाट आली आहे. .राज्यातील बहुतांशी भागात मागील ३ दिवसांमध्ये किमान तापमानात मोठी घट झाली आहे. धुळे येथे राज्यातील सर्वात कमी ८.२ अंश सेल्सिअस तापमानाची नोंद झाली होती. तर रत्नागिरी येथे सर्वाधिक ३३.५ अंश तापमान नोंदले गेले. राज्यातील धुळे, निफाड, जळगाव, जेऊर आणि परभणी येथे तापमान १० अंशाच्या खाली आले होते. .Maharashtra Cold Weather: धुळे, जेऊरमध्ये थंडीची लाट.जेऊर येथे ९ अंश सेल्सिअस, निफाड आणि जळगाव येथे ९.५ अंश सेल्सिअस आणि परभणी येथे १० अंश सेल्सिअस तापमानाची नोंद झाली होती. राज्यातील सर्वच भागात किमान तापमानात २ ते ४ अंशांपर्यंत तापमान कमी झाले आहे. .Weekly Weather: तापमानात घसरण सुरू; थंडीची चाहूल.राज्यात सकाळी चांगलीच थंडी जाणवत आहे. उत्तर महाराष्ट्रात थंडीचे प्रमाण अधिक आहे. सकाळी गारठा वाढला तरी दुपारी मात्र बहुतांशी भागात उन्हाचा चटका कायम आहे. बहुतांशी भागात दुपारचे कमाल तापमान ३० अंशाच्या दरम्यान आहे. काही ठिकाणी यापेक्षाही अधिक तापमान आहे. राज्यातील किमान तापमानातील घट कायम राहू शकते, असा अंदाज हवामान विभागाने दिला आहे. .पूर्व-मध्य बंगालच्या उपसागरात समुद्रसपाटीपासून ३.१ किलोमीटर उंचीवर चक्राकार वाऱ्यांची स्थिती आहे. तर उत्तर तमिळनाडू आणि परिसरावर समुद्र सपाटीपासून ३.१ किलोमीटर उंचीवर चक्राकार वारे वाहत आहेत. केरळ, श्रीलंका तमिळनाडू ते नैऋत्य बंगालच्या उपसागरापर्यंत हवेचा कमी दाबाचा पट्टा विरून गेला आहे. दक्षिण भारतातील काही भागात जोरदार पाऊस हजेरी लावत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
