Pune News: उत्तरेकडील थंड वाऱ्याचे प्रवाह सुरूच असल्याने राज्यात पारा ७ अंशांच्या खाली घसरला आहे. धुळे येथे हंगामातील नीचांकी ६.१ अंश सेल्सिअस तापमानाची नोंद झाली. आज (ता. २०) राज्यातील थंडीची लाट काहीशी ओसरणार असली तरी राज्यात हुडहुडी कायम राहण्याचा अंदाज हवामान विभागाने वर्तविला आहे..थंडीच्या कडाक्याने अनेक ठिकाणी किमान तापमानाचा पारा १० अंशांखाली घसरला आहे. मध्य महाराष्ट्र, मराठवाडा आणि विदर्भाच्या किमान तापमानात सरासरीच्या तुलनेत ३ ते ९ अंशांची मोठी घट नोंदवली गेली आहे. पहाटे जाणवणारी हुडहुडी दुपारी कमी होत असली तरी, सायंकाळ होताच थंडीचा पुन्हा कडाका वाढत आहे. कमाल तापमानात चढ-उतार सुरूच असून, निवडक ठिकाणी पारा अद्यापही तिशीपार आहे. बुधवारी (ता. १९) सकाळपर्यंतच्या २४ तासांमध्ये कोकणातील भिरा येथे ३५ अंश सेल्सिअस कमाल तापमानाची नोंद झाली..खानदेशात थंडी अधिक असून, धुळे येथील कृषी महाविद्यालयात राज्याचे यंदाच्या हंगामातील नीचांकी ६.१ अंश तापमान नोंदले गेले. धुळ्यासह जेऊर, परभणी येथील वसंतराव नाईक मराठवाडा कृषी विद्यापीठ, निफाड येथील गहू संशोधन केंद्रात प्रत्येकी ७ अंश सेल्सिअस तापमानाची नोंद झाल्याने तीव्र लाट आली आहे. पुणे, अहिल्यानगर, जळगाव, मालेगाव, नाशिक येथे पारा १० अंशांच्या खाली असल्याने थंडीची लाट होती..Hawaman Andaj: धुळ्यात निचांकी तापमानाची नोंद; राज्यात किमान तापमानात घट झाल्याने थंडीचा कडाका कायम.किमान तापमानाचा पारा १० अंशाखाली घसरल्यास आणि तापमानात सरासरीच्या तुलनेत ४.५ अंशांपेक्षा अधिक घट झाल्यास थंडीची लाट, तसेच ६.५ अंशांपेक्षा अधिक घट झाल्यास तीव्र लाट आल्याचे समजले जाते. आज (ता. २०) राज्यातील थंडीची लाट काहीशी ओसरणार असली तरी, हुडहुडी कायम राहण्याची शक्यता हवामान विभागाने वर्तविली आहे..पावसाला होतेय पोषक हवामानदक्षिण भारतात सध्या ईशान्य मॉन्सून सक्रिय असल्याने पावसाच्या सरी कोसळत आहेत. लक्षद्वीप बेटे आणि मालदीव परिसरावर कमी दाबाचे क्षेत्र सक्रिय असून, ही प्रणाली वायव्येकडे सरकत आहे. यातच आग्नेय बंगालच्या उपसागरात शनिवारपर्यंत (ता. २२) कमी दाब क्षेत्राची निर्मिती होणार असून, किनारपट्टीकडे येताना ही प्रणाली तीव्र होणार आहे. या प्रणालींमुळे दक्षिण भारतात पावसाचा जोर वाढणार आहे. त्याचा प्रभाव वाढल्याने दक्षिण मध्य महाराष्ट्रात पावसाला पोषक हवामान होण्याची शक्यता आहे..बुधवारी (ता. १९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२७.९---९.५अहिल्यानगर---२७.१---८.५धुळे---२८.०---६.१जळगाव---२८.४---८.१जेऊर---३०.०---७.०कोल्हापूर---२९.१---१६.२.Maharashtra Weather: राज्यात थंडीची तीव्र लाट.महाबळेश्वर---२५.८---१२.५मालेगाव---२६.०---९.४नाशिक---२६.९---९.७निफाड---२७.८---७.०सांगली---३०.३---१४.१सातारा---२९.९---११.०सोलापूर---३१.४---१५.३सांताक्रूझ---३२.१---१६.२.डहाणू---३२.९---१६.६रत्नागिरी---३३.६---१९.१छत्रपती संभाजीनगर---२७.७---१०.५धाराशिव---२८.४---१३.०परभणी---२८.३---११.२परभणी (कृषी)---२७.४---७.०अकोला---२८.६---१२.४अमरावती---३०.०---११.५भंडारा---२८.०---१०.०.बुलडाणा---२७.८---१२.८ब्रह्मपुरी---३१.०---१४.०चंद्रपूर---२९.२---१३.८गडचिरोली---२८.४---१२.०गोंदिया---२७.८---१०.४नागपूर---२८.०---११.४वर्धा---२८.६---१२.४वाशीम---२८.४---१०.६यवतमाळ---२९.०---१०.४.सरासरी तापमान (अंश से.)विभाग---किमान---कमालउत्तर महाराष्ट्र---६.१---२८.४पश्चिम महाराष्ट्र---७.०---३१.४मराठवाडा---७.०---२८.६विदर्भ---१०.०---३१.०कोकण---१६.२---३५.०राज्यातील थंडीची तीव्र लाट असलेली ठिकाणे :धुळे ६.१, निफाड ७, जेऊर ७, परभणी (कृषी) ७..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
