Maharashtra Rain: राज्यातील शेतकऱ्यांच्या नजरा लागून असलेल्या नैर्ऋत्य मोसमी वाऱ्यांचे (मॉन्सून) महाराष्ट्रात आगमन झाले आहे. शनिवारी (ता. ६) मॉन्सूनने तळ कोकणातील सिंधुदुर्ग जिल्ह्याच्या देवगडपर्यंत धाव घेतली आहे. कोल्हापूरच्या दक्षिण भागात देखील मजल मारल्याचे हवामान विभागाने जाहीर केले..यंदा मॉन्सूनने १६ मे रोजी अंदमानातून हंगामाची सुरुवात केली. त्यानंतर केरळमध्ये वेळेआधी दाखल होण्याची शक्यता असताना, मॉन्सूनचे आगमन दीर्घकालीन वेळेपेक्षा तीन दिवस लांबले. गुरुवारी (ता.४) मॉन्सून देवभूमी केरळमध्ये डेरे दाखल झाला..Monsoon Rain: माॅन्सून येताच पावसाला पोषक वातावरण ; पुढील ५ दिवस पावसाचा अंदाज.मॉन्सूनच्या प्रवाहाची गती वाढल्याने दुसऱ्याच दिवशी कर्नाटक किनारपट्टीसह गोव्यापर्यंतचा टप्पा गाठला. शनिवारी (ता. ६) ‘मॉन्सून एक्स्प्रेस’ महाराष्ट्रात दाखल झाली. केरळमध्ये उशिराने येणाऱ्या मॉन्सूनचे महाराष्ट्रातील आगमन यंदा एक दिवस अधीच झाले आहे. गतवर्षी मॉन्सून विक्रमी वेगाने २५ मे रोजी महाराष्ट्रात पोहोचला होता..शनिवारी (ता. ६) मॉन्सूनने कर्नाटकच्या आणखी काही भागासह, संपूर्ण गोवा आणि तळ कोकण आणि लगतच्या दक्षिण मध्य महाराष्ट्रापर्यंत मजल मारली आहे. आंध्र प्रदेशातही चाल करणाऱ्या मॉन्सूनने तमिळनाडूचा बहुतांश भाग व्यापला आहे. पूर्वोत्तर भारतातही मॉन्सूनने प्रगती केली असून, मिझोराम, मणिपूर राज्यांत मॉन्सूनने दाखल झाल्याचे हवामान विभागाने स्पष्ट केले आहे..Maharashtra Monsoon Update: मॉन्सून महाराष्ट्राच्या उंबरठ्यावर पोहोचला.रविवारी (ता. ६) देवगड, कोप्पल, अनंतपूरम, चेन्नई तसेच ईशान्य भारतातील ऐझवलपर्यंत मॉन्सून पोहोचला आहे. पुढील वाटचालीस पोषक हवामान असल्याने मध्य अरबी समुद्र, महाराष्ट्र, कर्नाटक आणि आंध्र प्रदेशचा आणखी काही भागासह, तेलंगणा, संपूर्ण तमिळनाडू आणि ईशान्य भारताताच्या आणखी काही भागांत मॉन्सून दाखल होण्याची शक्यता हवामान विभागाने वर्तविली आहे..मॉन्सूनचे महाराष्ट्रातील आगमनवर्ष आगमन२०१८ ८ जून२०१९ २० जून२०२० ११ जून२०२१ ५ जून२०२२ १० जून२०२३ ११ जून२०२४ ६ जून२०२५ २५ मे२०२६ ६ जून.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
