Maharashtra Winter Weather: महाराष्ट्रावर आज (ता.८) हवेचे दाब १०१४ हेप्टापास्कल इतके राहतील. त्यानुसार कमाल व किमान तापमानात वाढ होऊन थंडीचे प्रमाण मध्यम स्वरूपात राहील. मात्र सोमवार आणि मंगळवारी (ता. ९, १०) महाराष्ट्रावर हवेचे दाब १००२ हेप्टापास्कल इतके कमी राहतील. त्या वेळी कमाल व किमान तापमानात आणखी वाढ होण्याची शक्यता राहील. बुधवारपासून ते शनिवार (ता.११ ते १४) या ४ दिवसांच्या काळात हवेच्या दाबात पुन्हा वाढ होईल. हवेचे दाब १०१४ हेप्टापास्कलपर्यंत वाढतील. त्या वेळी थंडीचे प्रमाणात वाढ होऊन थंडीचे प्रमाण मध्यम स्वरूपात चांगले राहील. हे हवामान रब्बी ज्वारी, गहू, हरभरा, मोहरी या पिकांसाठी पोषक राहील. .तसेच जेथे आंबा पिकास अद्याप मोहर आला नसेल तेथे ही मोहर निघेल. पश्चिम महाराष्ट्रातील सर्वच जिल्ह्यांत आकाश अंशतः ढगाळ राहील. कोकणातील सिंधुदुर्ग, रत्नागिरी व ठाणे जिल्ह्यांतील काही भागात आकाश अंशतः ढगाळ राहील. मराठवाड्यातील धाराशिव, लातूर, नांदेड, बीड व परभणी जिल्ह्यांतही आकाश अल्पशा प्रमाणात ढगाळ राहील. त्याचा परिणाम प्रखर सूर्यप्रकाशावर होईल. त्यामुळे गव्हासह भाजीपाला पिकांवर मावा किडीचा प्रादुर्भाव वाढण्याची शक्यता निर्माण होईल. कांदा पिकावरही फुलकिड्यांचा प्रादुर्भाव वाढणे शक्य आहे..वाऱ्याचा ताशी वेग सर्वसाधारणच राहील. वाऱ्याची दिशा बहुतांशी बहुतांशी जिल्ह्यात ईशान्येकडून राहील. त्यामुळे पश्चिमी चक्रावाताचा प्रभाव महाराष्ट्रात या आठवड्यात फारसा जाणवणार नाही. बहुतांशी भागात मोठे हवामान बदल जाणवणार नाहीत. हिंदी महासागराच्या पाण्याचे पृष्ठभागाचे तापमान ३१ अंश सेल्सिअसपर्यंत वाढणे शक्य असल्याने बाष्पीभवनाचा वेग वाढेल. त्यातूनच ढग निर्मिती होऊन काही काळ आकाश ढगाळ राहील. प्रशांत महासागराच्या पाण्याच्या पृष्ठभागाचे तापमान २० अंश सेल्सिअसपर्यंत राहण्यामुळे अद्यापही ‘ला-निना’च्या प्रभावामुळे तेथे हवेचे दाब अधिक राहतील. हिंदी महासागरावरील वारे तिकडे जाऊ शकत नाहीत. त्यामुळे सर्व वारे भारताच्या दिशेने वाहतील. परिणामी, हवामान अंशतः ढगाळ राहून थंडी प्रभावित होईल..Maharashtra Weather Update : उन्हाच्या चटक्यासह उकाडा वाढला; तापमानात चढ-उतार.कोकणकमाल तापमान रायगड जिल्ह्यात ३२ अंश सेल्सिअस, तर ठाणे आणि रत्नागिरी जिल्ह्यांत ३३ अंश सेल्सिअस राहील. पालघर जिल्ह्यात कमाल तापमान ३४ अंश सेल्सिअस तर सिंधुदुर्ग जिल्ह्यात ३५ अंश सेल्सिअस राहील. किमान तापमान सिंधुदुर्ग जिल्ह्यात १९ अंश सेल्सिअस राहील. मात्र रायगड, ठाणे व पालघर जिल्ह्यांत किमान तापमान २० अंश सेल्सिअसपर्यंत वाढेल. सिंधुदुर्ग, रत्नागिरी व ठाणे जिल्ह्यांत आकाश अंशतः ढगाळ राहील. सकाळची सापेक्ष आर्द्रता पालघर जिल्ह्यात ५७ टक्के, तर सिंधुदुर्ग व रत्नागिरी जिल्ह्यांत ६४ टक्के आणि रायगड व ठाणे जिल्ह्यांत ७२ टक्के राहील. सिंधुदुर्ग व पालघर जिल्ह्यांत दुपारची सापेक्ष आर्द्रता १९ टक्के इतकी कमी राहील. रत्नागिरी व ठाणे जिल्ह्यांत दुपारची सापेक्ष आर्द्रता ४२ टक्के आणि रायगड जिल्ह्यात ६४ टक्के राहील. ठाणे व पालघर जिल्ह्यांत वाऱ्याचा ताशी वेग ४ ते ५ कि.मी. तर रायगड जिल्ह्यात ताशी ६ कि.मी. तर सिंधुदुर्ग व रत्नागिरी जिल्ह्यांत ताशी ७ कि.मी. राहील. वाऱ्याची दिशा ईशान्येकडून राहील..उत्तर महाराष्ट्रकमाल तापमान नाशिक जिल्ह्यात ३२ अंश सेल्सिअस तर धुळे, नंदुरबार व जळगाव जिल्ह्यांत ३३ अंश सेल्सिअस राहील. किमान तापमान नाशिक जिल्ह्यात १८ अंश सेल्सिअस तर नंदुरबार जिल्ह्यात १९ अंश सेल्सिअस राहील. धुळे व जळगाव जिल्ह्यांत किमान तापमान २० अंश सेल्सिअस राहील. सर्वच जिल्ह्यात आकाश निरभ्र राहील. धुळे व जळगाव जिल्ह्यांत सकाळची सापेक्ष आर्द्रता ४५ ते ४६ टक्के तर नाशिक व नंदुरबार जिल्ह्यांत ४८ टक्के राहील. दुपारची सापेक्ष नाशिक व जळगाव जिल्ह्यांत १८ टक्के, तर धुळे व नंदुरबार जिल्ह्यांत १९ टक्के इतकी कमी राहील. दुपारी हवामान कोरडे राहील. वाऱ्याचा ताशी वेग नाशिक व धुळे जिल्ह्यांत ३ ते ४ कि.मी., तर नंदुरबार व जळगाव जिल्ह्यांत ताशी ५ ते ६ कि.मी. राहील. सर्वच जिल्ह्यांत दिशा ईशान्येकडून राहील..मराठवाडाधाराशिव, लातूर, बीड, हिंगोली, जालना व छत्रपती संभाजीनगर जिल्ह्यांत कमाल तापमान ३२ अंश सेल्सिअस राहील. मात्र नांदेड व परभणी जिल्ह्यांत कमाल तापमान ३३ अंश सेल्सिअस राहील. हिंगोली व छत्रपती संभाजीनगर जिल्ह्यांत किमान तापमान १८ अंश सेल्सिअस तर लातूर, नांदेड, बीड, परभणी व जालना जिल्ह्यांत १९ अंश सेल्सिअस राहील. धाराशीव जिल्ह्यात किमान तापमान २० अंश सेल्सिअस राहील. धाराशिव, लातूर, नांदेड, बीड, परभणी या जिल्ह्यांत आकाश अंशतः ढगाळ तर हिंगोली, जालना व छत्रपती संभाजीनगर जिल्ह्यांत आकाश आकाश निरभ्र राहील. सकाळची सापेक्ष आर्द्रता धाराशिव जिल्ह्यात ३९ टक्के तर लातूर जिल्ह्यात ती ४१ टक्के राहील. बीड, परभणी जिल्ह्यांत सकाळची सापेक्ष आर्द्रता ४३ ते ४४ टक्के आणि जालना जिल्ह्यात ४५ टक्के राहील. मात्र नांदेड, छत्रपती संभाजीनगर आणि हिंगोली जिल्ह्यांत सकाळची सापेक्ष आर्द्रता ४७ ते ४९ टक्के राहील. दुपारची सापेक्ष आर्द्रता बीड जिल्ह्यात १६ टक्के तर धाराशिव, लातूर, नांदेड, परभणी, जालना व छत्रपती संभाजीनगर जिल्ह्यांत १७ ते १८ टक्के इतकी कमी राहील. दुपारी हवामान कोरडे राहील. वाऱ्याचा ताशी वेग नांदेड जिल्ह्यात ५ कि.मी. बीड व छत्रपती संभाजीनगर जिल्ह्यांत ६ कि.मी., लातूर व परभणी जिल्ह्यांत ताशी ७ कि.मी., हिंगोली व जालना जिल्ह्यांत ताशी ८ कि. मी. आणि धाराशीव जिल्ह्यात ताशी १२ कि.मी. राहील. धाराशिव, लातूर व छत्रपती संभाजीनगर जिल्ह्यांत वाऱ्याची दिशा आग्नेयेकडून राहील. उर्वरित सर्वच जिल्ह्यांत वाऱ्याची दिशा ईशान्येकडून राहील..Maharashtra Weather: पहाटे गारठा तर दुपारी उकाडा.पश्चिम विदर्भबुलडाणा, वाशीम व अमरावती जिल्ह्यांत कमाल तापमान ३२ अंश सेल्सिअस, तर अकोला जिल्ह्यात ३३ अंश सेल्सिअस राहील. किमान तापमान बुलडाणा, वाशीम व अमरावती जिल्ह्यांत १९ अंश सेल्सिअस तर अकोला जिल्ह्यात २० अंश सेल्सिअस राहील. सर्वच जिल्ह्यांत आकाश निरभ्र राहील. अकोला, वाशीम व अमरावती जिल्ह्यात सकाळची सापेक्ष आर्द्रता ४५ टक्के, तर बुलडाणा जिल्ह्यात ४८ टक्के राहील. दुपारची सापेक्ष आर्द्रता सर्वच जिल्ह्यांत १८ टक्के राहील. हवामान कोरडे राहील. वाऱ्याचा ताशी वेग बुलडाणा व अमरावती जिल्ह्यांत ताशी ७ कि.मी. तर अकोला व वाशीम जिल्ह्यांत ताशी १० कि.मी. राहील. वाऱ्याची दिशा ईशान्येकडून राहील..मध्य विदर्भकमाल तापमान यवतमाळ जिल्ह्यात ३१ अंश सेल्सिअस, तर वर्धा व नागपूर जिल्ह्यांत ३२ अंश सेल्सिअस राहील. किमान तापमान सर्वच जिल्ह्यात १८ अंश सेल्सिअस राहील. सर्वच जिल्ह्यात आकाश निरभ्र राहील. सकाळची सापेक्ष आर्द्रता वर्धा व नागपूर जिल्ह्यांत ४३ ते ४४ टक्के, तर यवतमाळ जिल्ह्यात ५२ टक्के राहील. दुपारची सापेक्ष आर्द्रता वर्धा व नागपूर जिल्ह्यांत १८ ते १९ टक्के आणि यवतमाळ जिल्ह्यात २४ टक्के राहील. वाऱ्याचा ताशी वेग नागपूर जिल्ह्यात ताशी ७ कि.मी. तर यवतमाळ व वर्धा जिल्ह्यांत १० कि. मी. राहील. वाऱ्याची दिशा ईशान्येकडून राहील..पूर्व विदर्भभंडारा आणि गोंदिया जिल्ह्यांत कमाल तापमान ३२ अंश सेल्सिअस तर चंद्रपूर व गडचिरोली जिल्ह्यात ३३ अंश सेल्सिअस राहील. किमान तापमान गोंदिया जिल्ह्यात १६ अंश सेल्सिअस तसेच गडचिरोली व भंडारा जिल्ह्यांत १७ अंश सेल्सिअस आणि चंद्रपूर जिल्ह्यात १८ अंश सेल्सिअस राहील. सर्वच जिल्ह्यात आकाश निरभ्र राहील सकाळची सापेक्ष आर्द्रता भंडारा जिल्ह्यात ४३ टक्के, तर गोंदिया जिल्ह्यात ४४ टक्के राहील. मात्र चंद्रपूर व गडचिरोली जिल्ह्यांत सकाळची सापेक्ष आर्द्रता ४५ टक्के राहील. दुपारची सापेक्ष आर्द्रता गडचिरोली जिल्ह्यात १६ टक्के तर गोंदिया व चंद्रपूर जिल्ह्यांत १७ टक्के आणि भंडारा जिल्ह्यात १८ टक्के राहील. गडचिरोली व गोंदिया जिल्ह्यांत वाऱ्याचा ताशी वेग ५ ते ६ कि.मी. तर चंद्रपूर व भंडारा जिल्ह्यात ताशी ७ कि.मी. राहील. सर्वच जिल्ह्यात वाऱ्याची दिशा ईशान्येकडून राहील..पश्चिम महाराष्ट्रकमाल तापमान कोल्हापूर, सांगली, सातारा, पुणे व अहिल्यानगर जिल्ह्यांत ३२ अंश सेल्सिअस, तर सोलापूर जिल्ह्यात ३३ अंश सेल्सिअस राहील. किमान तापमान सांगली, सातारा व पुणे जिल्ह्यांत १७ अंश सेल्सिअस, तर अहिल्यानगर जिल्ह्यात १८अंश सेल्सिअस राहील. कोल्हापूर जिल्ह्यात किमान तापमान १९ अंश सेल्सिअस आणि सोलापूर जिल्ह्यात २० अंश सेल्सिअस राहील. सर्वच जिल्ह्यात आकाश अंशतः ढगाळ राहील. सोलापूर, पुणे व अहिल्यानगर जिल्ह्यांत सकाळची सापेक्ष आर्द्रता ४१ ते ४८ टक्के, तर कोल्हापूर व सांगली जिल्ह्यांत ५२ टक्के आणि सातारा जिल्ह्यात ६३ टक्के राहील. दुपारची सापेक्ष आर्द्रता सोलापूर, पुणे व अहिल्यानगर जिल्ह्यांत १६ टक्के तर सातारा जिल्ह्यात २७ टक्के राहील. दुपारची सापेक्ष आर्द्रता सांगली व कोल्हापूर जिल्ह्यांत ३० ते ३२ टक्के राहील. वाऱ्याचा ताशी वेग पुणे व अहिल्यानगर जिल्ह्यांत ४ कि.मी., कोल्हापूर व सातारा जिल्ह्यांत ६ कि.मी. आणि सांगली व सोलापूर जिल्ह्यांत ताशी १० ते २ कि.मी. राहील. सर्वच जिल्ह्यात वाऱ्याची दिशा ईशान्येकडून राहील..कृषी सल्लाहळदीची पाने वाळल्यानंतर हळद काढणीस सुरुवात करावी.आंबा मोहराची काळजी घ्यावी. नव्याने लागवड केलेल्या आंबा कलमांच्या खोडाची साल उन्हामुळे तडकू नये यासाठी कलमांच्या बुंध्याला बोर्डो पेस्ट लावावी.रब्बी ज्वारीस संरक्षित सिंचन करावे.फळभाजी पिकांमध्ये फुलकिडे नियंत्रणासाठी निळे चिकट सापळे आणि तुडतुडे, मावा व पांढरी माशी नियंत्रणासाठी पिवळे चिकट सापळे लावावेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
