Maharashtra Winter Weather: आजपासून मंगळवारपर्यंत (ता. ७ ते ९) महाराष्ट्राच्या उत्तरेकडील भागावर १०१४ ते १०१६ हेप्टापास्कल इतका अधिक हवेचा दाब राहील. तर मध्य व दक्षिण महाराष्ट्रावर १०१२ हेप्टापास्कल इतका अधिक हवेचा दाब राहील. जेव्हा किमान व कमाल तापमानात घट होते, तेव्हा हवेचे दाब वाढतात. या तीन दिवसांत महाराष्ट्राच्या उत्तरेकडील भागात थंडीचा कडाका अधिक जाणवेल..बुधवारपासून शनिवार (ता.१० ते १३)पर्यंत हवेच्या दाबात फरक होईल. महाराष्ट्राच्या उत्तरेकडील भागात थंडीचे प्रमाण थोडे कमी होईल. त्याचप्रमाणे मध्य व दक्षिण महाराष्ट्रातही थंडीचे प्रमाण कमी होईल. ज्या वेळी वाऱ्याची दिशा बदलते तेव्हा हा फरक होतो. उत्तरेकडून आणि ईशान्य दिशेने येणारे वारे अतिथंड असतात..तर पूर्वेकडून व आग्नेयेकडून येणारे वारे अतिथंड नसतात. त्यामुळे त्याचा थंडीचे प्रमाणावर परिणाम होत असल्याचे दिसून येते. डिसेंबर १५ ते जानेवारी १५ या एक महिन्याचे काळात थंडीचे प्राबल्य सर्वत्र दिसून येते. त्या वेळी सूर्य दक्षिण गोलार्धात असतो आणि सूर्यकिरणे सरळ न येता तिरपे येतात. त्यामुळे उष्णता कमी मिळते. त्याशिवाय दिवसाचा कालावधी कमी व रात्रीचा कालावधी अधिक असतो. त्यामुळे रात्री व पहाटे थंडीचे प्रमाण अधिक असते..बंगालच्या उपसागराच्या पाण्याचे पृष्ठभागाचे तापमान २८ अंश सेल्सिअस आणि अरबी समुद्र व हिंदी महासागराच्या पाण्याच्या पृष्ठभागाचे तापमान २९ अंश सेल्सिअसपर्यंत घसरल्याने मोठे हवामान बदल अथवा चक्रीवादळे जाणवणार नाहीत, अशी स्थिती येत आहे. शिवाय विषुववृत्तीय भागात प्रशांत महासागराच्या पाण्याचे पृष्ठभागाचे तापमान २५ अंश सेल्सिअसपर्यंत वाढले असल्याने ‘ला-निना’चा प्रभाव कमी झाला आहे. यापुढील काळात हवामानात स्थिरता येऊन थंडीचे प्रमाण अधिक राहील..Cold Wave: विदर्भात थंडीची लाट; राज्यातील काही भागात थंडी वाढण्याचा इशारा .कोकणकमाल तापमान पालघर जिल्ह्यात ३१ अंश सेल्सिअस, तर सिंधुदुर्ग, रायगड व ठाणे जिल्ह्यांत ३३ अंश सेल्सिअस राहील. रत्नागिरी जिल्ह्यात ते ३४ अंश सेल्सिअस राहील. किमान तापमान रायगड जिल्ह्यात १९ अंश सेल्सिअस, तर पालघर सिंधुदुर्ग व रत्नागिरी जिल्ह्यांत २१ अंश सेल्सिअस आणि ठाणे जिल्ह्यात २२ अंश सेल्सिअस राहील. पालघर जिल्ह्यात आकाश निरभ्र राहील. मात्र ठाणे, रायगड, रत्नागिरी व सिंधुदुर्ग जिल्ह्यांत आकाश अंशतः ढगाळ राहील..सकाळची सापेक्ष आर्द्रता सिंधुदुर्ग ठाणे व पालघर जिल्ह्यांत ५५ ते ५८ टक्के राहील. मात्र रत्नागिरी व रायगड जिल्ह्यांत सकाळची सापेक्ष आर्द्रता ६१ ते ६६ टक्के राहील. दुपारची सापेक्ष आर्द्रता ठाणे व सिंधुदुर्ग जिल्ह्यांत ३५ टक्के इतकी कमी राहील. मात्र रायगड व पालघर जिल्ह्यांत दुपारची सापेक्ष आर्द्रता ४५ टक्के आणि रत्नागिरी जिल्ह्यात ६० टक्के राहील. वाऱ्याचा ताशी वेग रत्नागिरी व ठाणे जिल्ह्यांत ९ कि.मी. राहील. मात्र रायगड व सिंधुदुर्ग जिल्ह्यात वाऱ्याचा वेग ताशी १० ते ११ कि.मी. आणि पालघर जिल्ह्यात ताशी १४ कि.मी. राहील. वाऱ्याची दिशा ईशान्येकडून राहील..उत्तर महाराष्ट्रकमाल तापमान नाशिक जिल्ह्यात २७ अंश सेल्सिअस, धुळे व जळगाव जिल्ह्यांत २८ अंश सेल्सिअस, तर नंदुरबार व जळगाव जिल्ह्यांत २९ अंश सेल्सिअस राहील. किमान तापमान जळगाव जिल्ह्यात १४ अंश सेल्सिअस, नाशिक जिल्ह्यात १५ अंश सेल्सिअस, तर धुळे व नंदुरबार जिल्ह्यांत १६ अंश सेल्सिअस राहील..सर्वच जिल्ह्यात आकाश निरभ्र राहील. सर्वच जिल्ह्यात सकाळची सापेक्ष आर्द्रता ६० ते ६४ टक्के, तर दुपारची सापेक्ष आर्द्रता ३२ ते ३४ टक्के इतकी कमी राहील. त्यामुळे दुपारी हवामान कोरडे राहील. वाऱ्याचा ताशी वेग जळगाव जिल्ह्यात ताशी ६ कि.मी. राहील. मात्र नाशिक व धुळे जिल्ह्यांत ताशी ८ कि.मी. आणि नंदुरबार जिल्ह्यात १० कि.मी. राहील. वाऱ्याची दिशा आग्नेयेकडून राहील..मराठवाडालातूर, बीड, जालना व छत्रपती संभाजीनगर जिल्ह्यांत कमाल तापमान २७ अंश सेल्सिअस राहील. मात्र नांदेड, परभणी, हिंगोली या जिल्ह्यांत कमाल तापमान २८ अंश सेल्सिअस राहील. कमाल तापमान धाराशिव जिल्ह्यात २९ अंश सेल्सिअस राहील. या पुढील काळात तापमानात घट होईल. किमान तापमान परभणी व जालना जिल्ह्यांत १३ अंश सेल्सिअस राहील. मात्र लातूर, नांदेड, बीड, हिंगोली व छत्रपती संभाजीनगर जिल्ह्यांत किमान तापमान १४ अंश सेल्सिअस आणि धाराशिव जिल्ह्यात १७ अंश सेल्सिअस राहील..सर्वच जिल्ह्यात आकाश अंशतः ढगाळ राहील. धाराशिव, हिंगोली व छत्रपती संभाजीनगर या जिल्ह्यांत सकाळची सापेक्ष आर्द्रता ५३ ते ५७ टक्के राहील. मात्र लातूर, नांदेड, बीड, परभणी व जालना जिल्ह्यांत सकाळची सापेक्ष आर्द्रता ६० ते ६४ टक्के राहील. दुपारची सापेक्ष आर्द्रता छत्रपती संभाजीनगर जिल्ह्यात २८ टक्के, तर धाराशिव, लातूर, नांदेड, बीड, परभणी, हिंगोली व जालना जिल्ह्यांत ३१ ते ३९ टक्के इतकी कमी राहील..दुपारी हवामान थंड व कोरडे राहील. परभणी, छत्रपती संभाजीनगर व जालना जिल्ह्यांत वाऱ्याचा ताशी वेग ६ ते ९ कि.मी. राहील. नांदेड, बीड, हिंगोली जिल्ह्यात वाऱ्याचा वेग ताशी १० कि.मी., तर लातूर व धाराशिव जिल्ह्यांत ताशी १३ ते १४ कि.मी. राहील. मराठवाड्यातील सर्वच जिल्ह्यात वाऱ्याची दिशा ईशान्येकडून राहील..पश्चिम विदर्भकमाल तापमान बुलडाणा व वाशीम जिल्ह्यांत २७ अंश सेल्सिअस, तर अकोला व अमरावती जिल्ह्यांत २८ अंश सेल्सिअस राहील. अकोला, वाशीम व अमरावती जिल्ह्यांत किमान तापमान १४ अंश सेल्सिअस, तर बुलडाणा जिल्ह्यात १६ अंश सेल्सिअस राहील. सर्वच जिल्ह्यात आकाश अंशतः ढगाळ राहील. बुलडाणा, वाशीम व अमरावती जिल्ह्यांत सकाळची सापेक्ष आर्द्रता ५५ ते ५८ टक्के, तर अकोला जिल्ह्यात ६६ टक्के राहील. दुपारची सापेक्ष आर्द्रता सर्वच जिल्ह्यांत ३१ ते ३५ टक्के राहील. वाऱ्याचा ताशी वेग अकोला व अमरावती जिल्ह्यांत ५ ते ६ कि.मी., तर बुलडाणा व वाशीम जिल्ह्यांत ताशी ८ ते १० कि.मी. राहील. वाऱ्याची दिशा सर्वच जिल्ह्यात आग्नेयेकडून राहील..Winter Weather Update: कमाल तापमानात घट शक्य.मध्य विदर्भकमाल तापमान यवतमाळ जिल्ह्यात २७ अंश सेल्सिअस, तर वर्धा जिल्ह्यात २८ अंश सेल्सिअस आणि नागपूर जिल्ह्यात २९ अंश सेल्सिअस राहील. किमान तापमान सर्वच जिल्ह्यात १४ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता वर्धा व नागपूर जिल्ह्यांत ५१ ते ५६ टक्के, तर यवतमाळ जिल्ह्यात ६१ टक्के राहील. सर्वच जिल्ह्यात दुपारची सापेक्ष आर्द्रता ३३ टक्के इतकी कमी राहील. त्यामुळे हवामान थंड व कोरडे राहील. वाऱ्याचा ताशी वेग सर्वच जिल्ह्यांत १० कि.मी. राहील. वाऱ्याची दिशा आग्नेयेकडून राहील..पूर्व विदर्भचंद्रपूर जिल्ह्यात कमाल तापमान २७ अंश सेल्सिअस राहील, तर भंडारा व गोंदिया जिल्ह्यांत ते २८ अंश सेल्सिअस आणि गडचिरोली जिल्ह्यात ते ३० अंश सेल्सिअस राहील. गोंदिया जिल्ह्यात किमान तापमान १२ अंश सेल्सिअस राहील. चंद्रपूर व गडचिरोली जिल्ह्यांत ते १३ अंश सेल्सिअस राहील तर भंडारा जिल्ह्यात ते १४ अंश सेल्सिअस राहील. सर्वच जिल्ह्यात आकाश अंशतः ढगाळ राहील..सर्वच जिल्ह्यात सकाळची सापेक्ष आर्द्रता ६० ते ६५ टक्के राहील. दुपारची सापेक्ष आर्द्रता गडचिरोली, भंडारा व गोंदिया जिल्ह्यात ३६ ते ३८ टक्के राहील आणि चंद्रपूर जिल्ह्यात ती ४० टक्के राहील. दुपारची हवामान थंड व कोरडे राहील. गोंदिया जिल्ह्यात वाऱ्याचा ताशी वेग ६ कि.मी. राहील, तर गडचिरोली जिल्ह्यात तो ताशी ८ कि.मी. राहील. चंद्रपूर व भंडारा जिल्ह्यात वाऱ्याचा ताशी वेग १० कि.मी. राहील. चंद्रपूर व गडचिरोली जिल्ह्यात वाऱ्याची दिशा उत्तरेकडून राहील. भंडारा जिल्ह्यात ती ईशान्येकडून व गोंदिया जिल्ह्यात वायव्येकडून राहील..पश्चिम महाराष्ट्रकमाल तापमान अहिल्यानगर जिल्ह्यात २७ अंश सेल्सिअस, तर पुणे, सातारा, सांगली कोल्हापूर जिल्ह्यांत ३० अंश सेल्सिअस राहील. सोलापूर जिल्ह्यात कमाल तापमान ३१ अंश सेल्सिअस राहील. सातारा व अहिल्यानगर जिल्ह्यांत किमान तापमान १४ अंश सेल्सिअस, तर पुणे जिल्ह्यात १३ अंश सेल्सिअस राहील. मात्र किमान तापमान सांगली जिल्ह्यात १५ अंश सेल्सिअस, सोलापूर जिल्ह्यात १७ अंश सेल्सिअस आणि कोल्हापूर जिल्ह्यात १८ अंश सेल्सिअस राहील..सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता सोलापूर व अहिल्यानगर जिल्ह्यांत ५८ टक्के, तर कोल्हापूर, सांगली व पुणे जिल्ह्यांत ६६ टक्के राहील. सातारा जिल्ह्यात सकाळची सापेक्ष आर्द्रता ८४ टक्के राहील. सोलापूर व अहिल्यानगर जिल्ह्यांत दुपारची सापेक्ष आर्द्रता ३५ टक्के, सांगली व सातारा जिल्ह्यांत ती ४५ टक्के राहील. वाऱ्याचा ताशी वेग सर्वच जिल्ह्यात ताशी ८ ते १० कि.मी. राहील. वाऱ्याची दिशा ईशान्येकडून राहील..कृषी सल्लाकोकण विभागात भुईमुगाची व मोहरीची पेरणी करून घ्यावी.तुरीवरील शेंगा पोखरणाऱ्या अळीचा वेळीच बंदोबस्त करावा.गहू व हरभरा पिकात वाढीच्या अवस्थेनुसार सिंचनाचे नियोजन करावे. गहू पिकास दर २१ दिवसांनी आणि हरभरा पिकास पीक फुलोऱ्यावर येताच व घाटे भरताना पाणी द्यावे.करडई पिकावरील मावा किडीचा वेळीच बंदोबस्त करावा.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
