Climate Update: महाराष्ट्रावर आज (ता.२८) हवेचा दाब १०१४ हेप्टापास्कल इतका अधिक राहील. म्हणजेच कमाल व किमान तापमानात झालेली घसरण कायम राहील. सध्याचे थंडीचे प्रमाणही या दिवशी अधिक जाणवेल. मात्र उद्या (ता.२९) उत्तर महाराष्ट्राच्या भागावर १०१२ हेप्टापास्कल आणि उर्वरित महाराष्ट्रावर १०१४ हेप्टापास्कल इतके हवेचे दाब होताच उत्तर महाराष्ट्रात थंडीचे प्रमाण व तीव्रता कमी होईल. तर उर्वरित महाराष्ट्रात थंडीचे प्रमाण चांगले राहील. मंगळवारपासून शनिवार (ता.३० डिसेंबर ते ३ जानेवारी) पर्यंत महाराष्ट्रावरील हवेचे दाब १०१२ हेप्टापास्कल इतके कमी होताच कमाल व किमान तापमानात वाढ होऊन थंडीची तीव्रता व प्रमाण कमी होईल..उत्तर गोलार्धात २१ डिसेंबर रोजी दिवसाचा कालावधी सर्वांत कमी व रात्रीचा कालावधी सर्वांत अधिक असतो. त्यामुळे त्यावेळी धुळे, जळगाव, नाशिक व अहिल्यानगर जिल्ह्यांत तापमान ६ अंश सेल्सिअसपर्यंत घसरले होते. मात्र २१ डिसेंबरनंतर सूर्याचे उत्तरायण सुरू झाले आहे. त्यानुसार दिवसाचा सूर्यप्रकाशाचा कालावधी वाढत जाऊन रात्रीचा कालावधी कमी होईल. त्यामुळे थंडीचे प्रमाणही हळूवारपणे कमी होत जाईल. मात्र वाऱ्याची दिशा उत्तरेकडून आणि ईशान्येकडून राहण्यामुळे जानेवारी २०२६ अखेरपर्यंत थंडीचे प्रमाण चांगले राहील..गुरुवारी (ता.१ जानेवारी २०२६) हिंदी महासागरात श्रीलंकेच्या पूर्वेस हवेच्या कमी दाबाचे क्षेत्र निर्माण होऊन पुढे त्याचे रूपांतर चक्रिय वादळात होईल. मात्र हे चक्रिय वादळ बंगालच्या उपसागराहून बांगलादेशच्या दिशेने जाईल. त्याचा फार मोठा परिणाम महाराष्ट्रावर होणार नाही. हिंदी महासागर, बंगालचा उपसागर व अरबी समुद्राच्या पाण्याच्या पृष्ठभागाचे तापमान २९ अंश सेल्सिअस इतके समान राहील. त्यामुळे मोठे हवामान बदल जाणवणार नाहीत. प्रशांत महासागराचे पाण्याच्या पृष्ठभागाचे तापमानानुसार ‘ला-निना’ प्रभावी राहणार नाही. हवामानात स्थिरता जाणवेल..Weather Update: तापमानात काहीसे चढ उतार; राज्यातील बहुतांशी भागात थंडी कायम राहणार.कोकणकमाल तापमान रायगड जिल्ह्यात ३० अंश सेल्सिअस, तर ठाणे जिल्ह्यात ३१ अंश सेल्सिअस राहील. मात्र सिंधुदुर्ग, रत्नागिरी व पालघर जिल्ह्यांत कमाल तापमान ३२ अंश सेल्सिअस राहील. किमान तापमान रत्नागिरी व पालघर जिल्ह्यांत १८ अंश सेल्सिअस, तर सिंधुदुर्ग जिल्ह्यात १९ अंश सेल्सिअस, रायगड जिल्ह्यात २० अंश सेल्सिअस राहील. तर ठाणे जिल्ह्यात किमान तापमान २१ अंश सेल्सिअस राहील. कोकणातील सर्वच जिल्ह्यांत या आठवड्यात आकाश निरभ्र राहील. सकाळची सापेक्ष आर्द्रता पालघर जिल्ह्यात ४६ टक्के, तर सिंधुदुर्ग जिल्ह्यात ५३ टक्के राहील. तसेच रत्नागिरी व रायगड जिल्ह्यांत सकाळची सापेक्ष आर्द्रता ६१ टक्के, तर ठाणे जिल्ह्यात ६५ टक्के राहील. दुपारची सापेक्ष आर्द्रता पालघर व सिंधुदुर्ग जिल्ह्यांत ४० टक्के आणि ठाणे जिल्ह्यात ४५ टक्के राहील. मात्र रायगड व रत्नागिरी जिल्ह्यांत ती ५४ ते ५७ टक्के राहील. वाऱ्याचा ताशी वेग ठाणे जिल्ह्यात ताशी ५ कि.मी., तर सिंधुदुर्ग व रत्नागिरी जिल्ह्यांत ताशी ६ कि.मी., तर रायगड व पालघर जिल्ह्यांत ताशी ७ ते ८ कि.मी. राहील. सर्वच जिल्ह्यांत वाऱ्याची दिशा उत्तरेकडून, ईशान्येकडून व वायव्येकडून राहील..उत्तर महाराष्ट्रकमाल तापमान नाशिक जिल्ह्यात २७ अंश सेल्सिअस, तर धुळे, नंदुरबार व जळगाव जिल्ह्यांत २८ अंश सेल्सिअस राहील. नाशिक व जळगाव जिल्ह्यांत किमान तापमान १४ अंश सेल्सिअस, तर धुळे व नंदुरबार जिल्ह्यांत १६ अंश सेल्सिअस राहील. सर्वच जिल्ह्यात आकाश निरभ्र राहील. मात्र सोमवारी (ता.२९) हवामान ढगाळ राहणे शक्य आहे. सकाळची सापेक्ष आर्द्रता नंदुरबार जिल्ह्यात ५३ टक्के, तर जळगाव धुळे व नाशिक जिल्ह्यांत ६१ टक्के राहील. सर्वच जिल्ह्यात दुपारची सापेक्ष आर्द्रता २५ टक्के इतकी कमी राहील. वाऱ्याचा ताशी वेग सर्वच जिल्ह्यांत १० कि.मी. राहील. वाऱ्याची दिशा ईशान्येकडून राहील..Maharashtra Cold Wave: थंडी कायम राहण्याचा अंदाज.मराठवाडाछत्रपती संभाजीनगर जिल्ह्यात कमाल तापमान २६ अंश सेल्सिअस, तर लातूर, नांदेड, बीड, परभणी, हिंगोली व जालना जिल्ह्यांत २७ अंश सेल्सिअस राहील. मात्र धाराशिव जिल्ह्यात कमाल तापमान २८ अंश सेल्सिअस राहील. किमान तापमान जालना जिल्ह्यात १३ अंश सेल्सिअस, तर छत्रपती संभाजीनगर, हिंगोली, परभणी, बीड, नांदेड, लातूर या जिल्ह्यांत १४ अंश सेल्सिअस राहील. धाराशिव जिल्ह्यात किमान तापमान १६ अंश सेल्सिअस राहील. धाराशिव व छत्रपती संभाजीनगर जिल्ह्यांत सकाळची सापेक्ष आर्द्रता ५४ टक्के, तर हिंगोली व जालना जिल्ह्यांत ६० ते ६१ टक्के राहील. .सकाळची सापेक्ष आर्द्रता लातूर जिल्ह्यात ६२ टक्के, तर नांदेड, बीड व परभणी जिल्ह्यांत ६५ ते ६९ टक्के राहील. धाराशिव व हिंगोली जिल्ह्यांत दुपारची सापेक्ष आर्द्रता २४ ते २५ टक्के राहील. तर परभणी आणि छत्रपती संभाजीनगर जिल्ह्यात दुपारची सापेक्ष आर्द्रता २६ ते २७ टक्के राहील. मात्र लातूर व बीड जिल्ह्यात ती २८ टक्के राहील. परभणी, हिंगोली, जालना, लातूर व छत्रपती संभाजीनगर जिल्ह्यांत वाऱ्याचा ताशी वेग १० ते ११ कि.मी., तर नांदेड, बीड व धाराशिव जिल्ह्यात ताशी १३ ते १४ कि.मी. राहील. वाऱ्याची दिशा सर्वच जिल्ह्यांत ईशान्येकडून राहील..पश्चिम विदर्भकमाल तापमान बुलडाणा, अकोला, वाशीम व अमरावती जिल्ह्यांत २७ अंश सेल्सिअस राहील. तर अकोला व अमरावती जिल्ह्यांत किमान तापमान १३ अंश सेल्सिअस आणि वाशीम जिल्ह्यात १४ अंश सेल्सिअस आणि बुलडाणा जिल्ह्यात १५ अंश सेल्सिअस राहील. सर्वच जिल्ह्यांत आकाश निरभ्र राहील. बुलडाणा व अकोला जिल्ह्यांत सकाळची सापेक्ष आर्द्रता ५३ ते ५९ टक्के, तर वाशीम व अमरावती जिल्ह्यांत ६० ते ६३ टक्के राहील. दुपारची सापेक्ष आर्द्रता सर्वच जिल्ह्यांत २२ ते २७ टक्के इतकी कमी राहील. त्यामुळे हवामान कोरडे राहील. वाऱ्याचा ताशी वेग अकोला व अमरावती जिल्ह्यांत ताशी ५ कि.मी., तर वाशीम व बुलडाणा जिल्ह्यांत ताशी ११ कि.मी. राहील. सर्वच जिल्ह्यात वाऱ्याची दिशा ईशान्येकडून राहील..मध्य विदर्भयवतमाळ, वर्धा व नागपूर जिल्ह्यांत कमाल तापमान २७ अंश सेल्सिअस राहील. किमान तापमान वर्धा व नागपूर जिल्ह्यांत १३ अंश सेल्सिअस, तर यवतमाळ जिल्ह्यात १४ अंश सेल्सिअस राहील. सर्वच जिल्ह्यांत आकाश निरभ्र राहील. किमान तापमान यवतमाळ व वर्धा जिल्ह्यांत ६१ ते ६३ टक्के, तर नागपूर जिल्ह्यात ६५ टक्के राहील. दुपारची सापेक्ष आर्द्रता सर्वच जिल्ह्यांत २३ ते २७ टक्के इतकी कमी राहील. वाऱ्याचा ताशी वेग वर्धा जिल्ह्यात ताशी ६ कि.मी., तर यवतमाळ व नागपूर जिल्ह्यांत ताशी १० ते ११ कि.मी. राहील. वाऱ्याची दिशा पूर्व, आग्नेय व ईशान्येकडून राहील..पूर्व विदर्भचंद्रपूर, भंडारा व गोंदिया जिल्ह्यांत कमाल तापमान २७ अंश सेल्सिअस, तर गडचिरोली जिल्ह्यात २९ अंश सेल्सिअस राहील. किमान तापमान गोंदिया जिल्ह्यात ११ अंश सेल्सिअस, तर भंडारा जिल्ह्यात १२ अंश सेल्सिअस राहील. चंद्रपूर व गडचिरोली जिल्ह्यात किमान तापमान १३ अंश सेल्सिअस राहील. सर्वच जिल्ह्यांत आकाश निरभ्र राहील. चंद्रपूर व गडचिरोली जिल्ह्यांत सकाळची सापेक्ष आर्द्रता ६६ ते ६७ टक्के, तर भंडारा आणि गोंदिया जिल्ह्यात ६८ ते ७० टक्के राहील. दुपारची सापेक्ष आर्द्रता गडचिरोली जिल्ह्यात २३ टक्के, तर चंद्रपूर व भंडारा जिल्ह्यांत ती २७ टक्के राहील. गोंदिया जिल्ह्यात दुपारची सापेक्ष आर्द्रता २८ टक्के राहील. चंद्रपूर व गडचिरोली जिल्ह्यांत वाऱ्याचा ताशी वेग ८ कि.मी. राहील. तर भंडारा आणि गोंदिया जिल्ह्यात ताशी १० कि.मी. राहील. चंद्रपूर व गोंदिया जिल्ह्यांत वाऱ्याची दिशा उत्तरेकडून, तर गडचिरोली जिल्ह्यात वायव्येकडून व भंडारा जिल्ह्यात ईशान्येकडून राहील..पश्चिम महाराष्ट्रकमाल तापमान अहिल्यानगर जिल्ह्यात २७ अंश सेल्सिअस, तर सोलापूर जिल्ह्यात २८ अंश सेल्सिअस राहील. कोल्हापूर, सातारा व पुणे जिल्ह्यांत कमाल तापमान २९ अंश सेल्सिअस, तर सांगली जिल्ह्यात ३० अंश सेल्सिअस राहील. किमान तापमान पुणे जिल्ह्यात १० अंश सेल्सिअस, तर सातारा व अहिल्यानगर जिल्ह्यांत १३ ते १४ अंश सेल्सिअस, सांगली जिल्ह्यात १५ अंश सेल्सिअस राहील. सोलापूर आणि कोल्हापूर जिल्ह्यात किमान तापमान १७ अंश सेल्सिअस राहील. सर्वच जिल्ह्यांत आकाश निरभ्र राहील. सकाळची सापेक्ष आर्द्रता सोलापूर व अहिल्यानगर जिल्ह्यांत ५५ ते ६५ टक्के, कोल्हापूर जिल्ह्यात ७३ टक्के राहील. मात्र सातारा व पुणे जिल्ह्यांत सकाळची सापेक्ष आर्द्रता ८८ टक्के आणि सांगली जिल्ह्यात ९२ टक्के राहील. कोल्हापूर, सांगली, सातारा, सोलापूर व अहिल्यानगर जिल्ह्यांत दुपारची सापेक्ष आर्द्रता ४० ते ४७ टक्के, तर पुणे जिल्ह्यात ६५ टक्के राहील. कोल्हापूर, सांगली, सातारा, पुणे व अहिल्यानगर जिल्ह्यांत वाऱ्याचा ताशी वेग ८ ते १० कि.मी. राहील. सोलापूर जिल्ह्यात वाऱ्याचा ताशी वेग १३ कि.मी. राहील. सर्वच जिल्ह्यांत वाऱ्याची दिशा आग्नेय व पूर्वेकडून राहील..कृषी सल्लाआंबा कलमांस जेथे मोहोर आला असेल तेथे तुडतुडे किडीपासून मोहराचे संरक्षण करावे.उन्हाळी भुईमुगाची पेरणी जानेवारी महिन्यात करण्यासाठी जमिनीची पूर्वमशागत करावी.गव्हाच्या पिकास वाढीच्या अवस्थेनुसार दर २१ दिवसांनी पाणी द्यावे.हरभरा व रब्बी ज्वारी पिकास संरक्षित पाणी द्यावे.(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
