Pune News: माघारीस पोषक हवामान झाल्याने दोन दिवसांत मॉन्सूनच्या पश्चिम राजस्थानातून परतीच्या प्रवासाला सुरुवात होण्याची शक्यता आहे. राज्यात पावसाचा जोर वाढू लागला आहे. आज (ता. १४) रायगड जिल्ह्यात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर उर्वरित विजांसह जोरदार वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..बंगालच्या उपसागरात ओडिशा आणि आंध्र प्रदेशच्या किनाऱ्यालगत असलेल्या चक्राकार वाऱ्यांमुळे या भागात कमी दाब क्षेत्र सक्रिय आहे. ही प्रणाली उद्यापर्यंत (ता. १५) जमिनीवर येण्याची शक्यता आहे. मॉन्सूनचा आस असलेला कमी दाबाचा पट्टा गंगानगरपासून, रोहतक, सोहनी, राजनंदगाव, कमी दाबाचे केंद्रापर्यंत सक्रिय आहे. उपसागरातील कमी दाब क्षेत्रापासून दक्षिण मध्य महाराष्ट्रापर्यंत हवेचा कमी दाबाचा पट्टा सक्रिय आहे. वायव्य अरबी समुद्रात समुद्रसपाटीपासून ५.८ किलोमीटर उंचीवर चक्राकार वारे वाहत आहेत..Monsoon Rain Alert: राज्यात २ दिवस मुसळधारेची शक्यता; विदर्भ, मराठवाड्यात ३ दिवस जोरदार पावसाचा अंदाज.राज्यात पावसाला सुरुवात झाली असून, कमाल तापमानात चढ-उतार होत आहेत. अनेक ठिकाणी पारा तिशीपार असून, शनिवारी (ता.१३) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ३३.४ अंश सेल्सिअस तापमानाची नोंद झाली. राज्यात तुरळक ठिकाणी हलक्या ते मध्यम पावसाने हजेरी लावली. विदर्भ, मराठवाड्यात पावसाचा जोर अधिक होता. परभणी जिल्ह्यातील पूर्णा येथे १६० मिलिमीटर आणि पालम येथे ११० मिलिमीटर पावसाची नोंद झाली..राज्यात वादळी पावसाला पोषक हवामान तयार होत असून, आज (ता. १३) रायगड जिल्ह्यात दक्षतेचा इशारा (ऑरेंज अलर्ट) आहे. मुंबई, ठाणे, रत्नागिरी, पुणे घाटमाथा, सातारा घाटमाथा, कोल्हापूर घाटमाथा, सोलापूर, धाराशिव, लातूर, अकोला, अमरावती, नागपूर, भंडारा जिल्ह्यात जोरदार पावसाची, तर उर्वरित राज्यात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..Monsoon Rain: राज्यात पावसाचा जोर वाढणार; रविवारी आणि सोमवारी राज्यभरात पावसाचा अंदाज.शनिवारी (ता. १३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२८.४---२१.४अहिल्यानगर---२९.०---२२.५धुळे---३२.०---१९.०जळगाव---३०.४---२२.२जेऊर---३०.०---१९.५कोल्हापूर---३०.०---२२.५.महाबळेश्वर---२१.७---१७.०मालेगाव---२८.६---२०.०नाशिक---२८.१---२१.१निफाड---२९.२---२०.७सांगली---२८.७---२२.७सातारा---२८.६---२१.७सोलापूर---२९.४---२२.९सांताक्रूझ---२९.५---२४.८डहाणू---३१.६---२४.६.रत्नागिरी---३१.०---२५.१छत्रपती संभाजीनगर---२९.२---२२.७धाराशिव---२८.२---१९.०परभणी---२९.९---२२.४परभणी (कृषी)---२९.५---२१.९अकोला---३०.५---२३.६अमरावती---२९.४---२२.१भंडारा---३१.०---२२.०बुलडाणा---२८.६---२१.८.ब्रह्मपुरी---३३.४---२३.५चंद्रपूर---३१.२---२३.२गडचिरोली---२९.०---२४.०गोंदिया---३१.४---२३.६नागपूर---३१.४---२३.६वर्धा---३१.२---२३.०वाशीम---२८.६---२१.२यवतमाळ---३१.६---२१.५.जोरदार पावसाचा इशारा (ऑरेंज अलर्ट) :रायगड.जोरदार वादळी पावसाचा इशारा (येलो अलर्ट) :मुंबई, ठाणे, रत्नागिरी, पुणे घाटमाथा, सातारा घाटमाथा, कोल्हापूर घाटमाथा, सोलापूर, धाराशिव, लातूर, अकोला, अमरावती, नागपूर, भंडारा.विजांसह वादळी पावसाचा इशारा (येलो अलर्ट) :नाशिक, अहिल्यानगर, जळगाव, पुणे, सातारा, कोल्हापूर, छत्रपती संभाजीनगर, जालना, बीड, परभणी, हिंगोली, नांदेड, बुलडाणा, वाशीम, यवतमाळ, चंद्रपूर, गडचिरोली, गोंदिया..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
