Pune News: अरबी समुद्रातील ‘शक्ती’ तीव्र चक्रीवादळ पश्चिमेकडे सरकत आहे. तर ओडिशातील ठळक कमी दाबाचे क्षेत्र बिहारकडे जाण्याची शक्यता आहे. ओडिशातील कमी दाब क्षेत्रामुळे पोषक हवामान झाल्याने आज (ता. ५) विदर्भ, मराठवाड्यात विजांसह पावसाची शक्यता आहे. पूर्व विदर्भात विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..राज्यात पावसाचा जोर कमी झाल्यानंतर तुरळक ठिकाणी हलक्या सरी पडत आहेत. राज्यात ढगाळ आकाशासह ऊन- सावल्यांचा खेळ सुरू आहे. पावसाची उघडीप असलेल्या भागात उन्हाचा चटका वाढला आहे. कमाल तापमानात वाढ झाल्याने पारा तिशीपार असून, शनिवारी (ता. ४) सकाळपर्यंतच्या २४ तासांमध्ये अमरावती येथे राज्यातील उच्चांकी ३४.२ अंश सेल्सिअस तापमानाची नोंद झाली..आज (ता. ५) विदर्भातील गोंदिया, चंद्रपूर, गडचिरोली जिल्ह्यांत तुरळक ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. छत्रपती संभाजीनगर, जालना, बीड, परभणी, हिंगोली, धाराशिव, लातूर, नांदेड जिल्ह्यांत विजांसह पावसाचा अंदाज असून, उर्वरित राज्यात मुख्यतः उघडिपीसह तुरळक ठिकाणी हलक्या सरींची शक्यता आहे..Rain Update : पुढील पाच दिवस पावसाचा जोर कमीच राहणार.मॉन्सून परतीची वाटचाल थांबलेलीचनैर्ऋत्य मोसमी वाऱ्यांनी (मॉन्सून) २६ सप्टेंबर रोजी संपूर्ण राजस्थान, जम्मू- काश्मीर, लडाख, हिमाचल प्रदेश, उत्तराखंडमधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागांतून मॉन्सून परतला. त्यानंतर आठवडाभरापासून परतीचा प्रवास थांबल्याने वेरावल, भरूच, उज्जैन, झांसी, शहाजहानपूरपर्यंतची मॉन्सूनच्या माघारीची सीमा शनिवारी (ता. ४) कायम होती..शनिवारी (ता. ४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३२.२---२१.८अहिल्यानगर---३०.१---२१.४धुळे---३२.०---१८.०जळगाव---३४.०---२२.२जेऊर---३२.५---१९.५कोल्हापूर---२९.२---२०.९.Cyclone Shakti: अरबी समुद्रात घोंघावतेय ‘शक्ती’ चक्रीवादळ.महाबळेश्वर---२१.१---१६.५मालेगाव---३१.६---२०.८नाशिक---३०.६---२०.८निफाड---३२.३---२०.७सांगली---३०.३---२०.५सातारा---२८.७---२०.०सोलापूर---३२.१---२३.४सांताक्रूझ---३१.३---२४.३.डहाणू---३२.४---२३.६रत्नागिरी---३०.४---२४.३छत्रपती संभाजीनगर---३२.२---२२.४धाराशिव---२९.६---२०.४परभणी---३२.५---२२.६अकोला---३३.८---२४.४अमरावती---३४.२---२१.७.भंडारा---३१.०---२४.०बुलडाणा---३१.०---२१.५ब्रह्मपुरी---३१.९---२४.०चंद्रपूर---३३.०---२५.०गडचिरोली---२९.०---२३.०गोंदिया---३०.८---२४.०.नागपूर---३३.४---२४.८वर्धा---३३.०---२४.०वाशीम---३२.२---२०.८यवतमाळ---३२.०---२४.०विजांसह पावसाचा इशारा (येलो अलर्ट) :गोंदिया, चंद्रपूर, गडचिरोली.विजांसह पावसाची शक्यता :छत्रपती संभाजीनगर, जालना, बीड, परभणी, हिंगोली, धाराशिव, लातूर, नांदेड..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
