India Cyclone Update: बंगालच्या उपसागरातील ‘अक्वान’ चक्रीवादळाची तीव्रता वाढत आहे. उद्या (ता. १९) हे चक्रीवादळ अतितीव्र होण्याची शक्यता आहे. ही तीव्र वादळी प्रणाली शुक्रवारी (ता. २०) दुपारपर्यंत नेल्लोर आणि यानम दरम्यान आंध्र प्रदेशच्या किनाऱ्याला धडकण्याचा इशारा देण्यात आला आहे. पूर्व भारतासह महाराष्ट्रातही या चक्रीवादळाचा प्रभाव जाणवण्याची शक्यता आहे..बंगालच्या उपसागरातील ‘अक्वान’ वादळाचे केंद्र गेल्या काही तासांपासून ताशी तीन किलोमीटर वेगाने वायव्य दिशेकडे सरकत आहे. मंगळवारी (ता. १७) दुपारी या वादळी प्रणालीचे केंद्र तमिळनाडूतील चेन्नईपासून ६१० किलोमीटर पूर्वेकडे, श्रीलंकेतील त्रिंकोमलीपासून ६३० किलोमीटर ईशान्येकडे, तर आंध्र प्रदेशातील मच्छलीपट्टणमपासून ६६० किलोमीटर आग्नेयेकडे होते..Weather Update: राज्यात अंशत: ढगाळ हवामानाचा अंदाज; तापमानात चढ-उतार.मंगळवारी (ता. १७) सायंकाळनंतर पश्चिम-मध्य बंगालच्या उपसागरात तीव्र चक्रीवादळ घोंघावत होते. उद्यापर्यंत (ता. १९) पश्चिम-मध्य बंगालच्या उपसागरात हे चक्रीवादळ अतितीव्र होण्याचे संकेत आहेत..Akvan Cyclone: बंगालच्या उपसागरात ‘अक्वान’ चक्रीवादळ.तर शुक्रवारी (ता. २०) दुपारपर्यंत अतितीव्र चक्रीवादळ आंध्र प्रदेशातील यानम आणि नेल्लोरदरम्यान किनारपट्टी ओलांडण्याची शक्यता आहे. किनारपट्टीला धडकताना वाऱ्याचा वेग ताशी १२० ते १३० किलोमीटर राहणार असून, ताशी सुमारे १४५ किलोमीटर वेगाने वाऱ्याचे झोत येण्याचा इशारा देण्यात आला आहे..या वादळामुळे तमिळनाडू, आंध्र प्रदेश, ओडिशा, रायलसीमा, तेलंगण, छत्तीसगड, झारखंड, विदर्भ आणि मध्य प्रदेशात हलक्या ते मुसळधार पावसाची शक्यता आहे. वादळामुळे किनाऱ्यालगत ताशी १२० ते १४५ किलोमीटर वेगाने वारे वाहण्याची शक्यता आहे. तसेच समुद्र खवळून एक ते दोन मीटर उंचीच्या लाटा उसळण्याची शक्यता आहे. खबरदारीचा उपाय म्हणून मासेमारीसाठी खोल समुद्रात न जाण्याचा इशारा हवामान विभागाने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.