Land Mapping: आज गावकी - भावकीतील वादाच्या कारणांचा शोध घेतला तर शेतजमिनीची मोजणी हे अव्वल स्थानावर असल्याचे दिसेल. एकीकडे शक्तिपीठ महामार्ग जमीन अधिग्रहणासाठी शासनाकडून मोजणी प्रगतिपथावर आहे, तर दुसरीकडे जमिनीचा विक्री व्यवहार झाल्यानंतरची मोजणी, कुटुंबातील वाटण्या, हिस्से, पोटहिस्से पाडण्याकरिता जमीन मोजणी करावी लागते. तर काही ठिकाणी हद्द, बांध, शेतरस्ते यांच्या वादातून जमीन मोजणीसाठी अर्ज केले जातात. .शासकीय जमीन मोजणी भूमिअभिलेख विभागामार्फत तर अनेक खासगी भूमापकदेखील जमीन मोजणी करून देतात. पूर्वी साधी, तत्काळ, अति तत्काळ शासकीय मोजणी होत असे आता मात्र साधी व तत्काळ असे दोनच प्रकार ठेवण्यात आले आहेत. राज्यात जमीन मोजणीसाठी शंखू - साखळी, दोरी - काटा, प्लेन टेबल अशा पारंपरिक ते आता रोव्हर उपकरण (उपग्रह प्रणालीशी जोडलेले भूमापन उपकरण) अशी स्थित्यंतरे आपण पाहतोय..Land Measurement Irregularities: मोजणीत गैरव्यवहार केल्यास परवाना रद्द होणार.रोव्हर उपकरणाने जमीन मोजणीचे काम सुलभ, सुटसुटीत, गतिमान आणि पारदर्शी होते. असे असताना जमीन मोजणीसाठीचे वाढते अर्ज आणि मर्यादित मनुष्यबळ तसेच संसाधने यामुळे राज्यात जमीन मोजणीचे अनेक प्रकरणे प्रलंबित आहेत. जमीन मोजणी प्रकरणांना जलद आणि पारदर्शी होण्यासाठी प्रत्येक जिल्ह्यात प्रशिक्षित परवानाधारक भूमापक आणि भूमापन एजन्सीची नियुक्ती करण्याचा निर्णय राज्य सरकारने नुकताच घेतला आहे. भूमापक अथवा भूमापन एजन्सीकडून नोंदणीत गैरप्रकार आढळल्यास त्यांचा परवाना रद्द करण्यात येणार आहे..खासगी भूमापकांसाठी आयटीआय (सर्व्हेइंग), सिव्हिल इंजिनिअरिंग डिप्लोमा, पदवी, जिओ इन्फर्मेटिक्स पदवीधर पात्र आहेत. गावोगाव असे अनेक डिप्लोमा तसेच पदवीधारक असून जास्तीत जास्त तरुणांनी या संधीचा लाभ घ्यायला हवा. भूमापक म्हणून नियुक्तीनंतर त्यासाठी ठरावीक कार्यपद्धतीचाच अवलंब त्यांच्याकडून होणे अपेक्षित आहे. महत्त्वाचे म्हणजे जमीन मोजणीत कुठलाही गैरप्रकार होणार नाही, ही काळजीदेखील घ्यावी लागेल..राज्यामध्ये ई- मोजणी व्हर्जन २.० प्रणाली लागू करण्यात आली असून, जमीन मोजणीसाठी रोव्हर यंत्रणा आवश्यक आहे. मोजणी यंत्रातच बदल नाही तर सर्व्हे नंबरचे नकाशे झाले, नकाशांचे एकत्रीकरण करून अपडेटेड गटवारी करण्यात आली. सर्व नकाशांचे नंतर डिजिटलायझेशन एवढेच नाही तर त्यांचे जिओ रेफ्रन्सिंगदेखील केले आहे. त्यामुळे आता राज्यातील कोणत्याही नकाशाचे बिंदू ‘जिओ रेफ्रन्सिंग’ असलेले मिळतील. हेच बिंदू अचूक जमीन मोजणीसाठी उपयुक्त ठरताहेत..Gadchiroli Land Issue: सुपीक जमिनी उद्योगांच्या घशात जाऊ देणार नाही: विजय वडेट्टीवार.राज्यात सुमारे तीन हजार भूमापक असून,या सर्वांना टप्प्याटप्याने रोव्हर मशिन उपलब्ध करून दिले जाणार आहेत. नवनियुक्त खासगी भूमापकांना देखील अशाच प्रकारे अत्याधुनिक यंत्रणा उपलब्ध करून द्यायला हवी. असे झाल्यास प्रलंबित नोंदणी प्रकरणे लवकरच मार्गी लागतील. लहान लहान होत चाललेले जमिनीचे तुकडे, नवीन पायाभूत सुविधा, निवासी प्रकल्प, विकास आराखडे, रस्ते बांधणी यामुळे येणारा काळ हा जमीन मोजणी क्षेत्रासाठी अधिक आव्हानात्मक असणार आहे..शिवाय दिवसेंदिवस जमिनीचे दर वाढतच आहेत. इंच इंच जागेला किंमत आल्याने मोजणीमध्ये गती व अचूकता येईल ही काळजी शासकीय मोजणीसह खासगी भूमापकांनी घ्यायला हवी. अचूकता हा मोजणी शास्त्रातील महत्त्वाचा मापदंड आहे, हे विसरून चालणार नाही. प्रलंबित प्रकरणांचा जलद निपटारा लावण्यासाठी खासगी भूमापकांचा उपयोग होईल, शिवाय जमीन मोजणीचे प्रामुख्याने काम भूमिअभिलेख कडेच राहील, हे देखील पाहावे लागेल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
