Pune News: राज्यातील शेतकरी निर्यातक्षम फळे व भाजीपाला पिकवतात. या शेतीमालाला स्पर्धात्मक दर मिळावा म्हणून आंतरराष्ट्रीय बाजारपेठ उपलब्ध करून देण्यासाठी शासन प्रयत्नशील असल्याचे पणन मंत्री जयकुमार रावल यांनी सांगितले. .डाळिंबाचे तीन कंटेनर वाशी येथील सुविधा केंद्रातून के. बी. एक्सपोर्ट्सचे चेअरमन प्रकाश खाखर यांनी नुकतेच ब्रिस्बेन- ऑस्ट्रेलिया, न्यूयॉर्क- अमेरिका, लॉस एंजेलिस- अमेरिका येथे निर्यात केले. या पार्श्वभूमीवर पणन मंत्री रावल यांनी प्रकाश खाखर यांचे अभिनंदन केले. त्यावेळी ते बोलत होते..Pomegranate Export: वाशीतून डाळिंबांचा पहिला कंटेनर अमेरिकेला रवाना.जागतिक बाजारपेठेत भारतीय डाळिंबांची मागणी सातत्याने वाढत आहे. राज्यात उत्पादित होणारा डाळिंब हा अमेरिका, ऑस्ट्रेलिया यासह अन्य देशांत निर्यात होत आहे. टप्प्याटप्प्याने इतर फळांची निर्यात करण्यासाठी पणन विभाग प्रयत्न करत आहे. यामुळे फळे व भाजीपाला उत्पादक शेतकऱ्यांच्या मेहनतीला जागतिक बाजारपेठेत स्पर्धात्मक मूल्य मिळेल..Pomegranate Export: साडेनऊ हजार शेतकरी करणार डाळिंब निर्यात.अमेरिका, ऑस्ट्रेलिया यासह अन्य देशांमध्ये कंटेनर रवाना होणे हे राज्याच्या कृषी-निर्यात व शेतकऱ्यांना उत्पन्नवाढीच्या दृष्टीने प्रोत्साहित करण्यासाठी अत्यंत महत्त्वाचे पाऊल आहे. येणाऱ्या काळात निर्यात सुविधा केंद्रातून मोठ्या क्षमतेने डाळिंब निर्यात केले जाणार असल्याचे पणन मंत्री जयकुमार रावल यांनी सांगितले..मॅग्नेट प्रकल्पातून डाळिंबाचे मूल्यवर्धनराज्यातील शेतीमालाला आंतरराष्ट्रीय बाजारपेठ मिळावी, यासाठी विविध पिकांचे निर्यातक्षम उत्पादन, मूल्यवर्धन केले जात आहे. मॅग्नेट प्रकल्पाचा आता दुसरा टप्पा सुरू झाला असून, याद्वारे पीकनिहाय शेतकऱ्यांना शेतकरी उत्पादक कंपन्यांच्या माध्यमातून निर्यात सुविधा केंद्रे उभारण्यात येत आहे. त्याद्वारे निर्यातीला प्रोत्साहन दिले जाणार आहे. असेही मंत्री रावल म्हणाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
