Rabi Crop Losses Issue: अनेक राज्यांमध्ये मार्च आणि एप्रिल महिन्यात पाऊस आणि गारपीट झाली आहे. देशातील ९ राज्यांत १११ जिल्ह्यांमध्ये गहू पिकाला फटका बसला आहे. त्यामुळे गहू उत्पादनात ५ ते १० टक्के घट येण्याची शक्यता आहे, असा अंदाज वर्तविला जात आहे..केंद्र सरकारने यंदा देशात १२०० लाख टन गहू उत्पादनाचा अंदाज दिला आहे. पण मार्च आणि एप्रिल महिन्यात उत्तर प्रदेश, पंजाब, हरियाणा, बिहार, पश्चिम बंगाल तसेच इतर महत्त्वाच्या गहू उत्पादक राज्यांमध्ये पाऊस आणि गारपीट झाली. रोलर फ्लोअर मिलर्स फेडरेशन ऑफ इंडियाच्या अहवालात उत्पादनात घटीचा अंदाज दिला आहे..Unseasonal Rain Crop Damage: पूर्वमोसमी पावसाचा हळद, कांदा, आंबा उत्पादकांना तडाखा.उत्तर प्रदेश, पंजाब, हरियाणा आणि बिहारमध्ये गव्हाची १० ते १५ टक्के काढणी पूर्ण झाली आहे. ऐन पीक काढणीच्या काळात पाऊस आणि गारपीट झालेल्या भागात २५ ते ३० टक्के क्षेत्रातील पिकांचे नुकसान झाले आहे. पंजाबमधील अमृतसर, होशियारपूर आणि रूपनगर, तर हरियाणातील रेवारी, उत्तर प्रदेशातील हमीरपूर, बिहारमधील बेगुसराय आणि पश्चिम बंगालमधील दक्षिण दिनाजपूर या जिल्ह्यांमध्ये १५ ते २५ टक्क्यांपर्यंत नुकसान झाले आहे..पंजाबमधील तीन जिल्ह्यांमध्ये आणि उत्तर प्रदेश तसेच बिहारमधील प्रत्येकी एका जिल्ह्यात उत्पादनात १० ते १५ टक्क्यांपर्यंत घट होण्याची शक्यता आहे. आठ राज्यांतील एकूण ५१ जिल्ह्यांमध्ये ३ ते ५ टक्क्यांपर्यंत नुकसानीचा अंदाज आहे. बिकानेरमध्ये गव्हाच्या उत्पादनात ३ ते ५ टक्के घट होण्याची शक्यता आहे..Rabi Crop Damage : देशातील २.४९ लाख हेक्टरवरील पिकांना अवकाळी आणि गारपीटीचा फटका; केंद्रीय कृषिमंत्री चौहान यांनी दिली मदतीची ग्वाही.गहू पिकाच्या स्थितीबाबत अन्न सचिव संजीव चोप्रा यांनी बोलताना म्हणाले, “पिकाची स्थिती चांगली दिसत असली तरी पावसामुळे हरियाणा आणि राजस्थानकडून गहू खरेदीचे निकष शिथिल करण्याची मागणी करण्यात आली आहे. आम्ही या राज्यांमध्ये आमची पथके पाठवली असून प्रत्यक्ष परिस्थितीचा आढावा घेत आहोत. गरज भासल्यास लवकरच खरेदीचे नियम शिथिल करण्यात येतील.” केंद्र सरकारने ३० जूनपर्यंत ३०३ लाख टन गहू खरेदीचे उद्दिष्ट ठवले आहे..गुणवत्तेवरही परिणामपाऊस आणि गारपिटीमुळे ३० टक्के गहू उत्पादक भागात गुणवत्तेवरही परिणाम झाला आहे. महत्त्वाच्या गहू उत्पादक ९ राज्यांमध्ये १११ जिल्ह्यांत ३ ते २५ टक्क्यांपर्यंत पिकाचे नुकसान झाल्याचेही अहवालात म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
