Jalgaon News: खानदेशात कलिंगडाची नोव्हेंबर व डिसेंबर २०२५ मधील कलिंगड लागवड यंदा वाढली. पण या महिन्यात कलिंगड पिकात उत्पादन अल्प किंवा एकरी १० ते १२ टन एवढेच हाती येत आहे. परिणामी आवक कमी असून, शेतकऱ्यांचा उत्पादन खर्चही वाढला आहे. .कलिंगडाचे दर या आठवड्यात विक्रमी म्हणजेच २३ रुपये प्रति किलोपर्यंत पोचले आहे. या दरात जामनेर, चोपडा भागांत कलिंगडाची थेट किंवा शिवार खरेदी शेतकऱ्यांकडून झाली आहे. पण उत्पादन कमी, खर्च अधिक यामुळे या दरांचा लाभ फारसा होताना दिसत नसल्याचे शेतकऱ्यांचे म्हणणे आहे..Watermelon Farming: खानदेशात आगाप कलिंगडास फटका.प्रतिकूल वातावरणयंदा नोव्हेंबरमध्ये पाऊस झाला. लागलीच पूर्वमशागत करून त्यात कलिंगड लागवड झाली. पुढे अति थंडी होती. डिसेंबरमध्ये काही दिवस किमान तापमान सात अंश सेल्सिअस होते. अनेक दिवस किमान तापमान आठ ते नऊ अंश सेल्सिअस एवढे होते. कलिंगड हे उष्णतेत येणारे फळ आहे. पण प्रतिकूल वातावरणात लागवडी झाल्या. त्यात पिकात वाढीसह रोगराई आटोक्यात आणण्यासाठी ड्रीपद्वारे व फवारणीतून बुरशीनाशके, संप्रेरके, कीटकनाशके व विद्राव्य खते द्यावी लागली..कलिंगड पिकाच्या शेवटच्या १५ दिवसांत अनेकांनी पिकात एक दिवसाआड विद्राव्य खते, संप्रेरके ड्रीपमधून दिली. फवारण्याही याच कालावधीत पाच दिवसांआड घ्याव्या लागल्या. यावरचा खर्चही एकरी तीन ते साडेतीन हजार एवढा प्रति फवारणी असा आला. यात २७ जानेवारी २०२६ रोजी झालेल्या पाऊस, वादळी पावसात कलिंगड पिकाची जळगावातील चोपडा, जळगाव, यावल, धुळ्यातील शिरपूर भागांत मोठी हानी झाली आहे..Watermelon Cultivation: उन्हाळ कलिंगड लागवडीला सुरुवात.दर विक्रमी, पण लाभ अल्पकलिंगडाचे दर या आठवड्यात विक्रमी २३ रुपये प्रति किलो, असे शेतकऱ्यांना जागेवर किंवा शिवार खरेदीत मिळत आहेत. परंतु उत्पादन कमी आहे. आवकही कमी आहे. याचा लाभ अल्प शेतकऱ्यांना मिळत आहे. सध्या खानदेशात रोज सात ते आठ ट्रक (एक ट्रक १६ टन क्षमता) कलिंगडाची आवक होत आहे. उत्पादन कमी असल्याने हे दर परवडत नसल्याचे शेतकरी मुकेश पाटील (गाढोदे, ता.जळगाव) म्हणाले..खर्चात वाढ प्रतिकूल स्थितीत पीकवाढीसाठी विद्राव्य खतांचा मोठा वापर झाला. तसेच अनेकांना पिकात फळे तयार होण्यासाठी मधपेट्या आणाव्या लागल्या. मधपेट्या आणूनही हवी तशी फळे लगडलेली नसल्याच्या तक्रारी आहेत. यात यंदा मल्चिंग पेपर अंथरणे, बियाणे, बेसल डोस यावरचा खर्चही अधिक आला. कारण बियाणे, खतांमध्ये दरवाढ झाली. मजुरीदर वाढले. कलिंगड पिकात यंदा एकरी खर्च ७० हजार रुपयांपर्यंत आला आहे. या तुलनेत दर नाहीत. चोपडा, जळगाव भागांत काही शेतकऱ्यांचे पीक प्रतिकूल स्थितीमुळे हातचे गेले. त्यांचा पूर्ण खर्च वाया गेला. मोठा तोटा आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
