Pune News: पितृपंधरवड्यात कोणतीही शुभ आणि धार्मिक कार्य होत नसल्याने फुलांची मागणी कमी होऊन, विविध फुलांचे दर कमी झालेले असतात. अशातच शेतकरी नवरात्र, दसरा आणि दिवाळीसाठीचे नियोजन करून, विविध फुलांची लागवड करत असतात. ऐन पितृपंधरवड्यात काढणीस आलेल्या फुलांना मागणीअभावी दर नसल्याने, परिसरात असणाऱ्या शीतगृहात फुले ठेवून मूल्यवर्धन होत आहे..पुणे जिल्ह्यात यवत, बारामती, पुरंदर, जुन्नर, खेड, आंबेगाव, शिरूर परिसरांत मोठ्या प्रमाणावर विविध फुलांची लागवड होत आहे. यामध्ये पुष्पसंशोधन संचालनालयाच्या वतीने गेल्या १० वर्षांत संशोधन केलेल्या शेवंतीच्या सुमारे १०० पेक्षा अधिक विविधरंगी वाणांचा समावेश आहे. बाजारपेठेच्या पसंतीनुसार हे वाण आता ग्राहक आणि शेतकरी प्रिय होऊ लागले असून, शेतकरी आता एकाच वेळी विविधरंगी फुलांची लागवड करत, बाजारपेठ काबीज करत आहेत..Flower Farming Success : अभ्यासपूर्ण गुलाबशेतीतून आर्थिक स्थैर्य, समाधानही .खानापूर (ता.जुन्नर) येथील फूल उत्पादक शेतकरी रामभाऊ वाळुंज यांनी नवरात्र, दसरा आणि दिवाळीसाठी साडेचार एकरावर गुलाबी, केशरी, पांढरी आणि पिवळी अशा चार रंगाच्या शेवंतीची लागवड केली आहे. पितृपंधरवड्यात त्यांचे उत्पादन सुरू झाले. मात्र दर केवळ ४० ते ५० रुपये प्रति किलो होते. अशा दर पडलेल्या काळात, त्यांनी अभिवन द्राक्ष उत्पादक सहकारी संस्थेच्या शीतगृहात फुलांच्या क्रेटची साठवणूक केली..Flower Market: सण, उत्सवांमुळे फूल बाजार तेजीत.यासाठी त्यांनी ८ ते १२ किलोच्या प्रति क्रेटसाठी प्रति दिन ६ रुपये भाडे तत्त्वावर ठेवले होते. १५ दिवसांच्या साठवणुकीनंतर आता नवरात्रोत्सवात दादर फूल बाजारात पाठविण्यास सुरुवात केली आहे. सध्या त्यांना आता १५० रुपये प्रति किलो दर मिळत असल्याचे सांगितले. तर दसरा आणि दिवाळीत हे दर २०० रुपये प्रति किलो जाण्याचा अंदाज त्यांना आहे..मी यंदा ७ एकर शेवंती केली असून, यामध्ये जांभळा, पिवळा, गुलाबी आणि पांढऱ्या रंगाच्या शेवंतीची लागवड केली आहे. गणपतीमध्ये उत्पादन सुरू झाले असून, पितृपंधरवड्यात दर ३० ते ४० रुपयांपर्यंत कमी झाल्याने मी शीतगृहात फुले ठेवली आहेत. सध्या माझी १ हजार ५०० क्रेटच्या माध्यमातून ८ ते १० टन फुले ठेवली आहेत. सध्याचा दर हा १०० रुपये किलोपर्यंत आहे. दसरा-दिवाळीत दर १५० रुपये किलो अपेक्षित आहे.संकेत दुराफे, शिवनेरी पायथा कुसूर, ता.जुन्नर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
