El Nino impact: देशातील उडीद (काळा उडीद) बाजारातील दर तेजीत असून, गेल्या महिनाभरात घाऊक बाजारातील सरासरी दरात सुमारे २० टक्क्यांची वाढ झाली आहे. देशांतर्गत उत्पादन घटणे, म्यानमार आणि ब्राझीलमधील कमी उत्पादन, आयातीत घट आणि यंदाच्या खरीप हंगामात ‘एल निनो’मुळे उत्पादनावर परिणाम होण्याची भीती यामुळे बाजारात तेजीचे वातावरण निर्माण झाले आहे..कृषी मंत्रालयाच्या ‘यूपीएजी’ पोर्टलवरील आकडेवारीनुसार, १७ जुलैपर्यंत उडदाची पेरणी १३.५१ लाख हेक्टरवर झाली असून, ती गेल्या वर्षीच्या तुलनेत सुमारे ६ टक्क्यांनी कमी आहे. यामुळे आगामी उत्पादनाबाबत चिंता व्यक्त केली जात आहे..Urad Bonus: उडदासाठी ६०० रुपये बोनस, मोहरीसाठी भावांतर योजना; मध्य प्रदेश सरकारचा मोठा निर्णय.मागील (२०२५-२६) हंगामात देशातील उडीद उत्पादन २२.४२ लाख टनांवरून २१.६० लाख टनांपर्यंत घसरले. परिणामी, उडदाची देशांतर्गत उपलब्धता कमी झाली आहे. याशिवाय म्यानमार आणि ब्राझीलमध्ये प्रतिकूल हवामानामुळे उत्पादन घटल्याने आंतरराष्ट्रीय बाजारातही दर वाढले आहेत..Urad Procurement: सरकारी केंद्रावर उडीद खरेदीसाठी प्रतीक्षा.भारताकडून होणाऱ्या आयातीतही घट झाली आहे. यंदाच्या जानेवारी-मे कालावधीत उडीद आयात २.९३ लाख टन राहिली असून, गेल्या वर्षीच्या ३.८३ लाख टनांच्या तुलनेत ती कमी आहे. त्यामुळे देशांतर्गत बाजारावर अतिरिक्त दबाव निर्माण झाला आहे..व्यापाऱ्यांच्या मते, ‘एल निनो’मुळे पावसावर परिणाम झाल्यास खरीप उत्पादन आणखी कमी होण्याची शक्यता असून, त्यामुळे पुढील काही काळ उडीद दर तेजीत राहू शकतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
